کلام فرید (رحمۃ اللہ علیہ) کوٹ مٹھن شریف

سے سے جوڑ سنگت دے ڈٹھڑے، بیلی آخر وِتھاں پئیاں
جنہاں بنا اک پل نہ سی لنگدا اوہ شکلاں کدھر گئیاں؟
وچھڑیاں سجناں دی کی اے نشانی جیویں دیگڑ رنگ شریہاں
یار فریدا، انہاں سجناں باجوں ساڈی ہنجو جاری رہیاں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تینڈے غم لگ جاون ما کوں، تینڈا وال ونگا نہ ہووے
دنیا چاری ہسدا ہاں ، پر دل چوری چوری رووے
عاشق دا دل شیشے وانگوں لگے ٹھیس تاں ٹُٹ کھلوے
یار فریدا اوہدا جیون کاہدا، جہندا دردی کوئی نہ ہووے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نال سلوک دے بول وے ماہی، اسی ہاں پردیسی پکھی
تئیں محبوب دے ویکھن کارن، بیٹھے بوہت اُڈیک رکھی
جد تک ساکوں نظر نہ آوے ، ساڈی تھک تھک جاون اکھی
یار فرید اوہ فیر کد مُڑدے۔ جنہاں لذت عشق دی چکھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

منگل وار میں عاجز کیتی ، کدے اوس ماہی دیاں سلاّں
سکھ سنہیوڑے درداں والے ، میں کس قاصد ہتھ گہلاّں
لوکی بیہڑے درد کی جانن، ایویں کرن زبانی گلاّں
یار فرید اوس ساجن باجوں، اج میں رُل گئی وچ تھلاّں​

 

جےمیں ویکھاں تےاوہ ویکھےناہیں، جےمیں نہ ویکھاں تےاوہ ویکھے
ایڈھے لیکھ کتھوں ہون میرے، میرے وچ ویکھن دے اوہ ویکھے
ہاں ۔یار تے تیرے اندر وسدا تینوں ایویں پئین پُلیکھے
یار فریدا سوہنڑے دے در مریے، بھاویں ویکھے یا نہ ویکھے​

 

جواب: کلام فرید (رحمۃ اللہ علیہ) کوٹ مٹھن شریف

آ وے ماہی ، تیہنڈے آون دا ، نی میں لکھ احسان منیساں
آوندا ویکھ کے سجدے کریساں، نی میں بَھج بھج قدم چُومیساں
سنگ دیاں سیّاں ناز کریندیاں ، نی میں کیہڑا حُسن ویکھیساں
یار فرید میں مُٹھڑی ہاں، نی میں کیہڑا جوبن دیساں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایہہ تن میرا جے کنگھی ہووے ، تے میں زلف محبوب دی واہواں
پوش میرے دی بن جائے جُتی، تےمیں یار دے پَیری آواں
جے سوہنڑا میری دکھ وچ راضی ، تے میں سُکھ نوں چولہے ڈانواں
یار فرید کدی مل جائے سوہنڑا ، اونہوں رو رو حال سناواں ​

 

جواب: کلام فرید (رحمۃ اللہ علیہ) کوٹ مٹھن شریف

ہارون پہائی ۔ پڑھن لئی تے پسند کرن لئی تہاڈا وی بوہت شکریہ ۔
اللہ پاک اینہاں سچے سُچے عاشقاں دی کُج خوشبو ساڈے ورگے گنہگاروں نوں وی دے دیوے۔ آمین

 

جواب: کلام فرید (رحمۃ اللہ علیہ) کوٹ مٹھن شریف

سبحان اللہ ۔ مقطع سیدھا دل تے جا لگدا اے۔ سبحان اللہ
ہارون پہائی اللہ تعالی تہاڈے ایمان وچ مزید حلاوت عطا کرے۔ آمین

 

جواب: کلام فرید (رحمۃ اللہ علیہ) کوٹ مٹھن شریف

http://www.apnaorg.com/poetry/kfarid/56.gif
http://www.apnaorg.com/poetry/kfarid/57.gif
http://www.apnaorg.com/poetry/kfarid/58.gif

 

جواب: کلام فرید (رحمۃ اللہ علیہ) کوٹ مٹھن شریف

http://www.apnaorg.com/poetry/kfarid/410.gif

 

جواب: کلام فرید (رحمۃ اللہ علیہ) کوٹ مٹھن شریف

http://www.apnaorg.com/poetry/farid/ft135.gif
http://www.apnaorg.com/poetry/farid/ft136.gif
http://www.apnaorg.com/poetry/farid/ft137.gif