سلام اس پر ، خدا کے بعد جس کی شان یکتا ہے

سلام اس پر ، خدا کے بعد جس کی شان یکتا ہے
ثنا خواں خود خدائے پاک ہے جو سب کا آقا ہے

سلام اس پر کہ توڑا زور جس نے بت پرستوں کا
علم اونچا کیا جس نے جہاں کے زیر دستوں کا

سلام اس پر کہ جس کی پاک صورت پاک سیرت تھی
سلام اس پر کہ جس کی زندگی خلق و مروت تھی

سلام اس پر کہ بعد اس کے نہ آئے گا نبی کوئی
نہ ان سا کوئی آیا ہے ، نہ آئے گا نبی کوئی

سلام اس پر کہ جس نے درد کی دولت عطا کردی
سکھائے جس نے کمزوروں کو آئین جواں مردی

سلام اس ذات اقدس پر کہ حامی ہے یتیموں کا
چلام ان جانِ اطہر پر ، جو والی ہے غریبوں کا

سلام اس پر ، اندھیرے میں اجالا کردیا جس نے
خدا کے نور سے دونوں جہاں کو بھر دیا جس نے

سلام اس پر غلاموں کو عطا کی جس نے سلطانی
سکھائے جس نے مظلوموں کو اندازِ جہاں بانی

سلام اس پر ، ملی ہے مہر و مہ کو جس سے تابانی
سلام اس پر کہ پائی چرخ نے جس سے درخشانی

سلام اس پر کہ جو مطلوب و مقصودِ خدا ٹھہرا
سلام اس پر کہ جو ٹوٹے دلوں کا آسرا ٹھہرا
حافظ لدھیانوی​

 

جزاک اللہ خیر

 

وَأَنْتُمْ فَجَزَاكُمُ اللَّهُ خَيْرًا