اردو زبان کو کیسے ترقی دی جائے

سلام مسنون
اگر اردو زبان کو ترقی دینا ہے تو ہم سب اردو بولنے والوں کو ملکر اس زبان کے دائرے کو وسعت دینا ہوگا اور اسے نثر و نظم کی دنیا سے بالاتر لیجانا ہوگا اور یہ تبھی ممکن ہو گا جب اس زبان میں تمام علوم و فنون کی کتابیں موجود ہوں۔ اس لئے ضروری ہے کہ ہر فن کی اصطلاحات کو اردو میں منتقل کیا جائے اور ڈکشنریاں وجود میں لائی جائیں، میں تو اس امر پہ کوشاں ہوں۔ دیگر اردو دانوں اور کسی بھی فن و شعبے کے متخصصین سے گزارش ہے کہ وہ بھی اس امر پہ توجہ کریں اور اگر ہو سکے تو ایک دوسرے کے مشترکانہ تعاون سے اس امر کو جامہ عمل پہنائیں۔
طالب دعا
ڈاکٹر محمد معظم جاوید حیدری صدر منیر میڈیکل ریسرچ سینٹر
moazzamhaidari@yahoo.com

 

جی ڈاکٹرصاحب۔ آپکی بات درست ہے۔

 

بہت خوب ڈاکٹر صاحب آپ بہت اچھا کام کررہے ہیں اللہ آپ کو آپکے مشن میں کامیاب فرمائے

 

جی بالکل درست فرمایا ہے آپ نے

 

دور جدید میں الیکٹرونک میڈیا اور پرنٹ میڈیا کی خدمات کو بروئے کار لا کر کم از کم قومی سطح پر اردو ادب کی محافل سجا کر اور مشتہیرین سے استدعا کی جا سکتی ہے کہ اپنی استطاعت کے مطابق بچوں کے ذہنوں کو اردو کی طرف مائل کرنے کے لیے کوشش کی جائے

 

سرسیدکے ایماء اور اُن کے رُفقاء کی تقلیدمیں ہی سہی مولوی عبدالحق کے مقدمات اور چند طبع زاد کتابیں فروغِ اُردُو اور ترویج ِ ادب کا بہترین نصاب ہیں۔ اُردُو کے جیدادیبوں کے چراغ اِسی نور سے روشن ہیں مگر اِس پہلو سے کون غور کرے؟

• کم لکھواچھالکھو
• کم بولو سچ بولو

بولنےمیں تووہ وہ نمک مرچ اور مسالے کہ واہ واہ !لکھنے میں یوں لگتا ہے ۔۔۔۔۔۔۔۔اپنا لکھا آپ پڑھنا بھی گوارہ نہیں۔

• اپنا لکھا خود پڑھو اور ہزار بار پڑھوپھر پیش کرو،پیش کرکے بھی پیشِ نظر رکھوجیسے غالب نےکہا:

آرائشِ جمال سے غافل نہیں ہنوز
پیشِ نظر ہے آئینہ دائم نقاب میں​

• اُردُو کونظم و نثر کے دائرے سے کیونکر نکا ل دیا جائے البتہ اُنھیں اپنی تحریریں شایع نہ کرنے دی جائیں جو اُردُو کے حق میں کمپیوٹر کی نارسائیوں سے بالجبر کے مرتکب ہیں۔ اُن تحریروں کو تصحیح، اِصلاح،دُرستگی،نوک پلک سنوارنے اور زبان وبیان کے عینی معیار پر لاکر شایع کرنے کا بندوبست کیا جائے۔ ورنہ دنیائے نیٹ پر جو حشر اُردُو کا اُردُو والوں کے ہاتھوں ہے وہ کسی اور زبان کا اُس کے بولنے والوں سے نہیں ۔یہ ہمیں معلوم نہیں یاہمیں اِحساس نہیں یا ہمیں پروانہیں۔۔۔۔۔

رکھیوغالؔب مجھے اِ س تلخ نوائی میں معاف
آج کچھ درد میرے دل میں سوا ہوتا ہے​

 

مجھے افسوس ہے کہ ہماری تحریریں آپ کے مشورے کے مطابق نوک پلک سنوارنے سے پہلے ہی اشتراک کی جاتی ہیں

 

زنیرہ صاحبہ !
آپ کے رسپونس کا بہت بہت شکریہ،اللہ تعالیٰ آپ کو ہمیشہ خوش رکھے ۔آپ میری ہمت بندھاتی ہیں،میں الفاظ نہیں پاتا کہ شکر اداکروں مگر پھر بھی بہت بہت شکریہ کہ یہی ایک شیوہ فرسودہ ابنائے روزگار کا ہے ،شکریہ یونہی کیا کرتے ہیں اور یہی کہا کرتے ہیں :۔۔۔۔۔۔۔۔۔۔۔۔۔۔۔۔۔۔۔۔۔۔۔آپ کا بہت بہت بہت شکریہ!
خوش رہیں،آباد رہیں،لکھتی رہیں،پڑھتی رہیں،خوب ترقی کریں،کمال کو بھی رشک آئے آپ وہ کمال پائیں،آمین۔

 

جزاک اللہ خیرا کثیرا
آپ کی خوبصورت دعاؤں کے لیے ممنون ہوں
میرے لیے آج آپ کے الفاظ کی ابتدا زنیرہ صاحبہ سے ہوئی تعجب خیز تھی
صاحبہ میں کچھ دوری محسوس ہوئی
کیا مجھ سے کسی بات پر نالاں ہیں؟

 

نہیں ہرگز نہیں!!!!!!!!!!!!!!!!
اے شوق منفعل یہ تجھےکیا خیال ہے!
صاحبہ،بی بی،جی کے لاحقوں میں میرے لیے یہی مفاہیم ہیں۔۔۔۔۔۔۔۔۔۔۔عزت مآب ، عفت مآب

 

بہت بہت شکریہ
بس یہی جاننا تھا کہ مجھے سے ناراضگی تو نہیں ..!!
بہت مشکور ہوں آپ کی محبت کے لیے


بیٹھے ہو میر ہو کے در کعبہ پر فقیر
اس روسیہ کے باب میں بھی کچھ دعا کرو
میر تقی میر

 

میر صاحب کوجن واقعات نے میر بنایا(میرِ سخنوراں)اگر اُن کے لیے کوئی دعا کی جاتی تو وہ یقیناً اُن کے حق میں بددعاہوتی۔دل کی وہ تڑپ جس سے قامت خمیدہ،رنگ شکستہ اور بدن نزارتھایہی تو دراصل وہ خمیر تھا جس سے میر، میر تھاورنہ تو شیخ رشید تھا۔

 

عجب طرح کا یہ مضموں بندھا کہ واہ ہی واہ
سبب جو اس کا بیاں میں کروں خدا گواہ ہے

 

بہت بہت شکریہ!
سخن فہم،سخن سنج ،سخن شناس :زنیرہ!

 

پاکستان کا غالب حکمران طبقہ انگریزی زبان کا رسیا ہے۔ کیوں کہ اُن کے مفادات اب تک انگریز آقاؤں سے منسلک ہیں۔ وہ روز مرہ زندگی میں انگریزی وضع قطع کو ترقی کا زینہ سمجھتے ہیں اردو زبان کا اپنی کی اہمیت کو کھو دینا ہمارے لمحہ فکریہ ہے لہذا شعبہ ہائے زندگی کے تمام حلقوں کو اردو کی ترویج کے لئے بھرپور جدوجہد کرنی ہو گی۔

اپناؤ گے جو دوستو تم اردو زبان کو
روکے گا پھر نہ کوئی تمھاری اُڑان کو