ویب ڈیزائننگ کورس (اعلانِ آغاز)

​

بسم اللہ الرحمٰن الرحیم​

السلام علیکم ورحمۃ اللہ وبرکاتہ​

معرز ممبران​

آج ہم ویب ڈیزائننگ کے حوالے سے ایک کورس کا آغاز کرنے جارہے ہیں​

تعارف سے بھی قبل میں سب سے پہلے تمام صارفین سے ملتمس ہوں گا​

کہ کورس میں اپنی قیمتی آراء سے ضرور آگاہ فرمائیے گا​

اور آپ میں سے بالخصوص وہ لوگ جن کا اس شعبے سے تعلق ہے​

وہ لازمی طور پر اس کو ملاحظہ فرما کر بہتری کی تجاویز اور اغلاط کی نشاندہی فرمائیے گا​

تاکہ ہمارے صارفین ایک معیاری کورس سے مستفید ہوسکیں​

​

کورس میں شمولیت کے لئے اس ربط پر کلک کریں​

 

شاباش بیٹا ، بہت اچھا کام ہے میرے خیال میں ملک بلال اور صدیقی صاحب آپ کی معاونت کریں گے

 

واہ جی واہ!
یہ تو بہت زبردست کام کرنے جا رہے ہیں مناپہلوان بھائی!
سب سے پہلے کلاس میں میرا نام شامل کریں۔ ہماری اردو پر تیکنیکی مواد کی کافی کمی ہے۔ امید ہے آپ کے اس سلسلے سے کافی بہتری ہو گی۔ کورس کا طریقہ کار بھی بیان فرما دیں۔ اور ہوم ورک نہ کرنے پر جرمانہ بھی بتا دیں۔
سب ممبران خاص کر انتظامیہ کے دوستوں کو اس کورس میں لازمی شرکت کرنا چاہیے۔
نیز آپ بسم اللہ کریں ضرورت محسوس ہوئی تو اس کا الگ سیکشن یا سب سیکشن بنا دیں گے۔
شکریہ
بہت جئیں

 

بلال بھائی اس بارے میں قوانین آپ خود مرتب فرمالیں
بلکہ حقیقت میں مجھے بھی آپ نے لے کر چلنا بلکہ چلانا ہے
اس لئے آپ تیار ہوجائیں میں نے صرف معیاری اور سیکھنے کے قابل مواد فراہم کرنا ہے اور راہنمائی آپ نے کرنی ہے
سب سیکشن کے سلسلے میں تایا جی سے بات ہوچکی ہے، انہوں نے بھی رضامندی کے اظہار کےساتھ یہی فرمایا ہے

 

برادر پہلی بات تو یہ کہ آج کل انفارمیشن ٹیکنالوجی جس نہج پر پہنچ چکی ہے اس لحاظ سے میرا شمار تو ان پڑھوں میں ہونا چاہیے کیوں کہ جس زمانہ میں میں کمپیوٹر سائنس کے شعبہ سے وابستہ رہا ان چیزوں کا تو آج کے یوزرز کو دیکھنا ، استعمال کرنا تو درکنار شاید نام بھی نہ سنا ہو۔ لیکن بہت عرصہ ہو گیا پروفیشنل لائف میں آنے کے بعد ان چیزوں سے کافی حد تک ان ٹچ ہو گیا لیکن پھر بھی کوشش ہوتی ہے کہ کچھ نہ کچھ دہرائی ہوتی رہے اور کچھ نیا سیکھنے کو بھی ملتا رہے۔ ورچوئل یونیورسٹی سے بی ایس سی ایس بھی سٹارٹ کیا کہ کام میں سے وقت نکال کر کچھ نہ کچھ تعلیمی سلسلہ بھی جاری رکھوں لیکن حسرت ہے ان غنچوں پہ جو بن کھلے مرجھا گئے۔ ابھی باقاعدہ تعلیمی سلسلہ تو وقتی طور پر منقطع سا ہو گیا ہے لیکن آپ جیسے صاحبان علم کی صحبت سے امید کرتا ہوں کہ علمی تشنگی میں کافی حد تک سیرابی ہو گی۔ جو مجھ سے بن پڑا میں حاضر ہوں۔ طریقہ کار کے لیے مشاورت کر لیں۔ لیکن بنیادی طریقہ کار آپ اپنی آسانی اور سہولت کے مطابق ہی طے کر لیں۔ واصف حسین بھائی محبوب خان بھائی بھی اس معاملے میں اچھی رہنمائی فرما سکتے ہیں۔

 

جی بہتر ہے، میں تعارف کا موضوع آج لکھ لیتا ہوں پھر جو صارفین اور احباب کی رائے ہوگی اس کے مطابق سبق نمبر 1 سے باقاعدہ آغاز کردیں گے

 

بہت خوب مناپہلوان بھائی۔ ایک اچھا سلسلہ شروع کیا ہے آپ نے۔اس سے پہلے ٹیٹوریل کی حد تک تو کچھ نہ کچھ لکھا گیا ہے مگر یوں ایک مربوط کورس کی کوئی بھی کوشش نہیں کی گئی۔
ایک تجویز یہ ہے کہ کورس کا اجمالی خاکہ شروع میں ہی بیان کر دیں تاکہ اگر کوئی کلاس کے لیے تیاری کر کے آنا چاہتا ہے تو اس کی رہنمائی ہو سکے۔ اس کا ایک فائدہ یہ بھی ہو گا کہ صارفین کو کورس کا مقصد اور طریقہ کار واضع ہو جائے گا اور ان کی دلچسپی اور بعض صورتوں میں عدم دلچسپی بڑھے گی۔ کورس میں درکار ہونے والے سافٹ ویر اور جس پلیٹ فارم کا استعمال ہو گا وہ بھی پہلے ہی سے بتا دیں تاکہ عین وقت پر دقت کا سامنا نہ ہو۔
اور ہاں ملک بلال کے بعد دوسرا نام میرا شامل کر لیں۔

 

جی واصف بھائی کورس میں جو کچھ پڑھا جائے گا اس کی ڈیٹیل تو لازمی ہوگی،، اور اسکا تذکرہ میں نے 7 نمبر پوسٹ کی پہلی سطرمیں کیا ہے اور اس کے ٹولز کے متعلق بھی میں ذہن بنا چکا ہوں اور اس کورس کے سلسلے میں اپنے اُستاذ صاحب سے مشورہ بھی کیا ہے، وہ بھی بھر پور تعاون فرمائیں گے بلکہ اس کام کے لئے اُکسانےوالے اور مجھے ادھر کا راستہ دکھانے والے وہی ہیں
میں نے @ ممبران کرکے ممبران کو ٹیگ کرنا چاہا تو اس کا پیغام ملا کہ ممبران 2210 ہیں جبکہ ایک وقت میں 100 سے زیادہ کو ٹیگ نہیں کیا جاسکتا ، ابھی میں نے جان بوجھ کر @ اور ممبران کے درمیان جگہ چھوڑی ہے تاکہ آپ سمجھ جائیں

 

آئیے اب ہم دیکھتے ہیں کہ ہم نے اس کورس میں کیا کچھ پڑھنا ہے​

1. ایچ ٹی ایم ایل 5 ​
2. سی ایس ایس 3​
3. جاوا سکرپٹ​
4. جے کیوری​
5. پی ایچ پی​

اور ضمنا" کافی چیزیں آجائیں گی​

اصل میں میرا یہ خیال ہے کہ اس طرح کا ایک سلسلہ جریدہ میں بھی شامل کیا جانا چاہئے، اور بعد میں ہم اس کی ایک کتاب بھی بنائیں گے، تاکہ کسی بھی صارف کو کسی وقت کوئی مواد چاہئے ہو تو وہ حاصل کرسکے​

​

اس سلسلے میں اب میں تمام ناظمین ، منتظمین اعلیٰ ،مدیرانِ جریدہ ، ناظمین خاص اور مشیر یعنی نعیم بھائی سے التماس کروں گا کہ آپ حضرات اس کورس کے متعلق ملفوظات بھی عطا فرمائیں اور صارفین کو کس طرح سے اس میں شامل کروایا جاسکتا ہے اور اُن کی رائے کس طرح لی جاسکتی ہے اس ضمن میں میری راہنمائی بھی فرمائیں کیونکہ میرا یہ پہلا موقع ہے کسی کورس کو اس طرح ڈیل کرنےکے حوالے سے​

​

اس سلسلے میں بالخصوص میں ھارون رشید بھائی، ملک بلال بھائی اور واصف حسین بھائی کا انتہائی مشکور ہوں کہ انہوں نے جس انداز میری افزائی فرمائی​

 

جی بالکل یہ سہولیات اگرچہ نوٹ پیڈ ++ بھی دیتا ہے لیکن پروگرامرز نوٹ پیڈ کی کئی خصوصیات اس کو نوٹ پیڈ ++ سے فوقیت دلاتی ہیں جن میں سب سے زیادہ بہتر اس کی خودکار لکھائی (Auto Completion) ہے، ان کا تذکرہ وقتا فوقتا ہوتا رہے گا

 

پہلوان جی بہت زبردست سلسلہ شروع کیا ہے آپ نے بہت شکریہ

 

شاباش بیٹا مناپہلوان آپ کی کاوشیں قابل صد تحسین ہیں

سب ناظمین سے گذارش ہے کہ اس لڑی سے استفادہ کریں

 

اب تو آپ کو فخر کرنا چاھیے اپنے بھتیجے پر

 

بلا شبہ ایسا ہی ہے

 

اس کا سارا کریڈٹ تایا جی کوہی جاتا ہے، کیونکہ میں نے اس سے پہلے ذاتی گفتگو میں اس سلسلے میں ان سے مشورہ لیا تھا، اور تایا جی نے کمال شفقت فرماتے ہوئے حوصلہ افزائی بھی فرمائی تھی

 

تایا ھارون رشید جی آپ مشورہ عطا فرمائیں کہ اس میں صارفین کو کس طرح آگاہ کرنا ہے، کورس کس طرح کروانا ہے، مشقیں کس طرح جمع کروانے کا سلسلہ ہوگا ، اور اسباق کا سلسلہ ہوگا،
ناظمین سے التماس ہے کہ وہ کورس کے بارے میں میری رہنمائی فرمائیں کیونکہ میرا یہ پہلا تجربہ ہے،
کہ اسباق کو کس طرح اور کتنے کتنے عرصےمیں لکھا جائے وغیرہ
آپ کی رائے میرے لئے مشعلِ راہ ہوگی

 

بیٹا جی میں تو جاہل مطلق شخص ہوں میں ملک بلال ، واصف حسین یا محبوب خان بھائی سے گذارش کرتا ہوں

 

اچھا سلسلہ شروع کیا ہے انشاءاللہ فرست میں پڑھوں کی ابھی کچھ سمجھنے کی کوشش کی ہے کچھ سمجھ آیا ہے اور کچھ سمجھ نہیں ۔
شکریہ

 

سانا بہنا!
آپ ضرور شرکت کریں اور جو سمجھ میں نہ آیا بلاجھجک یہاں پوچھیں اور عفت کو بھی بلائیں یہاں۔

 

جی میںپوچھوں گی ہے عفت فاطمہ کو ابھی بتاتی ہوں یہاں کا

 

عفت تو ابھی چلی گئی انشاءاللہ جب آئیں گے تب بتادوں گی

 

پسندیدگی کا بہت شکریہ
مجھے دراصل کبھی کورس کا تجربہ نہیں ہوا ، کورس کے متعلق میرے راہنما، بلال بھائی، تایا ھارورن رشید جی اور واصف بھائی ہیں ، یہ جیسے راہنمائی فرماتے جائیں گے ویسے بہتری کی طرف چلتے رہیں گے، آپ بھی مزید اپنے قیمتی مشوروں سے نوازتے رہیں گے تو بہتری آئے گی، کیونکہ جو کام مشاورت سے کیا جائے اس میں برکت ہوتی ہے اور قرآنِ پاک کی سورہ شوریٰ میں اس کی ترغیب دلائی گئی ہے، بہر حال اپنے مشورے، تجاویز بلا جھجک ارشاد فرمائیں، میں عمل کی سعی کروں گا

جی ان شاء اللہ مناسب وقفے کی ترکیب ہوگی، میرا ایک ہفتے کا وقفہ دینے کا ذہن ہے ، باقی جیسے حالات ہوئے اس کے مطابق اور احباب کی آراء کے مطابق کیا جائے گا

جی سوال و جواب کا بھی لازمی سلسلہ ہوگا اور میرے علاوہ چونکہ مزید قابل لوگ موجود ہیں تو وہ بھی سوال جواب میں ہماری مدد فرماتے رہیں گے

ہوم ورک کا بھی سلسلہ ہوگا، لیکن یہ تو صرف تعارف ہے اس کے بعد سبق نمبر 1 سے وہ سلسلہ شروع کریں گے

آمین

 

بہت خوب مزید مواد یا اسباق کا انتظار رہے گا۔

 

بہت زبردست ۔۔۔۔۔۔بہت محنت طلب کام شروع کیا گیا ہے
جزاک اللہ

 

شکریہ محبوب بھائی، ویسے آپ کا نام تو مرتبین میں شامل ہے،

تانیہ آپا آپ کا بھی شکریہ وہ راہنمائی والی بات پر قائم رہیئے گا

تیمور جی آپ کا بھی شکریہ، آمین

 

ویسے آج یا کل میں جلد ہی اسباق کا باقاعدہ آغاز کردیا جائے گا، آؤٹ لائن بن چکی ہے، اصول و ضوابط ترتیب پا چکے ہیں
اب صرف ملک بلال بھائی کا انتظار ہے وہ آکر میری سفارشات کو منظورفرمائیں گے تو پہلا سبق سمجھیں کل ہی پوسٹ ہوجائے گا

 

منا بھائی!
بسم اللہ کریں
باقی معاملات میں جلد دیکھ لیتا ہوں۔

 

کورس کا باقاعدہ آغاز آج سے کیا جارہا ہے​

جو کورس میں شرکت کرنا چاہے وہ شمولیت اختیار کرنے کے لئے نیچے دیئے گئے ربط پر جا کر شامل ہوسکتے ہیں​

کورس میں شمولیت اختیار کریں​

​

​

ھارون رشید ؛ ملک بلال ؛ محبوب خان ؛ واصف حسین ؛ "ابوبکر" ؛ سانا ؛ تانیہ ؛ پاکستانی55 ؛ شہباز حسین رضوی ؛ غوری ؛ آصف احمد بھٹی ؛ سقراط ؛ تیمور ملک