صرف اک دو نہیں، قرآن کے پارے سارے ۔۔ ندیم نوری

صرف اک دو نہیں، قرآن کے پارے سارے​

مدحِ سرکارﷺ میں خالق نے اُتارے سارے

احمد و حامد و محمود و محمدﷺ کی طرح
ہیں سکوں بخش شہا نام تمہارے سارے

اک ترا نام ہی کام آیا مصیبت میں شہا
ورنہ برگشتہ ملے جو تھے ہمارے، سارے

جن کو داتا و سخی کہتی ہے ساری دنیا
وہ ترے در پہ ملے ہاتھ پسارے سارے

غسل اشکوں سے دیے صاف کیے پلکوں سے
نعت کے حرف جو کاغذ پہ اتارے سارے

جتنے لکھے تری مدحت میں قصیدے میں نے
ہو گئے حشر میں نیکی کے منارے سارے

میرے ماں باپ، مرے بھائی بہن اور اولاد
ایک دن آئیں حضور آپ کے دوارے سارے

جب سے آنکھوں میں سمائی ہے مدینے کی بہار
ہیچ لگتے ہیں یہ دنیا کے نظارے سارے

کشتیء نوح کی مانند ہے عترت ان کی
اور اصحاب ہدایت کے ستارے سارے

آبرو دین کی، جاں دے کے بچائی نوریؔ
کیسے فیاض ہیں آقا کے دلارے سارے
----
ندیم نوری​

 

صرف اک دو نہیں، قرآن کے پارے سارے
مدحِ سرکارﷺ میں خالق نے اُتارے سارے​

 

احمد و حامد و محمود و محمدﷺ کی طرح
ہیں سکوں بخش شہا نام تمہارے سارے​

 

اک ترا نام ہی کام آیا مصیبت میں شہا
ورنہ برگشتہ ملے جو تھے ہمارے، سارے​

 

جن کو داتا و سخی کہتی ہے ساری دنیا
وہ ترے در پہ ملے ہاتھ پسارے سارے
​

 

غسل اشکوں سے دیے صاف کیے پلکوں سے
نعت کے حرف جو کاغذ پہ اتارے سارے​

 

جتنے لکھے تری مدحت میں قصیدے میں نے
ہو گئے حشر میں نیکی کے منارے سارے
​

 

میرے ماں باپ، مرے بھائی بہن اور اولاد
ایک دن آئیں حضور آپ کے دوارے سارے
​

 

جب سے آنکھوں میں سمائی ہے مدینے کی بہار
ہیچ لگتے ہیں یہ دنیا کے نظارے سارے
​

 

آبرو دین کی، جاں دے کے بچائی نوریؔ
کیسے فیاض ہیں آقا کے دلارے سارے
​

 

سبحان اللہ ۔ جزاک اللہ

 

اللہ تعالٰی آپ کو بھی جزائے خیر عطا کرے آمین