الفاظ معنی

اس لڑی میں‌آپ اردو الفاظ اور محاورں کے معنی پوچھ سکتے ہیں۔

جواب دینے والوں‌سے گزارش کہ معنی کے ساتھ جملہ میں‌استعمال کر کے بھی بتائیں‌تاکہ پوچھنے والے کو لفظ کا استعمال بھی معلوم ہو سکے۔ شعری مثالیں بھی دی جا سکتی ہیں۔
ابتدائی لفظ میں‌خود دے کر اس کے معنی بھی دے رہا ہوں۔

لفظ - جوئے شیر
معنی - جو معنی نہر اور شیر معنی دودھ ۔ مکمل معنی دودھ کی نہر۔
پس منظر - شیریں فرہاد کے قصے میں فرہاد نے جو دودھ کی نہر نکالی تھی اس سے مروج ہے ۔ مشکل کام کے معنوں میں‌مستعمل ہے۔
مثال
زندگانی کی حقیقت کوہکن کے دل سے پوچھ
جوئے شیر و تیشہ و سنگِ گراں ہے زندگی

 

بہت خوب واصف بھائی!

بہت ہی اچھا سلسلہ شروع کیا ہے آپ نے، اِس سے ہم جیسے کم علموں کا بہت بھلا ہوگا۔

 

یہ لفظ فارسی سے اردو میں آیا ہے
گُرگ ۔ بھیڑیا
اسی سے لفظ گرگے بھی نکلا ہے جس کے معانی آلہ کار یا چیلے کے ہیں۔

اسی سے محاورہ ہے “گرگ باراں دیدہ“ یعنی کھلی آنکھوں والا بھیڑیا

اس کی روایت یہ ہے کہ سردی میں‌جب خوراک کی کمی ہو جاتی ہے تو بھیڑیے ایک دائرے میں‌بیٹھ جاتے ہیں‌اور ایک دوسرے کو گھورتے رہتے ہیں۔ بھوک اور تھکان کے باعث جس نے بھی آنکھ جھپکی سب اس پر ٹوٹ پرتے ہیں اور پیٹ کی آگ بجھاتے ہیں۔ (واللہ اعلم اس روایت میں کتنی حقیقت ہے)۔ سردیاں ختم ہونے کے بعد جو بھیڑیا بچ جاتا ہے گرگ باراں دیدہ کہلاتا ہے۔

اردو میں‌گرگ باراں دیدہ چالاک اور شاطر شخص کو کہا جاتا ہے۔‌

 

واصف بھائی غلوپسندی کا کیا معنی ہے؟

 

حماد بھائی جواب میں‌تاخیر پر معذرت۔ آپ کے پوچھے گئے لفظ کے کوئی مناسب معنی معلوم نہیں۔ کوشش کی مگر کامیابی نہیں ‌ہوئی۔

 

شکریہ نعیم بھائی۔

 

اپسراء خوبصورت عورت کے معنوں میں‌استعمال ہوتا ہے۔
اس کے لفظی معنی پری کے ہیں

مثال(شاید کسی گانے کے بول ہیں)

تو ہے پری یا اپسراء

 

اٹکل پچو

اگر کسی شخص کو کوئی کام نہ آتا ہو اور وہ اس پر تجربے کرے تو اسے اٹکل پچو کہتے ہیں۔ اسی کو انگریزی میں hit and trial کہتے ہیں۔ یہی اٹکل پچو حکیم صاحب کریں تو انہیں نیم حکیم کہتے ہیں۔ اور بقول شاعر
نیم حکیم خطرہ جاں
نیم ملا خطرہ ایمان

 

شیر افضل بھائی لڑی تو میں‌نے شروع کی ہے مگر کبھی یہ دعویٰ نہیں‌کیا کہ ہر لفظ کا مطلب مجھے آتا ہے۔ جس لفظ کا مطلب مجھے حتمی طور پر نہیں معلوم اس پر میں‌خاموشی اختیار کرتا ہوں کیونکہ

چپ چنگی ہوندی اے نکمی باں باں کولوں​

 

ریختہ ۔۔۔۔ اردو کا پرانا نام ہے

ریختہ کے تمہی استاد نہیں ہو غالب
سنتے ہیں اگلے زمانے میں‌کوئی میر بھی تھا

 

اگر کوئی ناقہ کے معنی اور مفہوم بیان کرے تو عین نوازش ہو گی۔

 

شکریہ نعیم بھائی