شاعر کا نام شعر/غزل/نظم کے ساتھ لکھیں

ایک بات جو میں نے نوٹ کی ہے جن لڑیوں میں میں گیا ممبر ناظمیں سٹاف ممبرز شعر کے ساتھ شاعر کا نام نہیں لکھتے
اگر سب احباب شعر۔غزل۔نظم شاعر/شاعرہ کے نام کے ساتھ لکھیں ممکن ہو تو ساتھ کتاب کا نام بھی تو اس گوگل سے سچ کر تے وقت نیو ممبرز ۔متوجہ ہونگے دوسرا اگر منتظمین کسی شاعر یا شاعرہ کا کلام یکجا/برقی کتب کی شکل دینا چاہیں تو آسانی ہوگی​

 

وہ عشق جو ہم سے روٹھ گیا، اب اس کا حال بتائیں کیا


وہ عِشق جو ہم سے رُوٹھ گیا، اب اس کا حال بتائیں کیا
کوئی مہر نہیں کوئی قہر نہیں پھر سچا شعر سنائیں کیا

اِک ہِجر جو ہم کو لاحق ہے تا دیر اسے دہرائیں کیا
وہ زہر جو دِل میں اتار لیا پھر اس کے ناز اُٹھائیں کیا

پھر آنکھیں لہو سے خالی ہیں یہ شمعیں بجھنے والی ہیں
ہم خُود بھی کسی کے سوالی ہیں اس بات پہ ہم شرمائیں کیا

اِک آگ غمِ تنہائی کی جو سارے بدن میں پھیل گئی
جب جسم ہی سارا جلتا ہو پھر دامنِ دل کو بچائیں کیا

ہم نغمہ سرا کچھ غزلوں کے ہم صُورت گر کچھ چہروں کے
بے جذبۂ شوق سنائیں کیا کوئی خواب نہ ہو تو بتائیں کیا

شاعر اطہر نفیس

طباعت: عبدالقیوم خان غوری​

 

اِک آگ غمِ تنہائی کی جو سارے بدن میں پھیل گئی
جب جسم ہی سارا جلتا ہو پھر دامنِ دل کو بچائیں کیا

بہت عمدہ انتخاب
غوری صاحب
اعلیٰ

 

بلکل ایسے ہی ہے سر۔ ہر کوئی آم کھاتا ہے گٹھلیاں کون گنتا ہے
شاعر کا نام پتہ نہ ہو تو تو کم از کم ممبرز کو نیچے نامعلوم شاعر لکھ دینا چاہئیے
تاکہ اور احباب جن کے علم میں ہو وہ دوسرے احباب سے شئیر کر سکیں

 

بہت خوبصورت غزل شیئر کرنے کا شکریہ

 

جزاک اللہ

 

بهت اچھی بات جناب اس طرح شاعر کو اس کا بنیادی حق مل سکے گا ۔۔۔۔۔۔

 

بہت اچھ

انتخاب

بہت اچھا انتخاب ہے۔ اللہ آپ کا ذوق سلامت رکھے

 

بهترين

 

کل چودھویں کی رات تھی شب بھر رہا چرچا ترا
کچھ نے کہا یہ چاند ہے کچھ نے کہا چہرا ترا

ہم بھی وہیں موجود تھے ہم سے بھی سب پوچھا کیے
ہم ہنس دئیے ہم چپ رہے منظور تھا پردہ ترا

اس شہر میں کس سے ملیں ہم سے تو چھوٹیں محفلیں
ہر شخص تیرا نام لے ہر شخص دیوانا ترا

کوچے کو تیرے چھوڑ کر جوگی ہی بن جائیں مگر
جنگل ترے پربت ترے بستی تری صحرا ترا

ہم اور رسم بندگی آشفتگی افتادگی
احسان ہے کیا کیا ترا اے حسن بے پروا ترا

دو اشک جانے کس لیے پلکوں پہ آ کر ٹک گئے
الطاف کی بارش تری اکرام کا دریا ترا

اے بے دریغ و بے اماں ہم نے کبھی کی ہے فغاں
ہم کو تری وحشت سہی ہم کو سہی سودا ترا

ہم پر یہ سختی کی نظر ہم ہیں فقیر رہ گزر
رستہ کبھی روکا ترا دامن کبھی تھاما ترا

ہاں ہاں تری صورت حسیں لیکن تو ایسا بھی نہیں
اک شخص کے اشعار سے شہرہ ہوا کیا کیا ترا

بے درد سننی ہو تو چل کہتا ہے کیا اچھی غزل
عاشق ترا رسوا ترا شاعر ترا انشاؔ ترا
(ابن انشا)

​

 

شاواشے یہی بنیادی وجہ ہے کہ اس فورم پر سنجیدہ کام کم ملتا ہے۔ لڑی کی نوعیت نہیں دیکھنی اور دے دھنادھن جو سمجھ میں آئے پوسٹ کرنا شروع کردیا۔ شعر کی لڑی میں پوری پوری غزل پوسٹ کر دیں۔ گفتگو اور اظہار خیال کی لڑی میں غزلیں کاپی پیسٹ کرنا شروع کر دیں تصویری کومینٹس بے بہا استعمال کیجئے اور سنجیدہ کام کرنے والوں کو اپنے فورم سے۔دور۔رکھیئے

 

تو کیا صرف ایک ہی شعر لکھنا ہے؟

 

ذرا غور فرمائیے کیا یہ لڑی اشعار کی ہے۔۔۔؟؟ کیا یہاں پر غزلیں تحریر فرمانا اس لڑی کی نوعیت سے کسی بھی طرح میل کھاتا ہے۔۔۔؟؟ اوپر سے واہ واہ اور من ترا حاجی بگویم تو مرا ملا بگو

 

فیصل آپ اچھی طرح سمجھا دیں کہ اس لڑی میں کرنا کیا ہے؟

 

معذرت خواہ ہوں کہ دلشاد شمشاد کے جھگڑے میں اب دھاگہ بدھاگہ سمجھانا میرے بس میں نہیں البتہ یہ درخواست ہے کہ دھاگہ دیکھ کر اس پر جو بات ہو رہی ہو اس سے متعلقہ ہی مواد یا رائے کا اظہار کیا جائے تو سمجھ داری ہے وگرنہ سنجیدہ کام نہیں ہو سکے گا صرف ہو ہو ہا ہا ہی ہوگی