مشہور ہو گئے ہیں محبّت کے باب میں--برائے اصلاح

شکیل احمد خان
محمد سعید سعدی
زنیرہ عقیل
---------
مفعول فاعلاتُ مفاعیل فاعلن
مشہور ہو گئے ہیں محبّت کے باب میں
یہ زندگی کا تاج ہے اپنے حساب میں
-----------------
کرتے ہیں بات پیار سے لوگوں کے ساتھ ہم
نرمی لکھی ہے ہم نے تو دل کی کتاب میں
-------------
سب جانتے ہیں لوگ یہ میری ہے عمر کیا
اس میں ہے کیا بھلا کہ چھپائیں خضاب سے
-------
جیسا ہے حسن آپ کا اوروں میں وہ کہاں
کوئی سنا نہ آپ سا دیکھا نہ خواب میں
------------
میں نے وفا کے نام پہ جو کچھ ہوا کیا
دل پیش کر دیا ہے یہ تیری جناب میں
-------
رفتار اس کی دیکھ کے میں سوچتا رہا
تیزی تو اس طرح کی نہ دیکھی چناب میں
-------------
ارشد اسے یہ پیار سے کہنا ہے اس طرح
مجھ سے نہیں ہے پیار تو آؤ نہ خواب میں
------------------

 

سب سے پہلے تو ہزاروں ، لاکھوں ، کروڑوں واہ واہ واہ ۔۔۔۔۔۔۔۔۔ہے غزل مگر نظم کا مزہ۔۔ یا ہے نظم مگر گیت کا لطف۔۔ یا ہے گیت مگر ایک سُریلے نغمے کی طرح ، واہ واہ واہ۔۔۔۔۔۔۔اگر کہا جائے کہ یہ پیار کرنے والو ں اور دلوں میں محبت رکھنے والوں کا قومی ترانہ ہے ۔۔۔۔۔تو بجا ہوگا۔
مشہور ہوگئے ہیں محبت کے باب میں
ہے زندگی کا تاج یہ اپنے حساب میں

 

کرتے ہیں بات پیار سے لوگوں کے ساتھ ہم
ریشم رکھا ہے ہم نے تو دل کی کتاب میں

 

سب جانتے ہیں لوگ کہ میری ہے عمر کیا
اب کیوں چھپاؤں اس کو بھلا میں خضاب میں

 

واہ واہ واہ!

 

واہ واہ واہ!

 

سبحان اللہ!کیا قلابے ملائے ہیں ، واہ!

 

مقطع نہیں یہ غزل کی روح ہے ،شہ رگ ہے ،نقدِ جاں اور متاعِ بیش بہا ہے ، واہ واہ واہ !

 

ماشاء اللہ بہت خوبصورت غزل
اشتراک کا بہت بہت شکریہ
اللہ کرے زور قلم اور زیادہ

 

خان بھائی غزل پسند کرنے اور تعریف کرنے کا شکریہ ۔غزل اچھی ہے مگر اتنی بھی نہیں جتنی آپ نے تعریف کی ہے ۔

 

محبت اور صفائے قلب آپ کی شاعری کا ٹریڈ مارک ہے۔۔۔۔۔۔۔۔۔۔اِس غزل میں سب کچھ پیچھے رہ گیا یہ دواوصاف
(محبت اور صفائے قلب)کے ٹو اور ماؤنٹ ایورسٹ کی طرح منظر اور ماحول پر چھاگئے ۔۔۔۔۔۔۔۔۔۔نظر سے دل اور
پھر روح میں سماگئے،استادِمحترم کے ریمارکس کا ایک لفظ میرے کہے ہزار الفاظ سے بڑھ کر ہے۔۔۔تو جناب اُنھوں نے
بھی تو آپ کی اِس کاوش کو سراہا۔۔۔۔۔اور یہ ہے بھی سراہے جانے کے لائق۔۔۔۔۔۔۔۔ماشاء اللہ
اللہ کرے زورِ قلم اور زیادہ!

 

بہت بہت شکریہ میرے بھائی۔ آپ احباب کے جذبات سے اور حوصلہ ملتا ہے لکھنے کا