مجھے یاد تیری جو آنے لگی ہے-----برائے اصلاح

شکیل احمد خان
مجھے یاد تیری جو آنے لگی ہے
خیالوں کو رنگیں بنانے لگی ہے
-----------
ہوا جرم ہم سے محبّت جو کی ہے
تبھی ہم کو دنیا ستانے لگی ہے
----------
جو منزل سے واقف نہیں خود ہی دنیا
ہمیں راستہ وہ دکھانے لگی ہے
-------------
محبّت ہی کی ہے نہیں جرم اس میں
یہ دنیا مگر تلملانے لگی ہے
--------
کئے جرم دنیا نے پھلے برس جو
مٹانے کو گنگا نہانے لگی ہے
-----------
وہ آئے ہیں ملنے مجھے آج خود سے
محبّت کرشمہ دکھانے لگی ہے
-------------
یہ دنیا دباتی ہے کمزور کو ہی
ہمیں تب ہی دنیا دباتے لگی ہے
-------
جدائی میں صدمے سہے میں نے اتنے
مری آنکھ آنسو بہانے لگی ہے
-------------
کبھی پھر محبّت کرے گا نہ ارشد
یہ کاغذ پہ دنیا لکھانے لگی ہے

 

عمدہ کاوش۔۔۔ بہت خوب


ہوا جرم ہم سے محبّت جو کی ہے
تبھی ہم کو دنیا ستانے لگی ہے

==== ہوا جرم ہم سے جو کر لی محبت
"ہے" ردیف کا حصہ ہے اس لیے دوسرے مصرعے میں ہی ہونا چاہیے ورنہ عیب شمار ہوتا ہے


جو منزل سے واقف نہیں خود ہی دنیا
ہمیں راستہ وہ دکھانے لگی ہے

==== یہ دنیا جو منزل سے واقف نہیں خود
ہمیں اب یہ رستہ دکھانے لگی ہے

==== یہ دنیا دباتی ہے کمزور کو ہی
ہمیں تب ہی دنیا دباتے لگی ہے

ہمیں اس لیے یہ دبانے لگی ہے

 

اگر اِسے یوں کرلیا جائے ؟
تری یاد رہ رہ کے آنے لگی ہے
تصور کو رنگیں بنانے لگی ہے

 

۔۔۔۔۔۔۔۔۔۔۔۔۔تجویز!
محبت ہی کی ہے خطا تو نہیں جو
ہمیں دنیا آنکھیں دکھانے لگی ہے
۔۔۔۔۔۔۔یا۔۔۔۔۔۔
ہمیں آنکھیں دنیا دکھانے لگی ہے

 

لگی ہے ہمیں راہ بتلانے دنیا
ہنسی آپ اپنی اُڑانے لگی ہے

 

محبت ہے گویا گناہِ کبیرہ
یہ دنیا ہمیں کاٹ کھانے لگی ہے

متعدد اشعار میں دنیا کی تکرار؟

 

وہ آئے ہیں ملنے خدا کی ہے قدرت
محبت مری رنگ لانے لگی ہے

 

دباتی ہے کم زور کو ہی یہ دنیا۔۔۔۔۔۔۔۔۔۔۔۔۔۔۔۔۔۔۔۔۔۔آپ دیکھیں آپ ہی کے الفا ظ کی ترتیب کاردوبدل ہے(جو بھی کچھ ہے محبت کا پھیلاؤ ہے)
سو ہم کو بھی یہ اب دبانےلگی ہے

لفظ دنیا کی بازگزشت یہاں بھی(پھر وہی شام وہی غم وہی تنہائی ہے۔۔۔۔۔۔دل کو سمجھانے تری یاد چلی آئی ہے)

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔یہ لفظ پہلے ہے کہ پچھلے ہے یا کیا؟
ہوئے پاپ دھرتی پہ اتنے برس جو
تو دھرتی بھی گنگا نہانے لگی ہے۔۔۔۔۔۔۔۔۔۔۔۔۔۔۔۔(حالیہ غیر معمولی بارشیں )

ہوئے پاپ جگ میں جو اِتنے برس تو
یہ دھرتی بھی گنگا نہانے لگی ہے

 

جدائی کے صدمے جو میں نے ہیں جھیلے
مری آنکھ اب خوں بہانے لگی ہے

 

ہوا عزمِ ارشد نہ چاہت کرے گا
غزل تب یہ جاکر ٹھکانے لگی ہے

 

محمّد سعید بھا ئی اور اور انتہائی قابلِ قدر خان صاحب ، دونوں دوستوں نے بہت خوبصورت تصوّرات دئے ہیں ، بہت بہت شکریہ آپ دونوں کا