لو اسی ذات سے لگائی ہے ۔بلال رشید

لو اسی ذات سے لگائی ہے
جس کے ہاتھوں میں کل خدائی ہے

کر مرے یار شرک سے توبہ
ورنہ تیری مری جدائی ہے

جو ہے تنہا زمانے کا والی
اس کے ہی واسطے بڑائی ہے

دیکھیے رب نے کیسی حکمت سے
بزمِ کون و مکاں سجائی ہے

پھر فرشتوں نے کچھ نہیں پوچھا
جب سے اک حمدِ حق سنائی ہے

حمد اور نعتِ مصطفٰی کہنا
میرے اشعار کی کمائی ہے

رب نے روزِ جزا بھی دنیا سے
میری ہر اک خطا چھپائی ہے

حمد گویا بلال آج مری
مژدہءِ فضل بن کے آئی ہے
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین