شہر سر سبز پہ یہ آنکھ لگی رہتی ہے ۔زاہد شمسی

شہر ِ سر سبز پہ یہ آنکھ لگی رہتی ہے
ہر نظر نُور کی چادر سی تنی رہتی ہے

آپﷺ کے فیض کی ٹھنڈک ہے مقدر میرا
دُھوپ کتنی بھی ہو ساون کی گھڑی رہتی ہے

میری دھڑکن میں ہے بس نام ِ خدا کی آواز
میرے سینے میں فقط یاد ِنبیﷺ رہتی ہے

ایسی معراج پہ فائز ہیں کفِ پائے رسول ﷺ
اوج ِ افلاک بھی قدموں میں پڑی رہتی ہے

حاضری کا مجھے اک بار شرف مل جائے
بس یہی ایک مقدر میں کمی رہتی ہے

بس وہی کُوچہ و بازار مری آنکھ میں ہیں
بس تصور میں وہی ایک گلی رہتی ہے

میرے دل اور مری آنکھوں کے ہمراہ زاہد!
یہ جبیں بھی اُسی چوکھٹ پہ جُھکی رہتی ہے
-----
زاہد شمسی

​

 

شہر سر سبز پہ یہ آنکھ لگی رہتی ہے
ہر نظر نُور کی چادر سی تنی رہتی ہے​

 

آپ کے فیض کی ٹھنڈک ہے مقدر میرا
دُھوپ کتنی بھی ہو ساون کی گھڑی رہتی ہے​

 

میری دھڑکن میں ہے بس نام _ خدا کی آواز
میرے سینے میں فقط یاد _ نبی ﷺ رہتی ہے​

 

ایسی معراج پہ فائز ہیں کف_ پائے رسول ﷺ
اوج _ افلاک بھی قدموں میں پڑی رہتی ہے​

 

حاضری کا مجھے اک بار شرف مل جائے
بس یہی ایک مقدر میں کمی رہتی ہے​

 

بس وہی کُوچہ و بازار مری آنکھ میں ہیں
بس تصور میں وہی ایک گلی رہتی ہے
​

 

میرے دل اور مری آنکھوں کے ہمراہ زاہد!
یہ جبیں بھی اُسی چوکھٹ پہ جُھکی رہتی ہے​

 

سبحان اللہ - جزاک اللہ

 

سبحان اللہ
جزاک اللہ خیراً کثیرا

 

اللہ تعالیٰ آپ کو بھی جزائے خیر عطا کرے آمین

​

 

اللہ تعالیٰ آپ کو بھی جزائے خیر عطا کرے آمین

​