ہماری اردو زوال پذیر کیوں

جواب: ہماری اردو زوال پذیر کیوں

میرے خیال میں تو ہماری اردو میں عہد نو چل رہا ہے اور ھارون بھائی جس لگن سے سب ساتھیوں کو ساتھ چلا رہے ہیں اور ہر ایک کو حصہ بقدر جسہ زمہ داری میں شامل کرنے کے علاوہ مزید کے لیے کوشاں ہیں۔۔۔۔۔سو میرے خیال میں تو بہتری کی طرف ہم گامزن ہیں مگر مزید بہتری کی گنجائش تو ہر وقت رہتی ہے سو وہ ضرور زیر بحث ہو۔

 

جواب: ہماری اردو زوال پذیر کیوں

بہتری کیلئے تجاویز بھی دیا کریں اور مجلس مشاورت میں بھی حاضری دیا کریں‌

 

جواب: ہماری اردو زوال پذیر کیوں

اللہ کا شکر ہے ہماری اردو میں گلے شکوے نہیں ہوتے ۔ ہم سب اپنی اپنی خامیوں کی خود ہی نشاندہی کرتے ہیں ۔ تاکہ بہتری کی صورت نکلتی رہے ۔ میں مصروفیت کی وجہ سے نیٹ پر کم وقت دے پاتا ہوں ۔ اس لئے ہر لڑی تک پہنچ نہیں پا تا ۔
میری ایک تجویز ہے کہ ایک ایسی چسپاں لڑی بنا دی جائے جس میں کسی بھی " سنجیدہ موضوع " پر اظہار خیال کی نئی لڑی کا صرف لنک دیا گیا ہو تو وہاں سے با آسانی ان لڑیوں تک رسائی ممکن ہو گی ۔ اور لکھنے والوں کی حوصلہ افزائی ہم سب کر سکیں گے ۔جیسا کہ اس سے پہلے دی گئی میری تجویز پر آپ کے مضامین کے نام سے ذیلی فورم بنا دینے سے لکھنے والے اسی میں لکھتے ہیں ۔ لیکن ابھی اس میں جوابی مراسلات کی کمی کی شکائت ہے ۔ اس پر توجہ دینے کی ضرورت ہے ۔
میں خود بھی گپ شپ کی لڑیوں میں زیادہ وقت گزارتا ہوں ۔ لیکن اس کے بر عکس معاشرتی مسائل اور رویوں پر تقریبا سو کے قریب میں نے معیاری تحاریر لکھی ہیں ۔دی آواز ناروے کے چیف ایڈیٹر زاہد رضوانی صاحب نے ایک ویب سائیٹ پر میری تحاریر پڑھیں تو اپنے اخبار کے لئے انہیں مانگا تھا ۔ چند ایک ان پیج میں کنورٹ کر کے ان کے اخبار تک پہنچا پایا ہوں ۔ http://www.theawaznorway.com/mahmoodulhaq.htm

مگر بے حد افسوس کے ساتھ یہ کہنا پڑ رہا ہے کہ میں ان میں سےصرف چار کو ہماری اردو میں پوسٹ کر پایا ۔ آپ اسے میری سستی کہہ لیں یا کوتاہی ۔
انشااللہ مزید تجاویز آپ تک پہنچانے کی کوشش کروں گا کیونکہ غور وخوض کے بعد کسی بہتر حکمت عملی کے اپنانے کی امید پیدا ہونے کی توقع ضرور ہو گی۔

محمودالحق

 

جواب: ہماری اردو زوال پذیر کیوں

محترم محمود صاحب ۔
سب سے پہلے تو بہت خوشی ہوئی یہ جان کر کہ آپ کے مضامین "دی آواز" پر شائع کیے گیے۔ اللہ تعالی آپ کی عزت و توقیر میں مزید اضافہ فرمائے۔
دوسرا آپ کی تجویز قابل غور ہے اس بات پر غور کرتے ہیں سب دوست مل کر۔
تیسرا سنجیدہ مضامین پر جوابات کی کمی کی شکایت کافی حد تک ٹھیک ہے لیکن اس بارے میں آپ سمجھ سکتے ہیں کہ سنجیدہ مضامین کے قارئین تعداد میں کافی کم ہوتے ہیں۔ اور اگر کوئی پڑھتا بھی ہے تو جواب ارسال کرنے کے لیے آپ جیسا خوبصورت انداز تحریر کہاں سے لایے۔ آپ کے مضامین بہت اچھے ہوتے ہیں۔ میں خود آپ کے مضامین کا خاموش قاری ہوں اور اکثر آپ کے بلاگ "درِ دستک" پر آپ کے مضامین پڑھتا ہوں۔ لیکن کبھی تبصرہ نہ کر سکنے کی وجہ میری کم علمی ہے۔ صرف اتنا کہوں گا
اللہ کرے زورِ قلم اور زیادہ
اور رہی بات ہماری اردو پر گپ شپ کی تو نیٹ پر اردو کے بہت سے فورمز ہیں لیکن جو بات ہماری اردو میں ہے وہ کسی اور میں کہاں۔ یہاں سب دوست بہت اچھے ہیں ایک دوسرے سے گپ شپ کرتے ہیں اور دکھ سکھ بانٹتے ہیں۔ حالانکہ ہماری اردو کے زیادہ دوستوں کا رجحان گپ شپ کی طرف ہے ۔ لیکن یہاں جو سنجیدہ تحاریر ارسال کی جاتی ہیں اس معیار کی تحاریر بہت کم کم فورمز پر ملتی ہیں۔ میرا ذاتی نقطہ نظر بھی یہ ہے کہ تعداد کی بجاے معیار کو ترجیح دینی چاہیے۔ آپ جیسے مخلص اور باعلم دوستوں کا ساتھ رہا تو یہ سلسلہ یوں ہی آگے چلتا رہے گا۔ گپ شپ بھی ہو گی سنجیدہ باتیں بھی۔
باقی رب کریم سے دلی دعا ہے کہ آپ کے لیے آسانیاں پیدا فرمائے
شکریہ
والسلام

 

جواب: ہماری اردو زوال پذیر کیوں

ہماری اردو میں موجود گپ شب کے لڑیوں کو سب سے زیادہ تنقید کا نشانہ بنایا جاتا ہے مگر اس کے باوجود اگر حاضری اور حصہ لینے کی شرح نکالی جائے تو ان میں زیادہ ہے سو اسے قبول کریں۔۔۔۔۔گو کہ میں خود بھی گپ شب کے کچھ ہی لڑیوں میں‌جاتا ہوں‌مگر ان کی موجودگی سے کوئی انکار نہیں۔۔۔۔۔۔۔۔۔۔رہا یہ پہلو کہ سنجیدہ موضوعات پر تبصرے کم ہوتے ہیں تو ایک مثال پیش خدمت ہے کہ ۔۔۔۔میرے موبائل پر اکثر بہت ہی اچھے فارورڈڈ یعنی لکھے لکھائے متنی پیغامات آتے رہتے ہیں اور میں صرف ان کو پڑھتا ہوں کہ جواب دینے کی ضرورت نہیں ہوتی۔۔۔۔۔سو کچھ سنجیدہ پیغامات اگر چوپال میں آتے ہیں تو حسب لیاقت بہت سے میری طرح پڑھ کے شکریہ ادا کرتے ہیں اور کچھ کچھ لفاظی بھی کرتے ہیں۔۔۔۔سو ہم جو مناسب سمجھتے کہ اسے دوسرے پڑھیں تو پھر ارسال کرنے میں دیر تو سستی کہلاتی ہے مگر تبصرہ نہ ہوتو اس کی سزا نہ بھیجنے کی صورت میں‌نہ دی جائے۔

 

جواب: ہماری اردو زوال پذیر کیوں

السلام علیکم

یہاں گفتگو کرنے کا مقصد ہی یہ ہونا چاہئے کہ بہتری کیسے لائی جا سکتی ہے ۔ خوشی جی نے اس وجہ سے آنا کم کیا پڑھ کر اچھا نہیں لگا ۔ یہاں سب ہی ایک لڑی میں پروئے موتیوں کی طرح اہمیت رکھتے ہیں ۔ اور اپنا اپنا حسن خیال ۔ اس لئے یہاں کی جانے والی تنقید کو ذات سے منسلک نہ کیا جائے ۔ بلکہ مجموعی سطح پر حاصل بحث کیا ہے اسے دیکھنا چاہئے ۔ شروع میں مجھے بھی ایسا لگا اور میں نے تنقید بھی کی تھی ۔ اس پر میں نے ایک دن کی لڑی کے نام سے لڑی بھی بنائی تھی ۔ حقیقت میں گپ شپ کی لڑیاں زیادہ پزیرائی حاصل کرتی ہیں ۔ بعض لڑیاں صاحب لڑی کی توجہ سے عرصہ تک ایکٹو رہتی ہیں ۔اگر غور کریں بعض لڑیوں میں سب کو کچھ نہ کچھ کہنے کے لئے ایک ایک جملے کا ہدف دیا جاتا ہے ۔ جو حاصل بحث ہوتا ہے ۔
اب میں آتا ہوں کچھ تکنیکی اضافہ جات کی گزارش کے ساتھ ۔
اگر ہر چوپال میں ایک سے زیادہ ذیلی چوپال بنا دئے جائیں تو ہماری اردو پر ہر آنے والا اپنی پسند کے چوپال میں جانے میں اسانی محسوس کرے گا ۔ اب دیکھتے ہیں کہ کہاں کہاں اس کی ضرورت ہے ۔
1 ۔۔ اردو ادب کے چوپال میں آپ کی مضامین اور ادبی طنز و مزاح کے نام سے زیلی چوپال ہیں ۔ اگر اس میں مزید ذیلی چوپال بنادئے جائیں ۔ جیسے میری کہانی یا میری ڈائری کے اوراق ، جہاں یادوں کی پٹاری جیسی تحاریر محفوظ ہوں ۔ اس کے علاوہ
اردو کہانیاں ، اردو افسانے ،ناول ،سفر نامے ، آپ بیتی ، نئےقلم کار وغیرہ کے ذیلی چوپال ضرور ہوں
2۔۔ اردو شاعری میں صرف آپ کی شاعری کے نام سے ذیلی چوپال ہے ۔ اگر اس میں مزید اضافہ کیا جائے تو نتائج بہتر ہو سکتے ہیں ۔ نامور شعراء کرام جیسے علامہ اقبال ، غالب ، میر تقی میر اور عصر حاضر کے شعراء کرام کے نام سے الگ الگ ذیلی چوپال بن جائیں ۔
3۔۔۔ ایک انتہائی دکھ بھری اطلاع ، والدہ کیلئے دعائے صحت ۔۔۔ اِعلانات، تبصرے، تجاویز، شکایات کے فورم میں لکھے جاتے ہیں ۔ ان کے لئے ایک الگ سے کسی بھی نام سے چوپال ہو ۔ جو خوشی غمی کا ترجمان ہو ۔
اسی طرح ایک ایک چوپال کا جائزہ لیا جا سکتا ہے ۔
اور سب سے اہم بات یہ ہے کہ ہماری اردو میں پاکستان کے نام سے کوئی بھی چوپال موجود نہیں ہے ۔ جہاں تاریخ پاکستان ، تحریک پاکستان ، سیاست اور پاکستان جیسے ذیلی چوپال بن سکتے ہیں ۔


والسلام
محمود

 

جواب: ہماری اردو زوال پذیر کیوں

خوشی جی آپ نے کم آکے بھی ظلم کیا۔۔۔۔۔۔دیکھیں کچھ لوگ بہت ہی مختصر لفظوں میں‌ بہت کچھ بیان کرجاتے ہیں اور آپ بہت کم لکھتے ہوئے بھی بہت زیادہ لکھتی ہیں۔۔۔۔۔۔اس کے علاوہ آپ سب سے زیادہ فعال تھی اس فورم میں‌مگر۔۔۔۔۔۔۔۔لگتا ہے کہ آپ بھی بہت سے باتیں دل پر لینی لگی ہیں۔۔۔۔حالانکہ آپ ہمیشہ ٹینشن کو صفر کرتے ہوئے بہت ہی اعلی گفتگو فرماتی رہی ہیں۔۔۔۔۔۔۔۔۔ہوسکتا ہے پڑھنے والے یہ سمجھیں کہ آپ کی تعریف میں‌رطب السان ہوں مگر یقین کریں‌اس بات کی گواہی بہت سے دوسرے احباب دیں گے۔

انسان آزادی پسند ہے۔۔۔۔۔۔۔۔سو لکھتے ہوئے۔۔۔بولتے ہوئے۔۔۔۔کچھ کرتے ہوئے۔۔۔۔پڑھتے ہوئے۔۔۔۔۔اسے جس وقت یہ محسوس ہوتا ہے کہ میری آزادی میرے پاس نہیں ہے تو وہ رد عمل کا اظہار کرنا شروع کرتا ہے۔۔۔۔۔۔سو ہماری اردو میں آنے والوں‌کو ان کے اپنے گیت گانے تو دو۔۔۔۔۔۔پھر دیکھوں کہ وقت کے ساتھ ساتھ وہ کیسے سریلے ہوجاتے ہیں۔۔۔۔۔۔۔۔ریاض کرنے سے بیشتر ہی انھیں اگر پکے راگوں‌کو گانے پر مجبور کیا جائے تو پھر یاد رکھیں کہ پاکستان میں‌پرائمری سکول چھوڑنے والوں بچوں‌کی ایک بہت بڑی تعداد پڑھائی سے ڈر کے نہیں‌بلکہ اساتذہ اور دیگر لوگوں کے ڈانٹ ڈپٹ سے ڈر کر سکول چھوڑ دیتے ہیں۔۔۔۔اور پھر مستری، چائے فروش، چھوٹو وغیرہ وغیرہ بن کر اس معاشرے سے اپنا انتقام کسی نہ کسی صورت لیتے رہتے ہیں۔۔۔۔جس کی وجہ سے آپ دیکھیں کہ ہمارے ہاں معاشرتی قدریں روز بروز ختم ہوتی جارہی ہیں گو کہ بہت سی دوسری اور لازما ہونگے وجوہات ۔۔۔۔مگر جہاں تک ہم اپنا مثبت کردار ادا کرسکتے ہیں کرتے رہیں۔۔۔۔۔۔۔۔۔۔جہاں بہتری کی بات ہے تو کسی بھی شعبہ ہائے زندگی میں اس کی گنجائش اور ضرورت ہر وقت رہتی ہے۔۔۔۔اور نہ صرف اس بابت سوچا جائے بلکہ کرنے کی سعی بھی ضروری ہے۔۔۔۔۔بس زرا توازن ہو تو پھر کیا ہی بات ہے۔

پیرا نمبر دو میں اپنے عمومی خیالات بیان کیے سو پیرا نمبر ایک میں خوشی جی کی پیغام پر تبصرہ کرنے کی ایک طفلانہ کوشش کی ہے۔

 

جواب: ہماری اردو زوال پذیر کیوں

تمام احباب کا میں ذاتی طور پر مشکور ہوں آپ سب نے بہت ہی محبت کا ثبوت دیا ہے آپ سب کی تجاویز ایڈمن صاحب کے گوش گذار کردی گئی ہیں انشاء اللہ جلد ہی عمل ہوجائیگا ۔

 

جواب: ہماری اردو زوال پذیر کیوں

ویڈیوز سیکشن میں ایک کیٹگری "تکنیکی ویڈیوز" کی بھی ہونی چاہیے۔

 

جواب: ہماری اردو زوال پذیر کیوں

محترم منتظم اعلیٰ صاحب اور ناظمین سے گذارش ہے کہ آپ اپنی تجاویز سمیت مجلس مشاورت میں تشریف لائیں

 

جواب: ہماری اردو زوال پذیر کیوں

اس کی وضاحت ضروری ہے ۔ مجھے سمجھ ہی نہیں آئی ۔ :confused:

 

جواب: ہماری اردو زوال پذیر کیوں

رؤف بھائی آپ کی تمام باتوں سے متفق ہوں‌