ابیات باہو

جواب: ابیات باہو

92
ددھ دہی تے ہر کوئی رڑکے عاشق بھاہ رڑکیندے ہُو
تن چٹورا من مدھانی آہیں نال ھلیندے ہُو
دکھاں دا نیترا کڈھے سہکارے ہنجھو پانی پویندے ہُو
نام فقیر تنہاں دا باہو ہڈاں توں مکھن کڈھیندے ہُو


اوکھے لفظاں دے معنے

رڑکنا=ولوڑنا -مکھن کڈھن لئی مندھانی چلا کے دہی نوں زور نال ہلانا پھیرنا متھنا
بھاہ=اگ
چٹورا=چھوٹی چاٹی -مٹی دا بھانڈا جس وچ مدھانی پاکے ددھ رڑکیا ویندا اے
مندھانی =متھنی-ددھ رڑکن دا لکڑی دا آلہ جنھوں چاٹی -چٹور ۔ وچ گھت کے نیترے نال ہلایا وہندا اے۔
نیترا=مدھانی نوں ھلان لئی چمڑے یا سوتر دا فسمہ
سہکارے کڈھنا=سسکی بھرنا ہٹکورے لینا-sobbing
ہنجھو=اتھرو -گلیڈو

ہڈوں=ا-1 ہڈ وچوں -پشو دے سکے کرنگ وچوں
-2ہڈیاں وچوں مکھ کڈھاندے نیں ۔ اپنے جسم دا سارا ساہ ست فقر دے راہ وچ خرچ کر دیندے نیں۔​

 

جواب: ابیات باہو

95
ذکر فکر سب اُرے اُریرے جان فدا نہ فانی ہُو
فانی فدا تنّہاں حاصل جیڑے وسدے لامکانیں ہُو
فانی فدا ہوئے اوہ جنّہاں چکھی عشق دی کانی ہُو
باہو ذکر رڑیندا ہر دم یار نہ ملیا جانی ہُو

اوکھے لفظاں دے معنے


ارے اوریرے =بہت ارانہہ ای -ہور وی اُرانہہ
فدا = قربان -صدقے -ھولی
فانی =فناء ہوون والی
(جدوں تائیں جان فدا نہ ہووے رب نہیں لبھدا - ناں وبہون ذکر فکر سب ارانہہ تے ہور وی
اُرانہہ دہ جاندے نیں )
لامکانیں =عالم قدس - عالم بالا جس مکان دا کوئی حد بنا نہیں -خدا دی تعریف وچ اک کلمہ لامکان دی ورتیا جاندا اے (لا مکانی اوہ جہیڑا کسے تھاں مکان نال بجھا نہ ہووے سگوں ہر تھاں تے ہووے ) لا مکا دی دیر کرن دا شرف حضور نبی کریم نوں حاصل اے۔
کانی=تیر
ذکر سڑیندا .....=اوہدے ذکر نے میرے دل وچ وچھوڑے دی اگ بالی ہوئی اے مینوں فراق وچ ساڑ دا پیا اے۔
جانی =اپنی جان وانگوں پیارا (2) کسے دے بارے پوری واقفی رکھن والا- محرم راز دلاں دے بھیت جانن والا (مرادی معنے خدا تعالی )​

 

جواب: ابیات باہو

96
ذکر کنوں کر فکر ہمیشہ لفظ تکھا تلواروں ہُو
کڈھن آہیں جان جلاون فکر کرن اسراروں ہُو
فکر دا پھٹیا کوئی نہ جیوے پُٹے مڈھ پہاڑوں ہُو
حق دا کلمہ آکھیں باہو رکھے فکر دی ماروں ہُو

اوکھے لفظاں دے معنے


کنوں =توں ۔ کولوں ۔ (2)دی تھاں تے (3)دی وجہ توں ۔ پاروں
ایہ لفظ =فکر
تکھا= تیز ۔ ترکھا۔ تیز دھار والا
ذاکر =ذکر کرن والے
تلواروں =تلوارتوں
جان جلاون=سوچ وچ جان کپاون
اسرروں =خدائی بھیت بارے -نہ تائیں اپڑن لئی
پھٹیا =پھٹڑ۔ زخمی ۔ متاثر
نہ جیوے=مرن توں پہلاں ای مر جاندا اے پٹے
پٹے مڈھ پہاڑوں = پہاڑوں نوں مڈھوں پٹے فکروں بنا ذکر تے ممکن ای نہیں تے جے کیتا جاوے تے اوہدی کوئی وٹک نہیں
ٹ ک =اَلذّکرَ بِلَافَکرِ کَصَوت الحَمِارِ
ٹ ک =بر زبان اللہ و در دل گاؤ خر ایں چنیں تسبیح کے دا رد اثر (رومی )
رکھے=اللہ بچائے ۔ اللہ ای راکھی کرے (اللہ دا گجھا مفہوم موجودا اے )
فکر دی ماروں=فکر نہ ہوون دی حالت ۔ فکر توں وانجھیا ہون دی دشا
​

​

 

جواب: ابیات باہو

103
ر-رحمت اس گھر وچ وسے جتھے بلدے دیوے ہُو
عشق ہوائیں چڑھ گیا فلکیں کتھے جہاز کھتیوے ہُو
عقل فکردی بیڑی اوتھے پہلے پور بوڑیوے ہُو
ہر جا جانی دسے باہو جت ول نظر کچیوے ہُو


اوکھے لفظاں دے معنے

گھر=بندے دا دل۔ ضمیر۔ گھٹ
گھر وچ دیوا بلنا =روشن ضمیر ہونا۔ دل چانن ہو جانا ۔ سب حجاب دور ہو جانا
عشق ہوائیں =......عشق دا سمندر طوفان پاروں آسمان نال جا لگا اے جہاز ظاہری اسباب تے وسیلیاں دی علامت اے۔ جد عشق سمندر وچ طوفان آیا اے ہن پار لنگھن والے ظاہری اسباب جہاز وغیرہ نوں کہیڑے کھاتے پائیے ۔ ہن ایہناں دا کیہ فائدہ اے۔ اجہی حالتوچ سمندر وچ عقل فکر دی بیڑی وی پہلے پور ای ڈب جائے گی
پور=(١) اک وار بیڑی وچ بیٹھے مسافراں دی گنتی ۔ (٢) بیڑی دے مسافراں دی کل گنجائش جہدے نال بیڑی بھر جاو ئے
پہلا پور=پہلا پھیرا
جت ول =دتاریاں دا مدار
فلکیں =فلکاں وچ
کتھیوے = کھاتے وچ پایا جاوے​

 

جواب: ابیات باہو

چاچا جی شرمندہ کرن والیاں گلاں نا کرو ،بہوت شکریہ تہاڈے لئی ایہ لڑی چلدی رہے گی انشاللہ

 

جواب: ابیات باہو

104
زاہد زہد کماندے تھکے روزے نفل نمازاں ہُو
عاشق غرق ہوئے وچ وحدت نال محبت رازاں ہُو
مکھی قید شہد وچ ہوئی اُڈسی نال شہبازاں ہُو؟
مجلس نال نبی دے باہو صاحب ناز نوازاں ہُو


اوکھے لفظاں دے معنے

زہد =دنیا دے سواد (پنجاں اندر دے آنند ) چھڈن دی حالت
عاشق تے زاہد دا مقنلہ اے ۔ عاشق جدوں رب دی وحدت وچ ڈ ب جاندا اے تے رب نال اوہدی گوڑھی پریت لگ جاندی اے۔ رب کوئی بھیت اوہدے توں لکا کے نہیں دکھدا۔ عاشق نوں شہباز تے جھوٹھے زاہد نوں مکھی آکھیا اے
مکھی =دنیا دے لالچ لگ لیڑ وچ پھسیا انسان
شہدا= دنیا واسے دی مٹھاس
اُڈسی؟=نہیں اڈے گی
شہباز =دنیا دے لگ لیڑ وچ نہ پھسن والا۔ اعلی قدراں دا حامی تے گھٹیا قدراں دا تارک اُچی پرواز کرن والا وڈا باز جو مردار کھان توں پرہیز کردا اے
صاحب ناز=کسے تے کجھ نوازش کرن جوگے۔ کسے نوں کجھ دے سکن والے
۔۔۔۔بھلا ہویا گڑ مکھیاں کھا دا اسیں بھن بھنا توں چھٹیا سے (شاہ حسین )
مکھی پھاسدی شہد وچ ہو نیڑے وارث شاہ اس جگ وچ پھاددا ای
جائے کہ من رسیدم امکاں نہ ہیچ کس را شہباز لا مکانم آں جا کجا مگس را (کلید التوحید خورد)​

 

جواب: ابیات باہو

120
ظاھر دیکھاں جانی تائیں نالے اندر سینے ہُو
برہوں ماری میں نت پہراں ہسن لوک نابینے ہُو
میں دل وچوں ہے شوہ پایا جاون لوک مدینے ہُو
کہے فقیر میراں دا باہو اندر دلاں خزینے ہُو

اوکھے لفظاں دے معنے

ظاہر دیکھاں =میں اوہنوں ظاہر بے حجاب ویکھ رہیاں
(2) مینوں اوہنوں ظاہر ویکھن دی سدھر اے
برہوں =(1) جدائی ۔ وچھوڑا (2) عشق نیہا۔ جدائی دی اگ ۔
پہرنا=پہرہ دینا۔ جگراتے کٹنا
=کن پاڑ فقیر ہو جان راجے درد مند پہرن وچ بار دے نیں
نابنیے= انھے ۔ ان سونہے ۔ حال دی حقیقت توں بے خبر
شوہ =شوہر۔ مالک (خدا )
خزینے =خزانے​

 

جواب: ابیات باہو

123
عاشقاں ہکو وضو جو کیتا روز قیامت تائیں ہُو
وچ نماز رکوع سجودے رہندے سنجھ صباحیں ہُو
ایتھے اوتھے دوہیں جہانیں سبھ فقر دیاں جائیں ہُو
عرش کولوں سئے منزل اگے باہو کم تنہائیں ہُو

اوکھے لفظاں دے معنے
ہکو= اکو ای (اوہناں دا وضو ٹٹدا نہیں )
سنجھ=شام
صباحیں =صبح سویر ویلے
سنجھ صاحیں =صبح نوں شام تائیں (ایتھے مراد دن رات 24گھنٹے اے )
جائیں =مقامات
تھائیں =جگہاں
سئے =سو ۔ کئی سنیکڑے
پیا کم =......جنہاں نال ساڈا کم (واسطہ ) پیا اے اوہ عرش کولوں وی سو منزل اگے نیں
تنہائیں =اوہناں نال ۔ اجیلے لوکاں نال۔​

 

جواب: ابیات باہو

124
عاشق راز ماہی دے کولوں کدی نہ تھیون واندے ہُو
نندر حرام تنہاں تے جیڑے ذاتی اسم کماندے ہُو
ہک پل مول آرام نہیں دینہ رات وتن کرلاندے ہُو
الف صحی کر پڑھیا باہو واہ نصیب تنہاں دے ہُو

اوکھے لفظاں دے معنے
ماہی=محبوب
نہ تھیون =نہیں ہو جاندے
واندے = الگ ۔ آزاد ۔ فارغ ۔ ویہلے (بھر پور تا دے احساس نال کدے واندے نہیں ہوندے )
ذاتی اسم =اسم ذات اللہ
مول =ہرگز ۔ بالکل
کرلاندے وتن =کرلاندے پھر دے نیں ​

 

جواب: ابیات باہو

125
عاشق سوئی حقیقی جیہڑا قتل معشوق دے منے ہُو
عشق نہ چھوڑے مکھ نہ موڑے سئے تلواراں کھنے ہُو
جت ول ویکھے راز ماہی دے لگے اوسے بنے ہُو
عشق حسین علی دا باہو سر دئے راز نہ بھنے ہُو

اوکھے لفظاں دے معنے
قتل معشوقاں دے معنے = جے اوہنوں معشوق اپنے ہتھ نال قتل کرنا چاہوے تے اوہ اپنی عین خوش قسمتی تے دل دی خوشی نال معشوق دے ایس ارادے نوں سر اکھاں تے جھل کے من لوے (مشوق پڑھو)
مکھ نہ موڑے =کسے وی اوکڑ توں ڈر کے دھیان دوجے پاسے نہ کر لوے
کھنے =کھنڈے کھنڈا= کھانڈا۔ سدھے پھل والی چد ھاری تلوار
سئے =کئی سو
سئے تلواراں =......بھانویں اوہنوں سو تلواراں کھنڈے وکھاوے جاون
ماہی =محبوب
بنے =پاسے
راز بھننا =بھیت دس دینا۔ راز فاش کر دینا​

 

جواب: ابیات باہو

125
عاشق سوئی حقیقی جیہڑا قتل معشوق دے منے ہُو
عشق نہ چھوڑے مکھ نہ موڑے سئے تلواراں کھنے ہُو
جت ول ویکھے راز ماہی دے لگے اوسے بنے ہُو
عشق حسین علی دا باہو سر دئے راز نہ بھنے ہُو

اوکھے لفظاں دے معنے
قتل معشوقاں دے معنے = جے اوہنوں معشوق اپنے ہتھ نال قتل کرنا چاہوے تے اوہ اپنی عین خوش قسمتی تے دل دی خوشی نال معشوق دے ایس ارادے نوں سر اکھاں تے جھل کے من لوے (مشوق پڑھو)
مکھ نہ موڑے =کسے وی اوکڑ توں ڈر کے دھیان دوجے پاسے نہ کر لوے
کھنے =کھنڈے کھنڈا= کھانڈا۔ سدھے پھل والی چد ھاری تلوار
سئے =کئی سو
سئے تلواراں =......بھانویں اوہنوں سو تلواراں کھنڈے وکھاوے جاون
ماہی =محبوب
بنے =پاسے
راز بھننا =بھیت دس دینا۔ راز فاش کر دینا​

 

جواب: ابیات باہو

129
عاشق ہوویں عشق کماویں دل رکھ وانگ پہاڑاں ہُو
لکھ بدیاں تے ہزار الاہمے جانیں باغ بہاراں ہُو
منصور جیہے چک سولی دتے واقف کل اسراراں ہُو
سجدیوں سر نہ چائیے باہو کافر کہن ہزاراں ہُو
​

اوکھے لفظاں دے معنے
وانگ پہاڑاں = پہاڑاں وانگوں اٹل تے مضبوط
بدی =تہمت۔
جانیں = توں جان لئیں
واقف=.....جیہڑے کل بھیتاں دے جانو سن
چائیے چکئے -اٹھائے
(چوتھے مصرعے دے لفظ باہو تے کافر دے درمیان توڑے بھانویں دا آپ مہارا مفہوم موجود اے
واقف کل اسراراں =بھیتاں دے جانو
کافر کہن .=.....بھانویں ہزاراں لوک کافر آکھن لگ پین
ٹ ک =بلھیا عاشق ہویوں رب دا ملامت ہوئی لاکھ
تینوں کافر کافر آکھدے توں آہو آہو آکھ
(بابا بلھے شاہ )
ہور ٹ ک - لکھ لکھ بدیاں تے سو طعنے سبھو سر تے سہینے (شاہ حسین )