اس نے توڑا بہت قرینے سے ۔۔۔۔۔ زنیرہ گل (اصلاح طلب)

اس نے توڑا بہت قرینے سے
جیسے کھیلا ہو اک نگینے سے

اک سلیقے سے دریا برد کیا
آسرا تھا مجھے سفینے سے

رستے معدوم تھے دل کے لیکن
آگئے تھے وہ مخفی زینے سے

وقت آگے نکل گیا اب تو
فائدہ کچھ نہیں ہے جینے سے

کرچی ہونے سے بچ نہیں پائے
نا توقع ہے آبگینے سے

موسم ِ گلؔ میں سانس لیتی ہوں
ٹھیسیں اٹھتی ہیں میرے سینے سے


زنیرہ گل

 

واہ بہت خوبصورتی سے نکھارا ہے آپ نے

بہت بہت شکریہ

 

یہ خوبصورتی اور نکھار کلام میں پہلے سے موجود تھا ،جناب !
خدا آپ کو سلامت رکھے ابھی آپ نے بہت ترقی کرنی ہے اور دنیائے علم وعمل میں اعلیٰ ترین مقام پانا ہے ،خدا راستے کی دشواریوں سے بچا کر بحفاظت منزلِ کمال تک لے جائے ، آمین ثم آمین!!

 

آمین ثم آمین!
جزاک اللہ خیراً کثیرا

آپ کا دستِ شفقت سر پر رہا تو انشاء اللہ وہ مقام بھی پا لینگے

جو تم چلو تو ابھی دو قدم میں کٹ جائے
جو فاصلہ مُجھے صدیوں میں پار کرنا ہے