جو عشقِ سیدِ کونین میں دوانہ ہے ۔۔ مفتاح الحسن مفتاح چشتی

جو عشقِ سیدِ کونین میں دوانہ ہے
مری نگاہ میں انسان بس وہ دانا ہے

ضیاسےجسکی خجل ہیں یہ مہروماہ ونجوم
وہ کچھ نہیں مرے آقا کا مسکرانا ہے

کرے وہ کس لیے پرواہ برق و طوفاں کی
سپرد آپ کے جس کا بھی آشیانہ ہے

دکھا دیں جیتے جی اپنے دیار کا منظر
حضور آپ سے یہ عرضِ عاجزانہ ہے

یہاں کی چھوڑیے واضح یہ حشر میں ہوگا
کہ کتنے کام کا نعتِ نبیﷺ سنانا. ہے

انہیں بنا یا ہے خالق نے قاسمِ نعمت
جو پا رہے ہو انہی کا یہ آب و دانہ ہے

نثار ان پہ کرو جان و مال سب اپنا
یہی وفا ہے یہی طورِ عاشقانہ ہے

نہ ہو گا کیسے وہ مفتاح خلد کا مالک
خداے پاک کا محبوب جس کا نانا ہے
---
مفتاح الحسن مفتاح چشتی
98 واں ہفتہ وار فی البدیہہ طرحی مشاعرہ 29 تا 30 جولائی
پیشکش فیس بک ٹائمز انٹرنیشنل ​

 

دکھا دیں جیتے جی اپنے دیار کا منظر
حضور آپﷺ سے یہ عرضِ عاجزانہ ہے​

 

انہیں بنا یا ہے خالق نے قاسمِ نعمت
جو پا رہے ہو انہی کا یہ آب و دانہ ہے​

 

نثار ان پہ کرو جان و مال سب اپنا
یہی وفا ہے یہی طورِ عاشقانہ ہے ​

 

سبحان اللہ & جزاک اللہ

​

 

اللہ تعالٰی آپ کو بھی جزائے خیر عطا کرے آمین

​