بڑا کریم انہیں مہرباں سمجھتے ہیں ۔۔ سیدہ زینب سروری

بڑا کریم انہیں مہرباں سمجھتے ہیں
انہیں قرارِ دلِ عاشقاں سمجھتے ہیں

ہر ایک سے انہیں محبوب جانتے ہیں ہم
انہی کو جانِ جہاں، جانِ جاں سمجھتے ہیں

نبی نبی ہے محبوں کے وردِ لب ہر دم
انہیں سرورِ جگر حرزِ جاں سمجھتے ہیں

گزر گیا ہے جو پل ان کی یاد سے غافل
اس ایک پل کو فقط رائیگاں سمجھتے ہیں

وہ ذاتِ پاک ہی تو وجۂِ کائینات بنی
انہی کو زیست کا روحِ رواں سمجھتے ہیں

وہی ہیں محرمِ اسرارِ لایزال یہاں
انہی کو باعثِ ہر دو جہاں سمجھتے ہیں

زماں زمن بھی ہے ان کے وجود سے روشن
انہی کو جادۂِ منزل نشاں سمجھتے ہیں

وہی ہیں رحمتِ عالم وہی شفیعِ امّم
خدا کا امر بھی رازِ نہاں سمجھتے ہیں

خدا نے ان کی مدح الکتاب میں لکھی
دیارِ سطوت و عظمت نشاں سمجھتے ہیں

صلٰوۃ ان پہ سرِ لامکاں پڑھیں قدسی
صفات و ذات بھی وردِ زباں سمجھتے ہیں

یہاں پہ ہم ہیں اُسی شمع رُو کے پروانے
غلام خود کو سگِ آستاں سمجھتے ہیں

خدا کے بعد وہی ہیں سخی رؤف و رحیم
ہم اُن کی مہر و عطا بےکراں سمجھتے ہیں

جمالِ یوسفِ کنعاں مثال کیا بنتا
نہیں حسیں کوئی ان سا یہاں، سمجھتے ہیں

خدا نے دی وہ بزرگی انہیں جسے زینب
انہی کی شان کے شایانِ شاں سمجھتے ہیں
-----
کلام : سیدہ زینب سروری
​

 

بڑا کریم انہیں مہرباں سمجھتے ہیں
انہیں قرارِ دلِ عاشقاں سمجھتے ہیں​

 

ہر ایک سے انہیں محبوب جانتے ہیں ہم
انہی کو جانِ جہاں، جانِ جاں سمجھتے ہیں​

 

نبی نبی ہے محبوں کے وردِ لب ہر دم
انہیں سرورِ جگر حرزِ جاں سمجھتے ہیں​

 

گزر گیا ہے جو پل ان کی یاد سے غافل
اس ایک پل کو فقط رائیگاں سمجھتے ہیں​

 

وہ ذاتِ پاک ہی تو وجۂِ کائینات بنی
انہی کو زیست کا روحِ رواں سمجھتے ہیں​

 

وہی ہیں رحمتِ عالم وہی شفیعِ امّم
خدا کا امر بھی رازِ نہاں سمجھتے ہیں​

 

صلٰوۃ ان پہ سرِ لامکاں پڑھیں قدسی
صفات و ذات بھی وردِ زباں سمجھتے ہیں​

 

جمالِ یوسفِ کنعاں مثال کیا بنتا
نہیں حسیں کوئی ان سا یہاں، سمجھتے ہیں​

 

سبحان اللہ & جزاک اللہ

 

اللہ تعالیٰ آپ کو بھی جزائے خیر عطا کرے آمین