اللہ ہی اللہ ۔ ہے بس یارو ۔ اللہ ہی اللہ (مُظؔفّر وارثی)

وہ سب کا مالک ہے
جس کا عرشِ مُعلّیٰ
اللہ ہی اللہ
ہے بس یارو
اللہ ہی اللہ

ذہن و دل سے اِک پردہ سا ہٹتا جائے
اوراقِ روز و شب وقت پلٹتا جائے
پڑھتا جاؤں قدرت کا رنگین مجلّہ
اللہ ہی اللہ
ہے بس یارو
اللہ ہی اللہ

دریا صحرا سورج چاند ستارے اس کے
منظر اور رُتیں اس کی ہم سارے اُس کے
اپنی پونجی اِک پیشانی ایک مُصلّیٰ
اللہ ہی اللہ
ہے بس یارو
اللہ ہی اللہ

ساری دنیا فانی باقی ذات اُسی کی
یہ دنیا میخانہ ساقی ذات اُسی کی
تھام لو اُس کی رسی اُس کے نبی کا پَلّہ
اللہ ہی اللہ
ہے بس یارو
اللہ ہی اللہ

دنیا اِک شہکار ہے مولا کی ندرت کا
کرتے ہیں اعلان سبھی اس کی قدرت کا
مٹی، پانی، آگ، ہوا، پھل، میوے، غلّہ
اللہ ہی اللہ
ہے بس یارو
اللہ ہی اللہ

جس کے بس میں جان مری اُس کے گن گاؤں
آتی جاتی سانسوں پر میں کیا اتراؤں
راکھ کا ڈھیر بنادے موت کا ایک ہی ہلّہ
اللہ ہی اللہ
ہے بس یارو
اللہ ہی اللہ

دیکھ رہا ہوں میں اپنا انجام مُظؔفّر
میرے تن پر ہے پیلا احرام مُظؔفّر
پاؤں کے انگوٹھے میں لوہے کا چھلّا
اللہ ہی اللہ
ہے بس یارو
اللہ ہی اللہ​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

السلام علیکم ورحمتہ اللہ وبارکاتہ
سبحان اللہ
بہت عمدہ
جزاک اللہ خیراً کثیرا​

 

وعلیکم السلام ورحمتہ اللہ وبرکاتہ
اللہ تعالیٰ آپ کو بھی جزائے خیر عطا کرے آمین

 

ثمہ آمین یا رب العالمین