Everybody Remove Facebook account on July 30 2010

السلام علیکم
دوستو فیس بک پر آئے دن گستاخئ رسول صلی اللہ علیہ وسلم کا ارتکاب کیا جا رہا ہے۔
اب ایک نیا گروپ بنا ہے۔جس میں نعوذبا للہ ، رسول اللہ ﷺ کے ساتھ ساتھ اللہ رب العزت اور قرآن پاک کی بھی توہین کی گئی ہے۔
ہم نے Everybody Remove Facebook account on July 30 2010 کے عنوان سے ایک تحریک شروع کی ہے۔
آج کل فیس بک کے مقابلے میں بہت سی جنرل نیٹ ورکنگ ویب سائیٹس موجود ہیں۔
جیسے pakfacebook.com, idealfacebook.com وغیرہ۔۔
کیا نقصان ہو جائے گا اگر ہم حرمت رسول صلی اللہ علیہ وسلم کی خاطر ان گستاخون کی ویب سائیٹ سے بائیکاٹ کر لیں؟
برائے مہربانی اس تحریک میں ہمارا ساتھ دیں اور اسے آگے بڑھائیں۔
جزاکم اللہ خیرا۔۔
مزید تفصیلات کے لئے http://facebookboycott.tk/
یہ ربط دیکھیں ۔۔
اور میرا یاہو گروپ http://groups.yahoo.com/group/islam_inn/
بھی جوائن کریں۔۔
جزاکم اللہ خیرا۔۔

 

جواب: Everybody Remove Facebook account on July 30 2010

اگر کسی نے عشق رسول صلی اللہ علیہ وسلم میں اپنا فیس بک اکاؤنٹ ڈیلیٹ کیا ہے تو بتلائے ؟

 

جواب: Everybody Remove Facebook account on July 30 2010

السلام علیکم شعیب خٹک بھائی
اللہ تعالی آپکے جذبہ عشق رسول میں افزودگی فرمائے۔
لیکن بدبختوں کو جواب دینے کا یہی طریقہ ہے کہ میدان خالی چھوڑ کر بھاگ لیا جائے۔؟ بلاشبہ اگر کوئی احتجاجا"چھوڑ کر جاتا ہے تو یہ بھی ایک درجے کی نیکی ہے۔ لیکن بہت سے دوست جانتے ہوں گے کہ اس وقت فیس بک پر 5کروڑ لوگ رجسٹرڈ ہیں۔ ان میں سے اگر چند ہزار یا لاکھ چھوڑ بھی جائیں تو مخالفین سوائے ہم پر ہنسنے کے اور " غیر جانبدار " صارفین سوائے ہمیں بزدل، کمزور سمجھنے کے اور کیا کریں گے؟
اور پھر یہ تو فیس بک ہے۔ کل یاہو، ایم ایس این، سکائیپ یا دیگر اس طرح کی عوامی سائیٹس پر بھی ایسا ہی کچھ (خدانخواستہ) شروع ہوگیا تو کیا ہم سب رفتہ رفتہ نیٹ استعمال کرنا ہی چھوڑ دیں گے ؟ اور یوں انٹرنیٹ کے ذریعے تبلیغ دین، کاروبار اور فروغ اسلام کی ہزاروں مثبت کاوشوں کو ہی ترک کردیں گے ؟ کیا یہ عقلمندی اور بہادری کہلائے گی ؟
البتہ ۔۔۔
ایک صورت یہ بھی ہوسکتی ہے کہ مثبت گروپس بنا کر وہاں پر محبان رسول کو اکٹھا کیا جائے۔ پھر ان گروپس سے اسلام اور پیغمبر اسلام کا محبت و امن بھرا پیغام دنیا کو دیا جائے انہیں باور کروایا جائے کہ آپ لوگ اسلام اور پیغمبر اسلام کو غلط سمجھتے ہو ۔ ہمارا دین، پیار، محبت ، امن رواداری اور دوستی کا دین ہے۔ نفرتوں، کدورتوں ، جنگ و جدل اور دہشتگردی کا دین اسلام سے کوئی تعلق نہیں۔ اگر ہم اپنے پیغام کے ذریعے ایک بھی غیر مسلم کو متاثر کرنے میں‌کامیاب ہوجاتے ہیں اور اسے دین اسلام کی راہ پر لے آتے ہیں تو کیا یہ بہت بڑی کامیابی نہیں ؟
اپنا اپنا نکتہء نظر ہے امید ہے دوست ٹھنڈے دل و دماغ سے معاملے کے اس پہلو اور مسئلے کے اس حل کی طرف بھی توجہ فرمائیں گے۔

والسلام

 

جواب: Everybody Remove Facebook account on July 30 2010

جزاک اللہ خیر

میرا فیس بک پر آئی ڈی ہی نہیں ہے :happy:

 

جواب: Everybody Remove Facebook account on July 30 2010

برادرم نعیم صاحب
دنیا کے تمام انسانوں کی سوچ یکساں ہو جائے، یہ بہت مشکل ہے۔بہر حال اختلاف رائے رہتا ہی ہے۔مجھے خوشی ہوئی کہ آپ نے باوجود میری رائے سے اختلاف کے ایک اچھے طریقے سے اپنا موقف بیان کیا۔
لیکن مجھے آپ کی اس رائے سے اختلاف ہے۔
دیکھیں جناب!
فیس پر اول تو دعوت کا کام نہ ہونے کے برابر ہے۔اس پر طرہ یہ کہ جو اسلامک پیجز اس میں مقبول تھے،وہ بھی فیس بک نے ڈیلیٹ کر دیئے۔
مثلا یہ خبر دیکھیں



اور اگر کوئی اپنی تئیں دعوت کا کام کر بھی رہا ہے، تو نہج نبوی صلی اللہ علیہ وسلم سے مشابہت نہ ہونے کی وجہ سے یہ طریقہ موثر نہیں ہوتا۔
ہمیں ایسے دشمنان دین کے نیٹ ورکس کا حصہ بن کر انہیں مالی فائدہ نہیں پہنچانا چاہئے۔

 

جواب: Everybody Remove Facebook account on July 30 2010

فیس بک کی ایک اور ناپاک جسارت



فیس بک اکاؤنٹ ڈیلیٹ کرنے کے لئے http://www.facebook.com/help/contact.php?show_form=delete_account

یہاں کلک کریں۔

 

جواب: Everybody Remove Facebook account on July 30 2010

دوستو میں نے تو فیس بک اکاؤنٹ ڈیلیٹ کر دیا۔
اور کس کس نے کیا ؟؟؟؟

 

جواب: Everybody Remove Facebook account on July 30 2010

ہارون بھائی
جاوید چودھری کا یہ کالم میں پڑھ چکا ہوں۔
جاوید چودھری نے سرسید احمدخان کو ہیرو بنا کر پیش کیا ہے.
حالانکہ فتنہ انکار حدیث میں سرسید احمد خان پیش پیش تھا.
اور پھر آج ہمیں انگریز کی اس تعلیم نے فحاشی،عریانی،بےدینی اور کالجوں یونیورسٹیوں کی بے حیائی کے علاوہ کیا دیا ؟

 

جواب: Everybody Remove Facebook account on July 30 2010

السلام علیکم

بہت معزرت خواہ ہوں کہ باوجود بارہا توجہ دلانے کے میری نظروں سے یہ موضوع اوجھل ہی رہا اور اچانک ہی آج نظر آ گیا۔
جاوید چوہدری نے اچھا لکھا ہے، اس کی دلیل بھی جاندار ہے لیکن میرا ذاتی خیال ان سے تھوڑا سا مختلف ہے۔
جب سرسید احمد خان نے کتاب کا جواب کتاب سے دیا تھا اس وقت اور اب کے حالات میں بڑا فرق ہے۔
تب سرولیم میور اس کی گورنری یا اس کی حکومت کو اس بات سے کوئی فرق نہیں پڑنے والا تھا کہ کوئی مسلمان بچہ اسکول جاتا ہے یا نہیں،
کیونکہ غلاموں کو عقل دینے اور انہیں علم دینے کی کوشش آقاؤں نے کبھی نہیں کی ماسوائے اسلام کے،
اب ان کی بلا سے مسلمان بچہ پڑھا لکھا ہو یا ان پڑھ انہیں تو ان کی دولت لوٹ کر اپنے ملک منتقل کرنا تھی اور اس کے لئے ان کے لئے یہ بات زیادہ فائدہ مند تھی کہ جہالت چھائی رہے اور وہ خاموشی سے اپنا کام کرتے رہیں،
لیکن آج کی صورتحال بہرحال تب سے بہت مختلف ہے، آج اگر ہم کہیں کہ فیس بک کو ہمارے بائیکاٹ سے کوئی فرق نہیں پڑنے والا تو یہ بات بالکل غلط ہے۔
تجزیہ نگار جیسے جیسے تجزیئے مرضی کرتے رہیں، لیکن حقیقت یہی ہے کہ فیس بک کو مسلم دنیا کے اکثر افراد کے سرد رویئے کی بنا پر اچھا خاصہ نقصان برداشت کرنا پڑ رہا ہے، اور کوئی بھی کاروباری ادارہ یہ نہیں چاہتا کہ اس کے منافع میں سے ایک پائی بھی کم ہو۔
لیکن دوسری طرف چونکہ ان کا مقصد پیسہ کمانے سے بھی زیادہ مسلمان کی تذلیل اور ان کے افکار کا بگاڑ ہے اس لئے باوجود نقصان کے وہ اپنی ہٹ دھرمی پر قائم ہیں۔
بہرحال میرے خیال میں آج کے دور میں جواب کا پہلا طریقہ اس کا بائیکاٹ ہی ہے لیکن اس کے بعد وہ طریقہ بھی ضرور ہونا چاہئے جو سرسید احمد خان نے اختیار کیا تھا۔
اگر ایک فیس بک نے ساری دنیا کے لوگوں کو اپنا دیوانہ بنا رکھا ہے تو کیا ہم ایسی کوئی ویب نہیں بنا سکتے ہیں جو اس کے مقابلے میں کھڑی ہو سکے۔
رہا سوال سرمائے کا تو اگر ‌ حکمران اپنی تیل کی دولت ایک رات کی عیاشی کے لئے برج العرب جیسے محلوں میں خرچ کرسکتے ہیں تو کیا وہ ایک ایسی سائیٹ کے لئے سرمایا کاری نہیں کر سکتے ہیں جو کل کلاں ان کی دولت کو راتوں رات دگنی کرنے کی صلاحیت رکھتی ہو۔
یہاں بل گیٹس کی ایک بات میرے ذہن میں آ رہی ہے، اس نے کہیں کہا تھا کہ اس صدی میں کوئی آدمی غریب پیدا ہو یہ اس کا قصور نہیں ہے لیکن اگر وہ اس صدی میں غریب مرے گا تو یہ اس کا قصور ہے، اس کی اس بات کا پس منظر یہی تھا کہ اس صدی میں کمپیوٹر سائنس کی حیرت انگیز ترقی نے جہاں مواصلات میں جدت پیدا کر دی ہے وہیں کمانے کے بہت سے حیرت انگیز طریقے بھی پیدا کر دیئے ہیں۔
یہاں گوگل کی مثال بہت واضع ہے، 1996 میں وجود میں آنے والی اس سائیٹ کی سال 2006 کی منافع کی سٹیسٹیمنٹ 3077 میلن ڈالر پر مشتمل تھی اور اب تک اس میں یقینا پانچ سو گنا اضافہ ہو چکا ہو گا۔

یہ تو تھی ان کی باتیں جو اس کے لئے سرسید احمد خان جیسی کوشش کر سکتے ہیں لیکن ہم جو ابھی ایسا نہیں کر سکتے ہیں وہ بائیکاٹ تو کر سکتے ہیں کہ ایک حدیث مبارکہ کا مفہوم ہے کہ برے کو دل سے برا جاننا بھی ایمان کی نشانی ہے۔لیکن اس بائیکاٹ سے کچھ زیادہ فائدہ نہیں ہونے والا ہے، فیس بک کو نقصان تو ضرور ہو گا لیکن شاید ہمیں اس کا کوئی فائدہ نا پہنچ سکے۔

ہاں علاج اس مرض زوال کا صرف ایک ہے کہ اللہ کی رسی کو مظبوطی سے تھام لیں، قرآن و سنت کو اپنا اوڑھنا بچھونا بنالیں۔ نبی کا لباس، نبی کا چہرا، بنی کی معاشرت، اور نبی کی زندگی کو اپنی زندگیوں میں زندا کردیں۔ پھر ان سرکش اقوام میں جو عقل والے ہوں گے وہ بھی یہ ضرور سوچیں گے کہ یہ کیسے لوگ ہیں جو باجود ہماری تمام تر کوششوں کے اپنے نبی سے اپنے تعلق کو توڑنے کے بجائے اور جوڑ رہے ہیں۔ پہلے وہ عقیدت سے سرشار نظر اتے تھے اب تو پورے کے پورے انکے رنگ میں رنگ ہیں۔جب دلوں اور میں اسلام آئے گا تو معاشرا بھی اسلامی بن جائے گا، خلافت ارزی بھی ملے گی اور آخروی کابیابیاں بھی ہاتھ آئیں گی، بس پہلا قدم اٹھانا نفس پر بھاری ہے لیکن اگے کی منزل آسان تر ہوتی جائے گی۔

بشکریہ چاند بابو (اردو نامہ

 

جواب: Everybody Remove Facebook account on July 30 2010

شکریہ شعیب جی اس شئیرنگ کا

 

جواب: Everybody Remove Facebook account on July 30 2010

مجھے جاوید چودھری اور سرسید کی فکر سے اتفاق ہے۔ ہمیں بائیکاٹوں کا اظہار کرکے اپنے آپ کو کمزور، مجبور ثابت کرنے کی بجائے ، علم ، دانش اور ٹیکنالوجی کا استعمال کرکے سازشوں کا مقابلہ کرنے کا رویہ اپنانا چاہیے۔ بائیکاٹ کرنے کی بجائے اگر فیس بک کے اوپر ہی ہم اسلام کی حقیقی تعلیمات کو مثبت انداز میں انگریزی زبان میں عام کرنا شروع کردیں تو اسلام کا مذاق اڑانے والوں میں سے شاید کوئی پڑھ کر اس سے متاثر بھی ہوجائے۔ اور یہی اسلام کی کامیابی ہے

 

جواب: Everybody Remove Facebook account on July 30 2010

وصی صاحب!
دنیا کے سب انسانوں کی سوچ ایک جیسی نہیں ہو سکتی۔
اگر آپ میرے موقف سے اتفاق نہیں کرتے تو یہ صحیح نہیں ہو گا کہ میں زور دوں۔ بلکہ ہمیں اپنے اپنے موقف دلائل کی روشنی میں بیان کر دینے چاہئیں۔پھر ہر انسان قوت دلیل کو دیکھ کر خود فیصلہ کر لے۔
جزاکم اللہ خیرا

 

جواب: Everybody Remove Facebook account on July 30 2010

بجا فرمایا شعیب خٹک صاحب