بس اب تو رہتے ہیں آنکھوں میں اَشک آئے ہوئے (نصیر الدین نصیر گیلانی رحمتہ الله علیہ)

بس اب تو رہتے ہیں آنکھوں میں اَشک آئے ہوئے
زمانہ بِیت گیا ہم کو مسکرائے ہوئے

لگی ہے بھیڑ غم و رنج و درد و الفت کی
ہم اپنے دل میں ہیں اک کربلا بسائے ہوئے

غمِ حُسین کا گھاؤ ہے کس قدر گہرا
یہ اُن سے پوچھ جو ہیں دل پہ چوٹ کھاۓ ہوۓ

نبی کے گھر کے اُجالوں کا اب خدا حافظ
اندھیرے شامِ سِتم کے ہیں سراُٹھاۓ ہوۓ

عجیب وقت ہے زھرا کے گل عزاروں پر
سکینہ پیاسی ہیں اصغرہیں تیر کھاۓ ہوۓ

یہ ناتوانی یہ رستے کی سختیاں سجاد
چلوگے کیسے بھلا بیڑیاں اُٹھاۓ ہوۓ

نمازعشق کی یہ تُربگی کوئی دیکھے
حُسین سجدے سے اُٹھے تو سر کٹائے ہوۓ

شکست دے نہ سکی عزمِ ابنِ حیدر کو
اجل کھڑی ہے ندامت سے منہ چُھپاے ہوۓ

سبب خاموشی کا پوچھا گیا جو زینب سے
تو رو کے بولی کہ نانا ہیں یاد آئے ہوۓ

یہ شب کہیں شبِ عاشور تو نہیں لوگو
اداس چاند ہے تارے ہیں تِلملاۓ ہوۓ

پلٹ کےائے نہ اب تک میرے چچا عباس
سکینہ روتی ہیں دستِ دعا اُٹھاۓ ہوۓ

نڈھال کر گئی اصغر کی آخری ہجکی
حُسین خمیے میں ائے کمر جُکھاۓ ہوۓ

بٹھک رہی ہے ابھی تک تلاش میں منزل
نہ جانے کون گیا کارواں لوٹائے ہوۓ

ہم اہلِ دل ہیں ہمیں اہلِ زر سے کیا مطلب
ہم اپنے شاہ نجف سے ہیں لو لگاۓ ہوۓ

نصیؔر گلشن زھرا کے پیاسے پُھولوں کو
سلام کہتے ہیں آنکھوں میں اَشک ائےہوۓ
​

بھیجو یزیدیت پے نہ کیوں لعنت اے نصیر
یہ دشمنی ہے اور میرے گھر کے ساتھ ہے

ذات نبی سے ذات علی کو جدا نہ جان
ہر موج کا وجود سمندر کے ساتھ ہے

شاہ نصیر الدین نصیر گیلانی رحمتہ الله علیہ​

 

شکریہ بھائی

 

پڑھ کر آنکھوں میں آنسو آگئے۔
ذات نبی سے ذات علی کو جدا نہ جان
ہر موج کا وجود سمندر کے ساتھ ہے
سبحان اللہ۔۔جزاک اللہ خیرا

 

شکریہ بہنا

شکریہ بھائی

 

جزاکم اللہ خیرا#

 

شکریہ بھائی