لبِ ازل کی صدا لَا اِلٰہ اِ لّا اللہ (مُظؔفّر وارثی)

لبِ ازل کی صدالَا اِلٰہ اِ لّا اللہ
ازل سے قبل بھی تھا لَا اِلٰہ اِ لّا اللہ

دلیل کیا ہے کسی ماسوا کے ہونے کی
گواہ ساری خدائی خدا کے ہونے کی
نوائے کُن کی بنا لَا اِلٰہ اِ لّا اللہ

حدِ شعور، سُراغِ بلندی و پستی
حصارِ مشرق و مغرب، احاطہِ ہستی
مدارِ ارض و سما لَا اِلٰہ اِ لّا اللہ

چراغِ ذہن، ضیائے نگاہ، نُورِ جبیں
جمالِ عشق، وقارِ خودی، اساسِ یقیں
متاعِ صبر و رضا لَا اِلٰہ اِ لّا اللہ

اذانِ گردشِ دوراں، نمازِ جنّ و بشر
وظیفہِ شجر و سنگ، وردِ شمس و قمر
دعائے ابرو ہوا لَا اِلٰہ اِ لّا اللہ

نظر میں وسعتِ کون و مکاں کو ضم دیکھے
کمالِ رحمتِ حق پھر قدم قدم دیکھے
کہے تو کوئی ذرا لَا اِلٰہ اِ لّا اللہ

رکھی گئی تھیں اِسی پر وطن کی بنیادیں
خدا کرے کہ فلک ہم ان کو پہچادیں
پکارتی ہے فضا لَا اِلٰہ اِ لّا اللہ

ہر ایک شے کو فنا ہے ہر اسم ہے فانی
یہ کائنات کا سارا طلسم ہے فانی
بس ایک حَرفِ بقا لَا اِلٰہ اِ لّا اللہ​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

السلام علیکم ورحمتہ اللہ وبارکاتہ
سبحان اللہ
بہت عمدہ
جزاک اللہ خیراً کثیرا​

 

وعلیکم السلام ورحمتہ اللہ وبرکاتہ
اللہ تعالیٰ آپ کو بھی جزائے خیر عطا کرے آمین

 

ثمہ آمین یا رب العالمین