دل کی باتیں ، شاعری،یا لفظوں میں

اِک ہِجر جو ہم کو لاحق ہے تا دیر اسے دہرائیں کیا
وہ زہر جو دِل میں اتار لیا پھر اس کے ناز اُٹھائیں کیا​

 

اِک تُم کہ تُم کو فکرِ نشیب و فراز ہے
اِک ہم کہ چل پڑے تو بہرحال چل پڑے​

 

اس نے قدموں میں بھی رکھا سرِ محفل نہ ہمیں
جس کہ ہم ساتھ رہے گردِ سفر کی صورت

رات کی رات مجھے بزم میں رہنے دیجئے
آپ دیکھیں گے سحر کو نہ قمرؔ کی صورت
- - - - - -
استاد قمرؔ جلالوی​

 

میں آپ سے مکمل اتفاق کرتا ہوں ، محض لباس ہی نہیں ہم بحیچٹ معاشرہ ہر ہرطور پربری طرح ترقی پزیر ہیں ۔ ۔ ۔ ماضی کے انسان تو ہم سے بہت بہتر تھے ۔ ۔ ۔
مظفر وارثی صاحب کے بھی شاید اس وقت یہی احساسات تھے جب انہوں نے یہ غزل کہی ہو گی ۔ ۔ ۔

میری جدائیوں سے وہ مل کر نہیں گیا
اس کے بغیر میں بھی کوئی مر نہیں گیا
دنیا میں گھوم پھر کے بھی ایسے لگا مجھے
جیسے میں اپنی ذات سے باہر نہیں گیا
کیاخوب ہے ہماری ترقی پسندیاں
زینے بنا لیے کوئی اوپر نہیں گیا
جغرافیے نے کاٹ دیئے راستے میرے
تاریخ کو گلہ ہے کہ میں گھرنہیں گیا
ایسی کوئی عجیب عمارت تھی زندگی
باہر سے جھانکتا رہا اندر نہیں گیا
سب اپنے ہی بدن پے مظفر سجا لئے
واپس کسی طرف کوئی پتھر نہیں گیا
- - - -
مظفر وارثی​

 

آگ لہرا کے چلی ہے اِسے آنچل کر دو
تم مجھے رات کا جلتا ہوا جنگل کر دو

چاند سا مصرع اکیلا ہے مرے کاغذ پر
چھت پہ آجاؤ مرا شعر مکمل کر دو

میں تمہیں دل کی سیاست کا ہنر دیتا ہوں
اب اسے دھوپ بنا دو مجھے بادل کر دو

تم مجھے چھوڑکے جاؤ گے تو مر جاؤں گا
یوں کرو جانے سے پہلے مجھے پاگل کر دو

اپنے آنگن کی اُداسی سے ذرا بات کرو
نیم کے سوکھے ہوئے پیڑ کو صندل کر دو

بشیر بدر​

 

آتشِ نمرود گر بھڑکی ہے کچھ پروا نہیں
وقت ہے شانِ براہیمی دکھانے کیلئے​

 

ہاتھ خالی ہیں تِرے شہر سے جاتے جاتے
جان ہوتی، تو مِری جان! لُٹاتے جاتے

اب تو ہر ہاتھ کا پتّھر ہَمَیں پہچانتا ہے
عُمر گذری ہے تِرے شہر میں آتے جاتے

رینگنے کی بھی اِجازت نہیں ہم کو، ورنہ
ہم جِدھر جاتے، نئے پُھول کِھلاتے جاتے

مجھ میں رونے کا سلیقہ بھی نہیں ہے شاید
لوگ ہنستے ہیں مجھے دیکھ کے آتے جاتے

اب کہ مایُوس ہُوا یاروں کو رُخصت کر کے
جا رہے تھے ، تو کوئی زخم لگاتے جاتے

ہم سے پہلے بھی مُسافر کئی گزرے ہونگے
کم سے کم، راہ کا پتّھر تو ہٹاتے جاتے

ڈاکٹر راحت اندوری​

 

دل کی بات چھپانی مشکل، لیکن خوب چھپاتے ہو
بن میں دانا، شہر کے اندر دیوانے کہلاتے ہو​

 

بس طور جلا اور ادھر غش ہوئے موسٰیؑ
لوگ اور بھی تھے وادیِ ایمن کے برابر

اب جائے جہاں قافلۂ دہر ترابیؔ
رہبر نظر آتا رہے رہزن کے برابر​

 

پھر جیب کو حوس ہے کہ ہو، یوں وہ تار تار
ممنُونِ بخیہ گر نہ طبیعت ہُوا کرے

پھر گرم آہِ شعلہ فشاں ہے دلِ حزیں
پھر گریہ چاہتا ہے کہ طُوفاں بَپا کرے​

 

رخ روشن کے سامنے چراغ رکھ کر وہ بولے
اُدھر جاتا ہے دیکھو کہ ادھر آتا ہے پروانہ