ایک تازہ غزل : کیا کریں اب اور کیا حل رہ گیا

کیا کریں اب اور کیا حل رہ گیا
جل گئی رسی مگر بل رہ گیا

گرد درباری تھے اس کے اور میں
اس لئے آنکھوں سے اوجھل رہ گیا

جب کبھی خوابوں کی جانب کی نگاہ
آنکھ نم اور دل یہ بوجھل رہ گیا

ہو گئی ناکام خواہش وصل کی
اور پھر ہجرِ مسلسل رہ گیا

کی تھی دلداری کی ہر کوشش مگر
اُس جبیں پر پھر بھی اک بل رہ گیا

کب جنوں کے ہاتھ ، میں مجبور تھا
کیوں مری قسمت میں جنگل رہ گیا

 

ماشاء اللہ
بہت خوبصورت بہت عمدہ