پڑھ کتاباں رٹے لا لیہ - بمع اردو ترجمہ

غوری جی پردیسیوں کی دکھتی رگ پر ہاتھ رکھ دیا آپ نے تو

 

کسی بھی زبان پر دسترس حاصل کرنے کے دو طریقے ہیں مطالعہ اور ذخیرہ الفاظ

 

آج کل تو انفرمیشن ایک کلک کی دوری پر ہے ہمارے وقتوں میں تو بہت پڑھنا پڑتا تھا اس وقت استادوں میں بھی لگن تھی اور سیکھنے والوں میں بھی محنت کا جذبہ تھا اجکل تو اتنی انفرمیشن ایک جگہ جمع کر دی جاتی ہے کہ کریز ختم ہو گیا ہے کسی ایک موضوع پر آپ کو اتنی کتابیں مل جائیں گی کہ کریز ہی ختم ہو جائے گا جس کہ نتیجہ یہ نکلا ہے کہ ادب جمود کا شکار ہے مقدار تو ہے مگر معیار نہیں

 

زنیرہ عقیل شروع شروع میں آپ کو دقت ہو گی مگر کثرت مطالعہ سے آپ کے لئے سمجھنا آسان ہو جائے گا

 

http://www.oururdu.com/forums/index...ہرہ-کی-غزل-کا-پنجابی-ترجمہ-شریف-کنجاہی.39362/
یہ دھاگہ دیکھیں ذرا

 

محترم غوری جی !
چونکہ الحمدللہ پنجابی میری مادری زبان ہے اس لیے مجھے اس کا ترجمہ پڑھنے کی ضرورت نہیں پیش آئی ورنہ میں بھی آپ کے کئے گئے ترجمہ پر نظر ڈالتا تو یقینا بحر اوزان وغیرہ میں فرق نظر آ جاتا۔
پہلی بات کہ بطور فورم ممبر ہم سب بشمول میرے برابر ہیں لیکن ہماری اچھی تربیت ہمیں اس بات پر اکساتی ہے کہ ہم بزرگوں اور خاص کر صاحبِ علم بزرگوں سے بات کرتے ہوئے آداب کو ملحوظِ خاطر رکھیں اور اگر ان کی طرف سے کچھ تنقید (چاہے وہ ہمارے مزاج کے خلاف ہو ) تو اس کو مثبت انداز میں لے کر ان سے رہنمائی کی گزارش کریں تاکہ ہماری بات میں ان کے علم کی بدولت نکھار پیدا ہو اور کمیاں دور ہوں یا خاموشی اختیار کر لیں بجائے اس کے کہ ان کا امتحان لیا جائے۔ شاید آپ نے شاہ جی کی تصویر سے ان کی عمر کا اندازہ لگایا تو عرض ہے کہ یہ ان کے بیٹے کی تصویر ہے اور شاہ جی عمر ، تجربے، علم میں ہمارے فورم کے سینئر ترین ممبر کہے جا سکتے ہیں۔
آپ نے شاہ جی سے کہا کہ "ہمت کرکے اسے اپنے معیار کے مطابق ترجمہ کردیجئے " یقینا یہ نامناسب بات ہے۔ علم عروض وہ خاص علم ہے جس سے شعر کا وزن اوراس کا موزوں یا نا موزوں ہونا معلوم کیا جاتا ہے۔ علم عروض کے تحت اشعار کے مختلف وزن مقرر کئے گئے ہیں جن میں ہر وزن کو بحر کہا جاتا ہے۔ ہر بحر چند خاص لفظوں یا ارکان سے تشکیل پاتی ہے جن کی مدد سے شعر کو ناپا تولا جا سکتا ہے۔ کسی شعر کا وزن معلوم کرنے کے لیے اس کے ارکان میں تقسیم کرنے کو’ تقطیع ‘کرنا کہتےہیں۔ اور شاہ جی علم عروض میں اچھی خاصی دسترس رکھتے ہیں اور باریکیوں کو ہم سے کہیں زیادہ سمجھتے ہیں اور اصلاح بھی کرتے ہیں۔ لیکن ان کو یہ کہنا جیسا آپ نے کہا درست نہیں۔ ایک مثال دیتا ہوں۔ ایک ایمپائر کھلاڑیوں کی غلطیاں پکڑتا ہے ، ان کے کھیل کو جانچتا ہے، چاہے تو سرزنش بھی کر سکتا ہے اور کھیل سے باہر بھی کر سکتا ہے جبکہ 99 فی صد ایمپائرز نے شاید کبھی وہ کھیل عالمی سطح پر تو درکنار قومی سطح پر بھی نہ کھیلا ہو۔ لیکن کھیلنے والے اس کو یہ نہیں کہتے کہ میرا گول درست نہیں تو تم گول کر کے دکھا دو یا میرا بال درست نہیں تو تم درست بال کر کے دکھاؤ۔ بلکہ سب کھلاڑی اس کے علم اور مرتبے کے آگے سرِ تسلیم خم کرتے ہیں کہ وہ اس کھیل کا ان سے زیادہ علم رکھتا ہے اور ان سے زیادہ بہتر طور پر کمیاں کوتاہیاں پکڑ سکتا ہے۔ امید ہے آپ بات سمجھ گئے ہوں گے۔ یہ اور بات ہے کہ شاہ جی علم رکھنے کے ساتھ ساتھ صاحب سخن ہیں۔ جب کہ آپ کا لکھا گیا کلام یقینا اچھا ہے جسے سب سے پہلے میں نےسراہا لیکن پھر بھی اس معیار کا نہیں کہ شاہ جی جیسے استاد اس کا ترجمہ کریں۔ ہمارے جیسے مبتدیوں کو کوشش کرنے کے لیے یہ چھوٹی بحر آسان الفاظ کے کلام کا ترجمہ کرنا مناسب لگتا ہے۔ خاص کر جب شاعر بھی نامعلوم ہو۔ آپ کے لکھے گئے کلام میں کی گئی باتیں یقینا دل کو چھو لینے والی ہیں لیکن یقین سے کہہ سکتا ہوں کہ یہ کسی استاد کا کلام نہیں جو رنگ ان میں نظر آتا ہے۔ آپ سیدھا سیدھا ترجمہ نثر کے قالب میں ڈھال دیتے تو یقینا کوئی اعتراض والی بات نہ تھی۔
اب ترجمہ کی بابت نظر ڈالیں تو کسی کلام کا ترجمہ 2 طرح سے ہوتا ہے۔
1۔ سلیس یا بامحاورہ ترجمہ یعنی شاعر کی گئی بات کو مناسب الفاظ میں نثر اور پیراگراف کی صورت میں تحریر کر دینا۔ اس میں مقصود صرف بات کو دوسری زبان یا اسی زبان میں آسان طریقے سے سمجھانا ہوتا ہے۔
2۔ منظوم ترجمہ یعنی شاعر کے کلام کا ترجمہ بھی شاعری میں ہی کیا جائے ۔ جب شاعری کی صورت میں ترجمہ ہو گا یقینا شاعری کے متعلقہ تمام اصول و ضوابط کو مدِ نظر بھی رکھنا پڑے گا۔ جیسا کہ آپ نے منظوم ترجمہ کی کوشش کی ۔
یہاں ایک مثال پیش کرتا ہوں منظوم ترجمہ کی۔ آخر میں علم عروض کو مدنطر رکھتے ہوئے کلام کی معلومات دی گئی ہیں۔ غور کیجیے کہ ترجمہ کرنے والے نے منظوم ترجمہ میں بھی وہی بحر استعمال کی جو حضرت امیر خسرورح کے کلام کی جو کہ یقینا شاعری پر ان کی انتہائی گرفت اور علم عروض پر دسترس کی نشاندہی کرتا ہے۔

درج ذیل نعت امیر خسرو کی مشہور و معروف نعت ہے لیکن ادبی محققین کے مطابق یہ انکے کسی بھی دیوان میں نہیں ملتی لیکن صدیوں سے معروف انہی کے نام سے ہے۔
شعرِ خسرو
نمی دانَم چہ منزل بُود، شب جائے کہ من بُودَم
بہ ہر سُو رقصِ بسمل بُود، شب جائے کہ من بودم
اردو ترجمہ
مجھے نہیں معلوم کہ وہ کون سی جگہ تھی جہاں کل رات میں تھا، ہر طرف وہاں رقصِ بسمل ہو رہا تھا کہ جہاں میں کل رات کو تھا۔
منطوم ترجمہ
مسعود قریشی
نہیں معلوم تھی کیسی وہ منزل، شب جہاں میں تھا
ہر اک جانب بپا تھا رقصِ بسمل، شب جہاں میں تھا

شعرِ خسرو
پری پیکر نگارے، سرو قدے، لالہ رخسارے
سراپا آفتِ دل بُود، شب جائے کہ من بودم
ترجمہ
پری کے جسم جیسا ایک محبوب تھا، اس کا قد سرو کی طرح تھا اور رخسار لالے کی طرح، وہ سراپا آفتِ دل تھا کل رات کہ جہاں میں تھا۔
قریشی
پری پیکر صنم تھا سرو قد، رخسار لالہ گُوں
سراپا وہ صنم تھا آفتِ دل، شب جہاں میں تھا
شعرِ خسرو
رقیباں گوش بر آواز، اُو دَر ناز، من ترساں
سخن گفتَن چہ مشکل بود، شب جائے کہ من بودم
ترجمہ
رقیب آواز پر کان دھرے ہوئے تھے، وہ ناز میں تھا اور میں خوف زدہ تھا۔ وہاں بات کرنا کس قدر مشکل تھا کل رات کہ جہاں میں تھا۔
قریشی
عدو تھے گوش بر آواز، وہ نازاں تھا، میں ترساں
سخن کرنا وہاں تھا سخت مشکل، شب جہاں میں تھا
شعرِ خسرو
خدا خود میرِ مجلس بُود اندر لا مکاں خسرو
محمد شمعِ محفل بود، شب جائے کہ من بودم
ترجمہ
اے خسرو، لا مکاں میں خدا خود میرِ مجلس تھا اور حضرت محمد اس محفل کی شمع تھے، کل رات کہ جہاں میں تھا۔
قریشی
خدا تھا میرِ مجلس لا مکاں کی بزم میں خسرو
محمد تھے وہاں پر شمعِ محفل، شب جہاں میں تھا
——–
بحر - بحر ہزج مثمن سالم
افاعیل - مَفاعِیلُن مَفاعِیلُن مَفاعِیلُن مَفاعِیلُن
اشاری نظام - 2221 2221 2221 2221
تقطیع -
نمی دانم چہ منزل بود، شب جائے کہ من بودم
بہ ہر سُو رقصِ بسمل بود، شب جائے کہ من بودم
نمی دانم - مفاعیلن - 2221
چ منزل بو - مفاعیلن - 2221
د شب جائے - مفاعیلن - 2221
کِ من بودم - مفاعیلن - 2221
بَ ہر سو رق - مفاعیلن - 2221
ص بسمل بو - مفاعیلن - 2221
د شب جائے - مفاعیلن - 2221
کِ من بودم - مفاعیلن - 2221
یہ ہوتا ہے منظوم ترجمہ جو ہم جیسے طالب علم نہیں کر سکتے لیکن اس سے استفادہ و رہنمائی ضرور حاصل کر سکتے ہیں۔
آپ نے جو الفاظ شاہ جی کے لیے استعمال کیے ہیں انتہائی نامناسب ہیں۔ لیکن چونکہ بات ختم ہو چکی ہے۔ اس کوشش کریں کہ مستقبل میں گفتگو کے دوران میری گزارشات کو ملحوظِ خاطر رکھیں۔میرے لیے آپ بھی اتنے ہی محترم ہیں جتنے فورم کے باقی سب ممبرز۔
خوش رہیں
بہت جئیں

 

پہلے نہیں آ سکتی تھیں آپ

 

شاہ جی سے رہنمائی حاصل کرتی رہیں اور اس لڑی کو بھی دیکھیں۔
http://www.oururdu.com/forums/index.php?threads/you-آئیں-پنجابی-سیکھیں.11849/

 

ملک بلال جی نہ مجھے شاعر ہونے کا دعویٰ ہے نہ ماہر عروض ہوں بس کچھ بزرگوں کی جوتیاں سیدھی کر کے جھونگے میں کچھ حاصل کر لیا اور کچھ نہیں
تضمین اور منظوم ترجمہ کرنا شاعری کی صنف میں مشکل ترین کام ہے بڑے بڑے شاعر دل چھوڑ دیتے ہیں جب بڑے بڑے صاحب دیوان شاعروں کے لئے یہ کام ممکن نہیں تو ہر کسی کے بس کی بات کیسے ہو سکتی ہے
یہ بات آپ نے بہت اچھے پیرائے میں بیان کی
سلامت رہیں

 

منظوم ترجمے کا ایک خوبصورت نمونہ


نقش فریادی ہےکس کی شوخئ تحریر کا
کاغذی ہے پیرہن ہر پیکرِ تصویر کا

کاؤکاوِ سخت جانی ہائے تنہائی نہ پوچھ
صبح کرنا شام کا، لانا ہے جوئے شیر کا

جذبۂ بے اختیارِ شوق دیکھا چاہیے
سینۂ شمشیر سے باہر ہے دم شمشیر کا

آگہی دامِ شنیدن جس قدر چاہے بچھائے
مدعا عنقا ہے اپنے عالمِ تقریر کا

بس کہ ہوں غالب، اسیری میں بھی آتش زیِر پا
موئے آتش دیدہ ہے حلقہ مری زنجیر کا

*******
پنجابی ترجمہ
از اسیر عابد

چتر کوکدا اے، چتر کار کیہڑے کھیکھن گُنھیا وِچ تحریر سائیں
چولے کاغذی ساریاں مورتاں دے بے دسّیاں بے تقصیر سائیں

کار کار نہ پُچھ اکلاپیاں دی پتھر جِند نوں سِک عذاب اندر
شاموں فجر اڈیکدے کڈھ لئیے دُدھ نہر پہاڑ نوں چِیر سائیں

سدّھر اتھری شوق شہادتاں دی مقناطیس وانگوں کھچ ماردی اے
سینے وِچ تلوار دے ساہ اوکھا کڈّھی چھاتیوں دھار شمشیر سائیں

سُرتاں ہو ہشیار چالاک بھانویں جال کناں دے لکھ وچھان پیّاں
پنچھی غیب دا اپنی گل وِچلی، نہیں پھڑکدے وچ تقریر سائیں

غالب پینکھڑاں وچ نہ رہواں پَیراں ہیٹھ چواتیاں بجھّیاں نیں
کُنڈل سیکیا وال ہے سنگلی دا جیہڑی سنگلی اساں اسیر سائیں

چتر: نقش، تصویر
چترکار: مصور، نقاش
پینکھڑاں: پاؤں باندھنے کی زنجیر یا رسّی

 

زیر زبر پیش سے سارا مفہوم ہی بدل جاتا ہے

 

آپ دونوں احباب نے جو پیغامات ارسال کیے ان میں ایک دوسرے کے بارے میں جو خیالات کا اظہار کیا ان کو چھوڑ کر ان پیغامات میں سے صرف وہ باتیں نکال کر پیش کرتا ہوں جو دونوں احباب نے خود اپنے بارے میں کیں۔

غوری
میں نے ترجمہ کیا ہے
میں ایک مہذب اور ذمہ دار انسان ہوں
ہم بھی منہ میں زباں اور دہن رکھتے ہیں
میں نے بھی دنیا دیکھی ہے
مجھے میرے اعمال اور کردار کی وجہ سے سید کہتے تھے
میں کبھی بھی خود کو کسی سے کمتر نہیں سمجھتا
میں نے اردو ترجمہ اپنے تئیں بہترین کیا ہے
میری 50 سے زیادہ غزلیں میرے استاد کی اصلاح شدہ ہیں

سید شہزاد ناصر
نہ مجھے شاعر ہونے کا دعویٰ ہے نہ ماہر عروض ہوں بس کچھ بزرگوں کی جوتیاں سیدھی کر کے جھونگے میں کچھ حاصل کر لیا اور کچھ نہیں

میں غوری جی کی باتوں کی تائید کرتا ہوں اور سید شہزاد ناصر جی کی بات سے جزوی اختلاف کرتا ہوں۔
احباب سے گزارش ہے کہ اس بحث کو ختم سمجھیں ۔
مزید کچھ اور گفتگو فرمائیں
وہ زنیرہ عقیل کچھ مٹھائی کی بات کر رہی تھیں۔ آپ میں سے کون کھلا رہا ہے؟ میں تو کھانے والوں میں سے ہوں۔ آپ سے لے کر زنیرہ نہیں کھلائیں گی تو ان کو خود کھلانی پڑے گی۔