لکھنوی زبان

زہے نصیب ! یعنی اب ہم جیسوں کو اپنی ادبی پیاس کی سیرابی کے لیے کسی بحر ذخار کی شناوری کی ضرورت نہیں ، اب یہ گوہر پارے ہمیں اس محفل کی دریابی پر آپ اور دیگر محترمین محفل کے فیض عام سے میسر ہوتے رہینگے ۔

 

مئے الفاظ تو اس میکدہ ویراں کے اوراق پارینہ سے بھی بقدر ظرف میسر ہے مگر اس بزم میں مقرر آمد اور تازہ خطابت خاطر مغموم کے لیے ایک پیام شفا ہے۔ امید ہے کہ محبوب خان اور نعیم جیسے نابغہ روزگار صارفین کی بھی اس بزم میں جلد آمد ہو گی۔

 

ہونا تو نہیں چاہیے مگر ہوتا یہی ہے کہ اوراق پارینہ قصہ پارینہ ہو جاتے ہیں ، حالانکہ ہونا تو یہ چاہیے کہ ہم ہر ورق کہن کی عرق ریزی کریں ، ہر قصہ گزشتہ سے کچھ فیض کشید کریں ، ہر روایت کو مشعل راہ بنائیں ، ہم لوگ لفظوں کے سحر سے آشنا ہی نہیں رہے ۔

 

الفاظ سے محبت اور قصہ پارینہ سے انسیت سے تو ہم دور ہو ہی چکے ہیں مگر ہماری روزمرہ میں زبان فرنگ کی آمیزش جسے میرے ایک رفیق عالی ظرف طنزیہ طور پر "اردش" کہتے ہیں نے ستم بالائے ستم کیا ہے کہ ہماری نسل نو کے لیے اسلاف کا طریق تکلم قطعاً اجنبی ہو گیا ہے۔ لکھنوئی طرز گفت تو کجا عمومی اردو بھی اگر بغیر آمیزش زبان فرنگ بولیں تو وہ آپ کو دیدہ فگار دکھائی پڑتے ہیں۔
اس کا سب سے بڑا نقصان یہ ہوا کہ ہم اپنے اسلاف کی رقم طرازیوں سے کماحقہ فیض نہیں حاصل کر رہے اور علم و اخلاق کے لیے بیرونی ادب کا سہارا لے رہے ہیں۔اور یہ جاننے کے لیے کہ "اپنا کھونٹا چھوڑ کر دوسرے پر انحصار کرنے کا نتیجہ کیا ہوتا ہے"، زیادہ فہم و فراست ،سوچ بچار اور ذہن آزمائی کی چنداں ضرورت نہیں۔

 

جوش ملیح آبادی کی تصنیف "یادوں کی بارات" پڑھ رہا ہوں۔ لکھنوی زبان کا جو مزہ اس کتاب میں ہے۔ شاذ ہی کہیں دیکھنے کو ملتا ہے۔ سوچ رہا ہوں کچھ اقتباسات اس لڑی میں یا الگ موضوع کے تحت ارسال کروں۔ آپ احباب کیا کہتے ہیں اس بارے میں

 

اقتباسات ضرور ارسال کریں مگر اقتباسات کے زمرے میں۔ یہاں آپ اپنا کمال سخن رقم کریں تاکہ ہم سے کور چشم آپ کے ذخیرہ الفاظ سے بہرمند ہو سکیں۔

 

اظہار بھی مشکل ہے ، چپ رہ بھی نہیں سکتے
مجبور ہیں اف اللہ! کچھ کہہ بھی نہیں سکتے

 

یہ دھواں سا کہاں سے اٹھتا ہے

 

بلال بھائی خاطر جمع رکھیں اور یوں جی سوختہ نہ ہوں۔ برادرم آصف اور برادرم نعیم تو یونہی چہلیں اور دل لگی کرتے ہیں۔ یوں بھی دولھا میاں سے لطیف چھیڑ ہماری روایات کا خاصہ ہے۔ یوں دھواں خارج کرنا چہ معنی۔۔۔

 

اچھا پھر کیا ہوا

 

یعنی مجبور

 

پرانے زمانے کے ایک استاد صاحب بڑی ثقیل قسم کی اردو بولا کرتے تھے اور ان کی اپنے شاگردوں کو بھی نصیحت تھی کہ جب بھی بات کرنی ہو تو تشبیہات، استعارات، محاورات اور ضرب المثال سے آراستہ پیراستہ اردو زبان استعمال کیا کرو۔
ایک بار دوران تدریس یہ استاد صاحب حقہ پی رہے تھے۔ انہوں نے جو زور سے حقہ گڑگڑایا تو اچانک چلم سے ایک چنگاری اڑی اور استاد جی کی پگڑی پر جاپڑی۔
ایک شاگرد اجازت لے کر اٹھ کھڑا ہوا اور بڑے ادب سے گویا ہوا:
’’حضور والا! یہ بندۂ ناچیز حقیر فقیر، پرتقصیر ایک روح فرسا حقیقت حضور کے گوش گزار کرنے کی جسارت کررہا ہے۔ وہ یہ کہ آپ لگ بھگ نصف گھنٹہ سے حقِ حقہ نوشی ادا فرما رہے ہیں۔ چند ثانیے قبل ایک شرارتی آتشی پتنگا آپ کی چلم سے بلند ہوکر چند لمحے ہوا میں ساکت رہا اور پھر آپ کی دستار فضیلت پر براجمان ہوگیا۔ اگر اس فتنہ کی بروقت اور فی الفور سرکوبی نہ کی گئی تو حضور والا کی جان کو شدید خطرات لاحق ہوسکتے ہیں۔‘‘

 

پھر کتنے بال جلے

 

میرا سر پر بال ہے

 

روحوں کو روحیں پہچانتی ہیں ہاہاہاہاہا