شیطان بچے

شیطان سب سے اچھا فرشتہ تھا مگر برا تب بنا جب وہ بول پڑا۔ اسی لئے پیدا ہونے والے بچے فرشتے ہوتے ہیں کیونکہ انہیں بولنا نہیں آتا۔ اور جونہی وہ فرافر بولنے لگتے ہیں ماں باپ کہتے ہیں یہ شیطان ہوگئے ہیں۔

(’’شیطانیاں‘‘ از ڈاکٹر یونس بٹ سے اقتباس)

​

 

میں نے صرف اقتباس لیا ہے ۔۔۔۔۔۔ اب شیطان ناری ہے یا فرشتہ تھا۔۔۔ یہ الگ بحث ہے

 

جس طرف ہمارے پاکستانی بھائی لے گئے اسے شیطانی کہیں گے یا معصومیت؟؟

 

آپ ڈاکٹر یونس بٹ صاحب کی کوئی سی بھی تصنیف پڑھ لیں آپ کو نئے نئے الفاظ اور خیالات ملیں گے۔
آپ شیطان بچوں کو انجوائے کرنے کی بجائے ڈائریکٹ مذہب کی طرف لے گئے۔
اس طرح تو بہت گڑبڑ ہوجائے گی۔ خدا نخواستہ۔

 

غوری صاحب درست فرمایا آپ نے۔۔۔۔۔۔ اقتباس کو انجوائے کیجئے۔۔۔۔۔ اور بس۔۔۔

 

شکریہ

 

آپ کی نظر میں ہم قرآن سے نابلد ہیں گویا؟

 

آپ نے جس جدوجہد سے یہ آیت ہمارے تک پہنچائی اللہ تعالی اس کا اجر آپ کو دیں۔
ویسے آپ کی اطلاع کے لئے یہ آیت پر بار نظر سے گزرتی ہے جب بھی ختم قرآن کرتا ہوں۔

 

آپ جلدی میں توجہ نہیں دیتے۔ ذرا غور فرمائیں کیا لکھا ہے شیطان اچھا فرشتہ تھا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اسے ماضی کا صیغہ کہتے ہیں۔

 

اب کیا کرنا چاہیے؟

 

نماز کی ہر رکعت میں یہی دعاء پڑھتا ہوں۔ اتفاق سے۔۔

 

ویسے شاعروں کو ضرور شادی کرنی چاہیے اگر بیوی اچھی مل گئی تو زندگی اچھی ہو جائے گی اور بیوی اچھی نہ ملی تو شاعری اچھی ہو جائے گی -

از ڈاکٹر یونس بٹ " شیطانیاں "

دنیا کی وہ عورت جسے آپ ساری زندگی متاثر نہیں کر سکتے وہ بیوی ہے - اور وہ عورت جسے آپ چند منٹوں میں متاثر کر سکتے ہیں وہ بھی بیوی ہے ۔۔۔۔۔۔۔۔۔۔۔۔مگر دوسرے کی -

از ڈاکٹر یونس بٹ

شاعری ، گلوکاری ، اور اداکاری کی طرح عشق کرنا بھی فنون لطیفہ میں سے ہے -

دنیا میں تین قسم کے عاشق ہیں -

ایک وہ جو خود کو عاشق کہتے ہیں -

دوسرے وہ جنھیں لوگ عاشق کہتے ہیں -

اور تیسرے وہ جو عاشق ہوتے ہیں -

میرا دوست " ف " کہتا ہے عاشق در اصل " آ شک " ہے کہ وہ اتنا محبوب سے پیار نہیں کرتا جتنا شک کرتا ہے -

ہمارے ہاں جتنے بھی اچھے عاشق ملتے ہیں وہ کتابوں میں ہیں یا قبرستانوں میں -

کامیاب عاشق وہ ہوتا ہے جو عشق میں ناکام ہو ، کیونکہ جو کامیاب ہو جائے وہ عاشق نہیں خاوند کہلاتا ہے -

شادی سے پہلے وہ بڑھ کر محبوبہ کا ہاتھ پکڑتا ہے اپنی محبّت کے لیے -

جب کہ شادی کے بعد وہ بڑھ کر بیوی کا ہاتھ پکڑتا ہے اپنے بچاؤ کے لیے -

کہتے ہیں عاشق خوبصورت نہیں ہوتے ، اس کی ایک وجہ تو یہ ہے کہ جو خوبصورت ہوتے ہیں وہ عاشق نہیں ہوتے ، لوگ ان پر عاشق ہوتے ہیں -

عاشق ، شاعر اور پاگل ان تینوں پر اعتبار نہیں کرنا چاہیے ، کیونکہ یہ خود کسی پر اعتبار نہیں کرتے -

اس دنیا میں جس شخص کی بدولت عاشق کی تھوڑی بہت عزت ہے وہ رقیب ہے جب رقیب نہیں رہتا تو اچھے خاصے عاشق اور محبوب میاں بیوی بن جاتے ہیں -

میرا دوست " ف " ایک ہی نظر میں عاشق ہوجاتا ہے کہتا ہے

" میرے ساتھ کوئی دوشیزہ مخلص نہیں نکلی ، جو مخلص نکلی وہ دوشیزہ نہیں نکلی - "

اس کی کلاس میں تیس لڑکیاں تھیں ، ان میں سے ایک لڑکی اس لیے ناراض رہتی کہ وہ اسے توجہ نہ دیتا ، اور باقی انتیس اس لیے کہ وہ توجہ دیتا -

از ڈاکٹر یونس بٹ

 

شیطان کائنات کا سب سے پہلا صحافی ہے ، جس نے اللہ تعالیٰ کو خبر دی کہ انسان زمین پر جا کر کیا کریگا - !

یہی نہیں وہ پہلا وکیل بھی ہے ، جس نے آدم کو مشورہ دیا پھل کھا لو ، پھر کوئی تم سے جنت کا قبضہ نہ لے سکے گا ، ہمیشہ کے لئے یہیں رہو گے ، اور فیس مشورے میں جنت لے لی -

اپنی غلطی تسلیم کرنا در اصل خود کو انسان ماننا ہے -

کیونکہ وہ صرف شیطان ہے جس نے آج تک اپنی غلطی تسلیم نہیں کی شید اسی لئے ہم بھی آج کل اپنی غلطی نہیں مانتے -

از ڈاکٹر یونس بٹ شیطانیاں