لکھنوی زبان

برادرانِ ذی فہم۔ چند عاقبت نا اندیش نادانوں کی چپلقش سے اپنی گفتار کی شیرینی کو متاثر نہ ہونے دیں۔ خدارا جو "لتیں بھننا یا بھنوانا" کے خواہشمند ہیں وہ نہ تو اپنی روش بدلیں گے اور نہ ہی آپ ان کو خاطر میں لائیں۔ جو محبت اور سخن کی شیرینی آپ کا خاصہ ہے اس کو جاری و ساری رکھیں۔

 

حضور ! قبلہ چاچا جی محترم کی بات ہی کیا ہے ، وہ جو ہیں ، بس وہی ہیں ، اللہ یہ محبتیں یونہی قائم رکھے ۔

 

زہے نصیب ، آغائی ! آپ تو چودھویں کا چاند ہو گئے ، آپ کی یہ مسلسل مصروفیت اور پے در پے شہر بہ شہر و قریہ بہ قریہ یک بعد دیگرے تبدیلی و تنصیب ہم پر دیسیوں کو مزید پر دیسی کر گئی ، ہم کم سخنوں کو آپ کے اس برقی صحبت سے جو فیض حاصل ہو رہا تھا ، ان ایام میں شدت سے اُس کا احساس ہو رہا ہے ، حضور من ہم تشنگین تشنہ کام کے تشنگی کا کچھ تو پاس رکھیں ، کبھی کبھی دیدار و صحبت سے شاد کام کر دیا کریں ۔ شکریہ

 

اجی قبلہ۔۔۔ ہم کیا اور ہماری اوقات کیا۔۔۔ کیا پدی اور کیا پدی کا شوربہ۔ یہ تو آپ کا عالی ظرف ہے کہ ہم سے ناچیز کی بے وقعت اور بے ربط گفتار کے منتظر رہتے ہیں۔۔۔ اللہ آپ کے درجات بلند فرمائے۔

 

حضور ! یہ تو کوئی ہم سے پوچھے ، آپ جسے بےربط گفتار کہہ رہے ہیں وہ ہماری نظر میں گوہر پارے ہیں ۔ ۔ ۔

 

جی ہاں ! ڈاکٹر صاحب آپ درست فرما رہے ہیں ۔
قبلہ واصف حسین بھائی تو واقعی بہت دنوں سے یہاں تشریف نہیں لائے ۔

 

پھر

 

پھر یہ کہ آپ حضور بھی اس لڑی کو اب پہلے جیسی رونقیں نہیں بخش رہے ۔ ۔ ۔

 

پس زنداں بھی قبلہ نے یوں ہی سخن گستر ہونا تھا کہ

زنداں میں بھی شورش نہ گئی اپنے جنوں کی

یا پھر

گر کیا ناصح نے ہم کو قید اچھا یوں سہی
یہ جنون عشق کے انداز چھٹ جائیں گے کیا

 

سبحان اللہ

 

چلیں پھر کپڑے بد ل لیں

 

محترم قبلہ @ھارون رشید صاحب یہاں تبدیلی پوشاک کی نہیں بلکہ تبدیلی وضع کی بات ہو رہی ہے۔ لباس کی تبدیلی تو محض ظاہری خول ہے اور وضعداری تو تا دم مرگ قائم رہتی ہے۔ بقول غالب
ڈھانپا کفن نے داغِ عیوبِ برہنگی
میں، ورنہ ہر لباس میں ننگِ وجود تھا

 

السلام علیکم
بجا فرمایا واصف بھائی ۔ ظاہری وضع قطع کی تبدیلی تو تا دم مرگ رہتی ہے ، اور عجب بات ہے کہ ہم عام انسان بھی دوسروں کے وجود ظاہر کو ہی اُس کی اصل شخصیت سمجھتے ہیں ، جو جتنا چرب زبان ہے اُس کے اُتنے ہی چاہنے والے ہیں ۔

 

آپ کی اس بات سے اختلاف کی جرات کروں گا۔ ایک تو ساتھ ہونے والے اور چاہنے والے میں فرق ہے۔ چاہنے والا بے لوث ہوتا ہے اور ساتھ ہونے والے کا بےلوث ہونا ضروری نہیں۔ اکثر لوگ اپنے مطلب کے لیے ساتھ دیتے ہیں۔ اور دوسری بات
کنند ہم جنس با ہم جنس پرواز
کبوتر بہ کبوتر، باز بہ باز

 

واہ واہ واہ واہ

 

قبلہ آصف بھائی اپنی شیرینیِ گفتار کو انگشت بر لب نہ کیجیئے کہ اس محفل میں پہلے ہی شیریں دہان کا فقدان ہے۔

 

سمجھ آ جانا اور قبل از وقت نہ سہی بر وقت ہی آ جانا تو نعمت خداوندی ہے۔عرضداشت فقظ اتنی ہے کہ کوئی سمجھنا چاہے یا نہ چاہے ہمارا وطیرہ تو محبت و انسیت کا علم بلند کرنا ہے سو ہم تو محبت کے متلاشی ہیں اور رہیں گے۔

 

زہے نصیب کہ اس گوشہ گم گشتہ میں اہل سخن کی پھر سے آمد گویا آمد بہار کی نوید ہے۔ پھر سے افکار عالی اور تراکیب محمودہ سے دل منور ہونے کا امکان معلوم ہوتا ہے۔

 

سبحان اللہ
یعنی بہاریں لوٹ آئیں ، محترمین محفل کو اس محفل کی یاد پھر سے آنے لگی ۔

 

آپاں جی یہ بھسنڈ ہسبنڈ کے بھائی کو کہتے ہیں کیا