ہیموفیلیا اے کے علاج میں انقلابی پیش رفت

لندن: برطانوی ڈاکٹروں کا کہنا ہے کہ انہوں نے ہیموفیلیا اے کے مرض کے علاج کا ایک طریقہ وضع کیا ہے جس کے نتائج بقول ان کے ’ ہوش ربا‘ ہیں۔

ہیموفیلا اے ایک جینیاتی مرض ہے جس کے مریض خون روکنے یا جمانے والے ایک اہم پروٹین سے عاری ہوتے ہیں اور ان کی چوٹ سے مسلسل خون بہتا رہتا ہے۔ برطانیہ میں نیشنل ہیلتھ سروسز (این ایچ ایس) نے دیگر اداروں کے اشتراک سے جین تھراپی وضع کی ہے اور اس کے حیرت انگیز نتائج اس وقت سامنے آئے جب مریض قریباً نارمل ہوگئے۔

اگرچہ پاکستان سمیت دنیا بھر میں ایسے مریضوں کی تعداد بہت کم ہے لیکن یہ کمیاب مرض زندگی بھر کا روگ بن جاتا ہے۔ اس ضمن میں 29 سالہ جیک عمر کا علاج کیا گیا جنہیں معمولی چوٹ کے بعد بھی مسلسل خون بہنے کی شکایت تھی۔ ان کے جسم میں خون جمانے والا ایک عنصر فیکٹر ایٹ پیدائشی طور پر غائب تھا۔ یہاں تک کہ چہل قدمی کرنے پر بھی ان کے جوڑوں سے خون بہتا اور وہ دھیرے دھیرے گٹھیا کا شکار ہورہے تھے۔

زندہ رہنے کے لیے جیک عمر ہفتے میں تین مرتبہ فیکٹر ایٹ کے ٹیکے استعمال کررہے تھے لیکن فروری 2016 میں ان کی جین تھراپی شروع ہوگئی۔ اب وہ کہتے ہیں کہ مجھے نئی زندگی مل گئی ہے اور میں اب بہت سارے کام کرسکتا ہوں۔ ان کا کہنا تھا کہ اس سے قبل وہ 500 میٹر بھی نہیں چل سکتے تھے لیکن اب دو، تین اور چار میل تک آسانی سے چلتے ہیں۔ انہوں نے کہا ایسا لگتا ہے کہ میں ایک جدید ترین روبوٹ بن گیا ہوں۔

جین تھراپی

اس کامیاب جینیاتی علاج میں ایک تبدیل شدہ وائرس استعمال ہوا ہے جس میں فیکٹر ایٹ بنانے کی ہدایات ہیں ۔ یہ وائرس سیدھا انسانی جگر کو ہدایات دیتا ہے کہ وہ فیکٹر ایٹ بنائے اور جگر خاموشی سے اس پر عمل کرتا ہے۔ اس ضمن میں 13 مریضوں کو ہیموفیلیا جین تھراپی سے گزارا گیا تو ایک سال بعد 11 مریضوں کا جسم فیکٹر ایٹ بنانے لگا۔ ان تمام آزمائشوں کے نگرانی پروفیسر جان پاسی نے کی جو لندن میں بارٹس اینڈ کوئین میری یونیورسٹی کے سائنسدان ہیں۔

ڈاکٹر جان پاسی کا کہنا تھا کہ یہ ایک اہم ترین پیش رفت ہے جس میں مریضوں کی اکثریت نارمل ہوگئی اور وہ ہیموفیلیا سے پاک ہوگئے۔

اس ضمن میں 9 مریضوں کا طبی احوال نیو انگلینڈ جرنل آف میڈیسن میں شائع کرادیا گیا ہے تاہم یہ جاننے میں وقت لگے گا کہ جین تھراپی کتنے عرصے تک مؤثر رہے گی۔

 

اگرچہ پاکستان سمیت دنیا بھر میں ایسے مریضوں کی تعداد بہت کم ہے لیکن یہ کمیاب مرض زندگی بھر کا روگ بن جاتا ہے۔--- (کامیاب)

 

جس چیز کا مطلب معلوم نہ ہو ہوشیاری زیادہ نہیں کرنی چاہیے ورنہ شرمندگی کا سامنا کرنا پڑتا ہے
کامیاب مرض کبھی زندگی میں سنا ہے؟
کمیاب کا مطلب یہاں کچھ اور ہے
کمیاب کے معنی
بے بُہتات
بے کَثرَت
دشواری سے
غير معمولي
غیر موجود
قَليلُ المِقدار
نادر الوجود
کم تر
کم ملنے والا
کمي کے ساتھ

 

سادہ الفاظ میں لکھیں ،،، ہوشیاری کے ساتھ

 

ھارون رشید بھائی کچھ لوگ اپنا تمسخر خود بناتے رہتے ہیں اور اپنے استہزائیہ رویے سے اپنی تضحیک کروا کر ہی دم لیتے ہیں اپنی بے وقری پر شرمندہ ہونے کی بجائے اوچھے پن کا مظاہرہ کرتے ہیں پہلے بھی اس شخص کو سمجھا چکی ہوں کہ ٹائپنگ مسٹیک کی اہمیت مذہبی پوسٹ پر قرآن و حدیث کے حوالے سے ہو یا کوئی اصلاحی تحریر ہو جس میں غلطی کی وجہ سے فقرے کا مطلب تبدیل ہو جاتا ہوتو سمجھ میں آتی ہے یہ بلا وجہ اردو دان بننے سے بہتر ہے آپ اپنی پوسٹنگ کرتے رہیں جس چیز کا مطلب معلوم نہ ہو ہوشیاری زیادہ نہیں کرنی چاہیے ورنہ شرمندگی کا سامنا کرنا پڑتا ہے
کامیاب مرض کبھی زندگی میں سنا ہے؟
کمیاب کا مطلب یہاں کچھ اور ہے
کمیاب کے معنی
بے بُہتات
بے کَثرَت
دشواری سے
غير معمولي
غیر موجود
قَليلُ المِقدار
نادر الوجود
کم تر
کم ملنے والا
کمي کے ساتھ

 

کوئی نہیں جانتا آپ کیا لکھتی ہو آسان لفظ میں لکھیں ،،، شکریہ

 

ہمیشہ غصہ آپ کی صحت کے لئے ٹھیک نہیں ہے ،،

 

بلا وجہ ہر پوسٹ پر اعتراض

 

اردو کی کوئی غلطی ہو تو بتائیے

 

بے وقری ہے یا بے توقیری ،،،،

 

بے وقری کے معنی ہیں اوچھا پن بے قدری یا بے وقعتی دوسرے الفاظ میں ذلت رسوائی

 

شکریہ

 

در اصل یہ بات آپ نے محترم کو سمجھانی تھی جو ہر وقت ٹائپنگ کی غلطیاں گنواتا رہتا ہے
اگر آپ اسی پوسٹ پر جناب کے کمنٹس پڑھ لو تو شاید آپ کو بھی سمجھ آجائے کہ یہاں کیا چل رہا ہے
اخباری خبر پر بھی جناب اردو کی غلطیاں نکال کر نیچا دکھانے کی کوشش میں لگے ہیں
ہالاںکہ اردو انکی اپنی غلط ہے
رہی بات لغت کی تو مجھے اردو سے محبت ہے اور اسی وجہ سے میں مطالعہ کرتی رہتی ہوں
سب کہتے ہیں کہ تخیل بہت اچھا ہے مگر شاعری میں وزن کے گر سے نا آشنا ہونے کی وجہ سے مار پڑتی ہے
ایک بار وزن کا طریقہ سیکھ لوں یہی خواہش ہے
ہماری اردو پر میرا آنا ہی اردو کی وجہ سے تھا

 

فکر مت کریں ،،،