تصویرِ حسنِ بےنشاں۔ صل علی صل علی

تصویر حسن بے نشاں صل علی صل علی
لاریب شاہ خسرواں صل علی صل علی
زیبائے تو شمس الضحٰی بدرالدجٰی
ارحم لنا اے جانِ جاں صل علی صل علی
ما زاغ چشم سرمگیں ، والیل زلفِ عنبریں
یٰسین دندانِ دہاں صل علی صل علی
محمود سے حامد ہوا ، احمد محمد مصطفٰے
حم کا ہے رازداں صل علی صل علی
اے قبلہ گاہ عاشقیں اے رحمۃ للعالمیں
اے وجہ تخلیق جہاں صل علی صل علی
دربان ہے روح امین ، مسند تری عرشِ بریں
گویا مکین لامکاں صل علی صل علی
تو صاحب لولاک ہے تو فخر ہفت افلاک ہے
قرآن ہے قرآن خواں صل علی صل علی
روز جزا ، اے رافع ذکر خدا
محبوب رب دوجہاں صل علی صل علی
اے خاتم پیغمبری اے کہ ادائے دلبری
اے کہ ادائے دلبراں صل علی صل علی
قوسین ابروئے جبیں ، کونین بھی زیرِ نگیں
اسریٰ کی شب گزری کہاں صل علی صل علی
تیری زبان پر لا الہ مولا کہے صل علی
گاہے یہاں گاہے وہاں صل علی صل علی
اے سید عرب وعجم اے محترم نطر کرم
تیرے سوا جائیں کہاں صل علی صل علی
در یتیم و تاجور ، اے صاحبِ شق القمر
امی مگر فخرِ بیاں صل علی صل علی
گویا سکوتِ دوجہاں تیرا گدا محو فغاں
واصف ہوا ہے نیم جاں صل علی صل علی

 

Re: واصف علی واصف

ائے شہ انس و جاں جمالِ جمیل
<center>تجھ پہ تخلیقِ حسن کی تکمیل</center>
رہبرِ انبیا و ختم رسل
<center>ذاکر و تذکرہ ربِ جلیل</center>
دمِ عیسی کہ یو یدِ بیضی
<center>والضحی کی نہ مثل ہے نہ مثیل</center>
نورِ مطلق کا رازدار و امیں
<center>افتخارِ جہاں ہے فخرِ خلیل</center>
سایہِ نور مصطفی ناپید
<center>نور لایا ہے تور ہی کی دلیل</center>
بانی دینِ حق نبی کریم
<center>دینِ فطرت سلامتی کا کفیل</center>
ہے حلیمہ کی بکریوں والا
<center>بزم ہستی میں نور کی قندیل</center>
گوڈری پوش راز الا اللہ
<center>تجھ پہ شیدا خدا تو ایسا شکیل</center>
آپ کی بات آیتِ قرآں
<center>آپ ہی کے لیے قول ثقیل</center>
آپ ہی کی زباں ہے حق گویا
<center>آپ پر ہے کلام کی تنزیل</center>
نالہ نیم شب کا سرچشمہ
<center>یانبی جاگئے گا الا قلیل</center>
تو شفیق اور رحمتِ عالم
<center>محسن انس و جاں حسین و جمیل</center>
عقل و دانش غلام ہیں تیرے
<center>فہم و ادراک سے ورا ہے عقیل</center>
مدعا ، منتہی ، مرادِ حیات
<center>جادہ شوق میں امام سبیل</center>
آستانِ نبی ہے فخر زمیں
<center>آسماں سرنگوں پئے تقبیل</center>
چشم مازاغ ، رخ کلام اللہ
<center>اور والیل ہی ہے زلفِ طویل</center>
مظہر کبریا ہے ذاتِ نبی
<center>بزم امکان ہے اخیر و قبیل</center>
خواجہ دوجہاں کی کیا ہو ثنا
<center>خود ثنا خواں ہوا ہے ربِ جلیل</center>
کیا بیاں ہوسکے گی شانِ نبی
<center>بعد حق کے توئی شکیل و جزیل</center>
اک نگاہِ کرم نبی کریم
<center>مجھ پہ کیجے بحق اسمعیل</center>
آپ کے در پہ سر رہے ہر دم
<center>معصیت معرفت میں ہو تبدیل</center>
یامحمد صدا ہو وردِ زباں
<center>پائے ساقی پہ ہو میری تکمیل</center>
راز شاہِ امم ہیں شاہِ نجف
<center>قصہ کوتاہ ہے بات بالتفصیل</center>
جب توجہ میں آگیا واصف
<center>تو جنوں سے خرد کی ہے تشکیل</center>

 

Re: واصف علی واصف

جنہیں تیرا نقش قدم ملا ، وہ غم جہاں سے نکل گئے
یہ میرے حضور کا فیض ہے کہ بھٹک کہ ہم جو سنبھل گئے
<center>پڑھو صل علی نبینا صل علی محمد
پڑھو صل علی شفیعنا صل علی محمد</center>
ہو تیرے کرم کا جواب کیا ، تیری رحمتوں کا حساب کیا
تیرے نام نامی سے غم کدوں میں چراغ خوشیوں کے جل گئے
<center>پڑھو صل علی نبینا صل علی محمد
پڑھو صل علی شفیعنا صل علی محمد</center>
تو ہی کائنات کا راز ہے ، تیرا عشق میری نماز ہے
تیرے در کے سجدے میرے نبی میری زندگی کو بدل گئے
<center>پڑھو صل علی نبینا صل علی محمد
پڑھو صل علی شفیعنا صل علی محمد</center>تو مصوری کا کمال ہے تو خدا کا حسن خیال ہے
جنہیں تیرا جلوہ عطا ہوا وہ تیرے جمال میں ڈھل گئے
<center>پڑھو صل علی نبینا صل علی محمد
پڑھو صل علی شفیعنا صل علی محمد</center>تھے ہزار صدیوں کے فاصلے جو رسول پاک نے طے کئے
وہ تو ایک رات کی بات تھی کہ زمانے جس میں بدل گئے
<center>پڑھو صل علی نبینا صل علی محمد
پڑھو صل علی شفیعنا صل علی محمد</center>یہ حلیمہ تجھ کو خبر نہ تھی کہ وہی زمانے کے تھے نبی
وہ خدا کے کتنے قریب تھے ، تیری گود میں جو بہل گئے
<center>پڑھو صل علی نبینا صل علی محمد
پڑھو صل علی شفیعنا صل علی محمد</center>تیرا بندہ واصف بے خبر ، تیرا راز سمجھا ہے اس قدر
تجھے جب پکارا بہ چشمِ تر ، کئی مرحلے تھے جو ٹل گئے
<center>پڑھو صل علی نبینا صل علی محمد
پڑھو صل علی شفیعنا صل علی محمد</center>

 

Re: واصف علی واصف

سبحان اللہ ۔۔۔۔ ما شاء اللہ
بہت پیارے اشعار ہیں۔ دل میں اتر گئے ہیں۔
اللہ تعالی اپنے حبیب (ص) کے مدح سراوء ں کو سلامت رکھے۔ آمین