اساتذہ کے کلام سےمنتخب ... اُردو کے خاص الخاص اشعار

روز ملنے پہ بھی لگتا تھا کہ جُگ بیت گئے
عشق میں وقت کا احساس نہیں رہتا ہے​

 

​

 

انا ہوس کی دکانوں میں آ کے بیٹھ گئی
عجیب مینا ہے شکروں میں آ کے بیٹھ گئی

جگا رہا ہے زمانہ مگر نہیں کھلتیں
کہاں کی نیند ان آنکھوں میں آ کے بیٹھ گئی

وہ فاختہ جو مجھے دیکھتے ہی اڑتی تھی
بڑے سلیقے سے بچوں میں آ کے بیٹھ گئی

تمام تلخیاں ساغر میں رقص کرنے لگیں
تمام گرد کتابوں میں آ کے بیٹھ گئی

تمام شہر میں موضوع گفتگو ہے یہی
کہ شاہزادی غلاموں میں آ کے بیٹھ گئی

نہیں تھی دوسری کوئی جگہ بھی چھپنے کی
ہماری عمر کھلونوں میں آ کے بیٹھ گئی

اٹھو کہ اوس کی بوندیں جگا رہی ہیں تمہیں
چلو کہ دھوپ دریچوں میں آ کے بیٹھ گئی

چلی تھی دیکھنے سورج کی بد مزاجی کو
مگر یہ اوس بھی پھولوں میں آ کے بیٹھ گئی

تجھے میں کیسے بتاؤں کہ شام ہوتے ہی
اداسی کمرے کے طاقوں میں آ کے بیٹھ گئی

منور رانا​

 

بہت خوب ، ماشااللہ !

 

ہر شعر لاجواب!

 

گراں قدر معلومات دستیاب کرنے کے لیے مشکور ہوں

 

شکریہ ، اور یہ بتائیے کہ علامہ اقبال کا شعر اندازِ بیاں گرچہ بہت شوخ ۔۔۔۔۔۔۔۔۔الخ،کس سافٹ وئرپر لکھاہے؟بہت خوبصورت اور دیدہ زیب خط ہے ۔

 

یہ تو کاپی کیا ہے

 

مگر کس سافٹ وئر سے کس سافٹ وئر پر۔فوٹوشاپ اور کورل ڈرا اِس سلسلے میں خاصی بڑی رینج ڈیزائننگ کی دیتے ہیں یعنی اِن پیج پر لکھی تحریر کوسنوارنے میں اگر ان سافٹ وئر پر کام کرنا آتا ہوتو اُردُوتحریر کا حسن دوبالاہوجاتا ہے۔

 

اگر تفصیل سے بتائیں تو عنایت ہوگی۔تلخیص سے کچھ پتہ نہیں چلا۔

 

اچھاشاید آپ کی مراد بنے بنائے امیج کو نیٹ سے لے کر کاپی پیسٹ ہے۔

 

جی ہاں

 

انٹر نیٹ پر سرچ کر کے کاپی پیسٹ کی ہے

 

حمایت علی شاعرؔ

 

عمدہ انتخاب

 

ہر جنم میں اسی کی چاہت تھے
ہم کسی اور کی امانت تھے
بشیر بدر

 

چھیڑ منظور ہے کیا عاشق دلگیر کے ساتھ

خط بھی آیا کبھی تو غیر کی تحریر کے ساتھ

گو کہ اقرار غلط تھا مگر اک تھی تسکین

اب تو انکار ہے کچھ اور ہی تقریر کے ساتھ

دور ایسے نہ کھیچو پاس بھی آؤگے کبھی

وہ گئے دن جو یہ نالے نہ تھے تاثیر کے ساتھ

پیچ قسمت کا ہو تو کیا کرے اس میں کوئی

دل کو وابستگی ہے زلف گرہ گیر کے ساتھ

وہ بھی کہتے ہوئے کچھ دور تک آئے پیچھے

ہم جو اس بزم سے نکلے بھی تو توقیر کے ساتھ

یہ بھی اک وصل کی صورت تھی مگر رشک نصیب

اس کی تصویر کبھی غیر کی تصویر کے ساتھ

وعدۂ صبح پہ اب کس کو یقیں ہو قاصد

آج تو جان گئی نالۂ شب گیر کے ساتھ

کہو رنجش کا سبب کچھ نہیں میری ہی سنو

عذر تو چاہیئے کرنا مجھے تقصیر کے ساتھ

آپ دیتے ہیں اذیت ہی شکایت کی عوض

کچھ زباں سے بھی تو فرمائیے تعزیر کے ساتھ

دیکھیے مل ہی گیا آپ سے وہ شوخ نظامؔ

کام جو کچھ کرے انسان سو تدبیر کے ساتھ

نظام رامپوری