لفظ " دعا" پر شاعری لکھیں۔۔۔

ہر لفظ میں محبت،ہر لفظ میں دعا
مقروض کردیا ہمیں تیرے خلوص نے​

 

بدل جاتی ہے قسمت بھی دعا سے
نہیں مایوس میں اپنے خدا سے۔۔

 

ہنسنے پر بھی آجاتے ہیں بے ساختہ آنسو
کچھ لوگ مجھے ایسی دعا دے کے گئے ہیں۔۔

 

خدا کرے سلامت رھے کسی دعا کی طرح
ایک تُو اور دوسرا مسکرانا تیرا​

 

پھرتا ہے تو تو گلیوں کے اندر خراب و خوار
اے مصحفی یہ کس کی تجھے بد دعا لگی
)مصحفی(

​

 

دبا کے قبر میں سب چل دیئے دعا نہ سلام
ذرا سی دیر میں کیا ہوگیا زمانے کو
)قمر جلالوی(

​

 

کیوں دیکھ کے آئینے میں حیراں ہو خود کو
چڑھتا ہے یونہی رنگ فقیروں کی دعا کا
)عبدالحمید عدم(​

 

ابھی راہ میں کئی موڑ ہیں کوئی آئے گا کوئی جائے گا
تمہیں جس نے دل سے بھلا دیا اسے بھولنے کی دعا کرو
)بشیر بدر(

​

 

دشمنِ جاں ہی سہی‘ دوست سمجھتا ہوں اُسے
بددعا جس کی مجھے بن کے دعا لگتی ہے

 

ہم نے اپنا حصہ شامل کرلیا۔۔۔۔۔۔۔۔۔۔۔ باقی احباب بھی مقدور بھر حصہ لیں

 

بہت بہت شکریہ۔۔زبردست۔۔نظام الدین بھائی آپ نے بہت عمدہ اور اچھا حصہ شامل کیا۔۔

 

دُعا بھی دیتا ہے اور بَد دُعا بھی دیتا ہے
وہ کون ہے جو مُجھے یوں سَزا سی دیتا ہے
​

 

ہے دعا یاد مگر حرفِ دعا یاد نہیں
میرے نغمات کو اندازِ نوا یاد نہیں

ساغر صدیقی​

 

بے اثر ٹھہری مسیحا کی دعا میرے بعد​

زخم کو باقی نہیں کوئی گلہ میرے بعد​

شاہد رضوی​

 

غوری بھائی چھاگئے جناب آپ تو۔

 

Next ممبر؟

 

آپ کی طرف سے عنایت کردہ تعریف میرے لئے بیش قیمت سرمایہ ہے۔

خوش رہیے۔

 

دعاء کرو یہ دل سے کبھی، ٹوٹے نہ کہیں یہ یارانہ
یاد رھے ھمیشہ کبھی، بگڑے نہ کہیں یہ افسانہ
​

 

خوشی ملی تو کئ درد مجھ سے روٹھ گۓ....
دعا کرو کہ میں پھر سے اداس ہو جاؤں...
​

 

واہ جی واہ۔۔۔زبردست۔۔
غوری بھائی تو واقعی چھاااااااااا گئے۔۔۔

 

ماں تیرے بعد بتا، کون لبوں سے اپنے
وقتِ رخصت میرے ماتھے پہ دعا لکھے گا​

 

اور کچھ بھی نہیں چاہتی میں اپنی زندگی میں یارب
دعا ہے کہ کسی کے دکھ کی وجہ میری ذات نہ ہو​

 

دعا کی صورت میں اس کی خاطر
جو میرے ہونٹوں سے لفظ نکلے
جو میری آنکھوں سے اشک نکلے
انہی کے بدلے میں اے خدایا!
جب بھی اس کا نصیب لکھنا
عروج لکھنا
کمال لکھنا
کبھی نہ حرفِ زوال لکھنا
خوشیاں لکھنا
اور اس کی عمر دراز لکھنا!
آمین

 

لبوں پہ اس کے بددعا نہیں ہوتی
بس ایک ماں ہے جو کبھی خفا نہیں ہوتی

 

بہت عمدہ۔

 

دور ہو کے بھی آپ کے پاس رہا کرتے ہیں۔
تیری یادوں کے سہارے جیا کرتے ہیں
تجھ سے کوئی شکایت نہ گلہ کرتے ہیں
تو سلامت رہے بس یہی دعا کرتے ہیں​

 

بہت خوب۔۔۔۔۔ زبردست۔۔۔۔ واہ

 

صدا سلامت رہے وہ دنیا جس میں تم بستے ہو
تمہاری خاطر ہم ساری دنیا کو دعا دیتے ہیں۔
​

 

ہزار شکر یہاں تک تمہیں خدا لایا
مراد آئی ، دعا اپنی مستجاب ہوئی

​