تلاشِ کمال

جب سے انسان نے سطح ارضی پر قدم رکھا ہے وہ سب سے زیادہ کمال کا متلاشی رہا ہے انسان سب جانداروں سے عقل و فکر کی وجہ سے ممتاز ہے ، عقل و فکر کی بنا پر وہ یہ سمجھتا ہے کہ حصول کمال کے لئے ایسی عادات و اخلاق کا حصول ضروری ہے جو انسان کو عظیم بناتے ہیں۔ کتنے سارے اخلاق انسان بطور اخلاق تسلیم کرتے ہیں؟ یقینا اس کا جواب نفی میں ہے کیونکہ یورپ والے اگر ایک عادت کو بطور خلق اپناتے ہیں تو ضروری نہیں کہ ایشیاء والے بھی اسے پسند کریں ۔ افریقی ایک خلق کو محور سمجھتے ہوں تو عین ممکن ہے کہ جاپانی اسے مردود قرار دے دیں ۔ معلوم ہوا کہ ماحولی اثرات سے عادات و اخلاق پیدا ہوتے ہیں لہذا ماحول بدلنے سے عادت میں تبدیلی آجاتی ہے۔
پھر یہ بھی واضح بات ہے کی عموما چند ہی مرکزی اخلاق و اطوار ہیں جن کے اردگرد انسانی زندگی گھومتی رہتی ہے علمائے اخلاق نے اپنی کتب میں ان کی تفصیلات دی ہیں مگر وہ بھی تو تین چار درجنوں سے زائد نہیں ہیں، ان میں اضافہ ماحول بدلنے سے بھی ہوتا ہے زمانہ بدلنے سے بھی ہوتا ہے اور نسلیں بدلنے سے بھی ہوتا ہے ، اس طرح عادات و اطوار بدلتے تو رہتے ہیں مگر ہر دور کے انسانوں کے پاس بحیثیت مجموعی یہ چند ہی رہتے ہیں۔
ان چند اخلاق کو سیکھنے کے لئے بھی انسانی زندگی محدود نظر آتی ہے ۔ ساٹھ ستر سال کے عرصہ میں اگر انسان ان اخلاق عالیہ کا خود تجزیہ کرنے لگے تو شاید وہ چار صفات سے آگے نہ نکل سکے ۔ شاعرانہ زبان میں بات وہی بنتی ہے کہ
<center>لیکن سوال زندگی مختصر کا ہے</center>
علامہ اقبال کو بھی شدت سے اس بات کا احساس تھا اسی لئے انہوں نے ایک اور پیرائے میں اللہ کریم سے عرض کیا تھا
کر پہلے مجھ کو زندگی جاوداں عطا
<center>پھر ذوق و شوق دیکھ دلِ بیقرار کا</center>
پھر انسان کدھر جائے ، انسانِ کامل کیسے بنے ، مختصر زندگی میں وہ وسعتیں کہاں سے آئیں کہ وہ مختصر ہوتے ہوئے بھی جاوداں بن جائے
اللہ کریم نے اس کا حل یہ بتایا کہ اپنی زندگی کو اخلاق کے حصول کی آماجگاہ نہ بناؤ کہ یہ اخلاق جو تم حاصل کرو گے وقتی ہوں گے ، دور گزرنے کے ساتھ ساتھ ختم ہو جائیں گے، ماحول بدلنے کے ساتھ بدل جائیں گے اور نسلیں ختم ہونے پر فنا ہوجائیں گے ۔ اگر تمہیں اخلاق میں ایسی جامعیت چاہیے جو زندگی کو کمال تک پہنچا دے تو اخلاق مجھ سے سیکھو ، میں تمہیں ایک نمونہ دیتا ہوں اپنے آپ کو اس نمونے میں ڈھال لو ، اسی کے اخلاق سے نورِ اخلاق حاصل کرو اس کے اطوار سے اپنی عادات کی تاریکیوں کو منور کرلو۔
یہ نمونہ سید کل فخر موجودات سیدنا محمد رسول اللہ صلی اللہ علیہ والہ وسلم کی ذات پاک ہے۔
<center>
بلغ العلی بکمالہ
َکشف الدجی بجمالہ
حسنت جمیع خصالہ
صلو علیہ والہ


×××××××××××××××××××××
</center>

از المصطفی والمرتضی مصنف سید ذاکر حسین شاہ چشتی سیالوی

 

ما شاءاللہ ۔۔۔۔۔۔۔۔ آپ نے بہت خوبصورت پوسٹ کی ہے۔ اللہ تعالیٰ آپ کو حضور صلی اللہ علیہ وآلہ وسلم کے نعلین پاک کے تصدق سے مزید اس طرح کا اضافہ کرنے کی توفیق عطا فرمائے آمین۔
حقیقت میں حضور صلی اللہ علیہ و سلم کی ذات بابرکات ایمان، اسلام اور اخلاق کا مرکزو محور ہے۔

 

کمال تلاش کیا راجہ صاحب !!!

اللہ کریم نےمختلف النوح اخلاقیات میں سے بہتر چُناؤ کا حل یہ بتایا کہ

میں تمہیں ایک نمونہ دیتا ہوں اپنے آپ کو اس نمونے میں ڈھال لو ، اسی کے اخلاق سے نورِ اخلاق حاصل کرو اس کے اطوار سے اپنی عادات کو تاریکیوں کو منور کرلو۔

یہ نمونہ سید کل فخر موجودات سیدنا محمد رسول اللہ صلی اللہ علیہ والہ وسلم کی ذات پاک ہے۔

خوب بہت خوب ذات ہے !!!
بہت اچھا لکھا راجہ صاحب۔

 

حقیقت میں حضور صلی اللہ علیہ و سلم کی ذات بابرکات [align=right:23bcemk2]ہی [/align:23bcemk2]ایمان، اسلام اور اخلاق کا مرکزو محور ہے۔

 

خوبصورت

ماشاء اللہ بہت اچھا لکھا ہے۔

 

ماشاء اللہ ماشاء اللہ بہت خوب جزاک اللہ

 

سبحان اللہ

لقد کان لکم فی رسول اللہ اسوۃ حسنہ

کا مقصد و مدعا بھی یہی ہے۔ کہ جو کوئی کمال حاصل کرنے کی خواہش رکھتا ہے۔ میرے محبوب نبی :saw: سب سے افضل و اعلی صاحب کمال ہیں بس انکے قدموں کی دھول مبارک کو اپنے کردار پر ملتے جاؤ۔

کمال و رفعت کی بلندیوں پر فائز ہوتے چلے جاؤ گے۔