ہو کمالِ عشق عطا مجھے ۔۔ سیدہ زینب سروری

ہو کمالِ عشق عطا مجھے​

کہ ہوشوقِ دید سوا مجھے

میں فناۓعشقِ رسولﷺہوں
ہیں عطا رموزِ بقا مجھے

ترے ذکر نور میں یا نبی ﷺ
مرا نفس کر دے رہا مجھے

تری دید کاش نصیب ہو
ترا جلوہ، حسنِ ادا مجھے

اے طبیب ایسی دوا نہ دے
کہ ہودردِ دل سے شِفا مجھے

یہ کرم ہے تیراجوڈھانپ دے
تری رحمتوں کی ردا مجھے

میں ہوں شاد، کوئی اگر کہے
درِمصطفٰے ﷺ کی گدا مجھے

وہ حسیں تبسمِ جاں فزا
ہونصیب مجھکو،عطا مجھے

مری حشر میں جو رفیق ہو
وہ دعاۓ خیر سکھا مجھے

نہیں رکھ سکا بڑی دیر تک
کوئی تیرے در سے جدامجھے
ﷺ
وہ رخِ حبیب ﷺ مرے خدا
فقط ایک بار دکھا مجھے

جسے پا کےدونوں جہاں ملیں
ترا ﷺ ایسا فیض ملا مجھے

نہ ترے ﷺ سوا کوئی یاد ہو
کبھی یوں بھی وجد میں لا مجھے

ہے لحد میں بھی تری منتظر
مری چشمِ نم نے کہا مجھے

کرے مشک بار جو دل مرا
وہ دیار پھر سے دکھا مجھے

ترا درد زینبِ بے نوا
بنا لادوا، ہے پتا مجھے
----
کلام : سیدہ زینبسروری
۲فروری ۲۰۲۰​

 

میں فناۓعشقِ رسولﷺہوں
ہیں عطا رموزِ بقا مجھے​

 

سبحان اللہ ۔ جزاک اللہ

 

اللہ تعالٰی آپ کو بھی جزائے خیر عطا کرے آمین