لبوں پر ہے سجی توصیف و مدحت غوثِ اعظم کی ۔۔ندیم نوری

در شانِ پیر پیراں سرکار سیدنا غوث الغواث رضی اللہ تعالیٰ عنہ!
-----
لبوں پر ہے سجی توصیف و مدحت غوثِ اعظم کی
ہے ایماں کی ضمانت دل میں چاہت غوثِ اعظم کی

کھلاتا ہے انہیں اللہ اپنی قسمیں دے دیکر
بیاں کیسے کرےگا کوئی عظمت غوثِ اعظم کی

عیاں ہے سارا عالم مثلِ رائی اک ہتھیلی پر
خدا جانے ہے آخر کیا حقیقت غوثِ اعظم کی

یہ جس دل میں سما جائے خدا کا قرب پا جائے
"بڑی توقیر افزا ہے محبت غوثِ اعظم کی"

مہ و انجم بھی تکتے رہتے ہیں چشمِ عقیدت سے
ہے اس درجہ ضیا افروز صورت غوثِ اعظم کی

کسی سائل کو خالی ہاتھ لوٹایا نہیں در سے
زمانے بھر میں ہے روشن سخاوت غوثِ اعظم کی

دکھادے اے خدائے پاک جلوہ غوثِ اعظم کا
مجھے بھی ہے تمنائے زیارت غوثِ اعظم کی

بھلا کیسے سمائےگی محبت اہل دنیا کی
ہو جس کے سینے میں پیوست الفت غوثِ اعظم کی

پکارا جب کبھی میں نے ندیم ان کو مصیبت میں
بچانے آ گئی یک لخت نصرت غوثِ اعظم کی
---
ندیم نوری
​

 

لبوں پر ہے سجی توصیف و مدحت غوثِ اعظم کی
ہے ایماں کی ضمانت دل میں چاہت غوثِ اعظم کی​

 

عیاں ہے سارا عالم مثلِ رائی اک ہتھیلی پر
خدا جانے ہے آخر کیا حقیقت غوثِ اعظم کی
​

 

یہ جس دل میں سما جائے خدا کا قرب پا جائے
"بڑی توقیر افزا ہے محبت غوثِ اعظم کی"​

 

کسی سائل کو خالی ہاتھ لوٹایا نہیں در سے
زمانے بھر میں ہے روشن سخاوت غوثِ اعظم کی​

 

دکھادے اے خدائے پاک جلوہ غوثِ اعظم کا
مجھے بھی ہے تمنائے زیارت غوثِ اعظم کی​

 

پکارا جب کبھی میں نے ندیم ان کو مصیبت میں
بچانے آ گئی یک لخت نصرت غوثِ اعظم کی​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین