بڑے بھائی کے لطیفے

بڑے بھائی یعنی ھارون رشید اپنے لاڈلے بھتیجے کو زمانے میں مخلص دوست اور دشمن کی اہمیت سمجھا رہے تھے۔ بھتیجے یعنی آصف احمد بھٹی صاحب جو چاچا کو بہت عظیم فلاسفر سمجھتے ہیں۔ اچانک پوچھ بیٹھے
"چاچا جی ۔ یہ بتائیں کہ دنیا میں مخلص دوست اور اصل دشمن کی پہچان کیسے ہو ؟"
چاچا جی نے بھتیجے کو غور سے دیکھا جیسے اس نے الجبرے کا سوال پوچھ لیا ہو ۔
پہلے مخصوص انداز میں ڈیڑھ ڈیڑھ کلو کی انگلی سے اپنا جھاڑی نما سر کھجایا ۔۔ جیسے مسئلے کا حل سوچ رہے ہوں۔
پھر کسی سوچ میں غرق انکا ہاتھ جیب کی طرف گیا، جیب سے ماچس نکالی
نہایت تفکرانہ انداز میں ماچس سے دو تیلیاں نکالی ۔
ایک تیلی کو دیکھ دیکھ کر واپس ماچس میں رکھ دیا
دوسری تیلی کے دو ٹکڑے کیے
پھر ان دو ٹکڑوں میں سے بھی مصالحے والے حصے کو واپس ماچس میں رکھ دیا
بھتیجا پورے تجسس سے عظیم ارسطو ٹائپ چاچا کو دیکھے جارہا ہےاس یقین کے ساتھ کہ ابھی مخلص دوست اور جانی دشمن کی پہچان کا گر ہاتھ میں آنے والا ہے۔
چاچا جی نے ماچس دوبارہ جیب میں رکھی ۔
آدھی تیلی کو اپنے کان کی طرف لے گئے۔
تیلی سے کان کو کھجایا ۔۔۔۔۔۔۔۔۔ اور اپنے پیلے پیلے دانتوں کی نمائش کرکے مسکراتے ہوئے بولے
" اوئے پتر مینوں کی پتہ "

 

اسی لیے سیانے محاورہ بنا گئے ہیں " چاچے اور سانپ پر کبھی بھروسہ نہ کرنا"

 

مجھے یہ سبزی بہت پسند ہے قیمے میں پکائی جاتی ہے بہت زبردست ہے مگر کریلے سے بھی کڑوی ہے

 

کڑواہٹ صحت کے لیے بہت ضروری ہے

 

استاد بچوں سے، اچھا یہ بتاہو کہ دن میں تارے کیوں نہیں نکلتے،
ایک بچے نے معصومیت سے جواب دیا۔ سر وہ سورج کے راستے میں ٹانگ نہیں اڑانا چاہتے۔

 

یعنی وہ پاکستانی نہیں ہوتے

 

بڑے بھائی یعنی ھارون رشید صاحب نے بھابی جی سے نظر بچا کر گھریلو خریداری میں سے کچھ بچت کرکے بھتیجے آصف احمد بھٹی کے مشورے پر آئی فون کا تازہ ترین ماڈل iPhone 7خرید لیا۔
پہلی کال ملک بلال کو گوجرانوالہ ملائی اور ملک بلال کی دعوت کے بغیر ہی گوجرانوالہ جانے کا پروگرام بنا لیا۔ مجبوراً ملک بلال کو بڑے بھائی کے کھانے کے لیے 2-3 دیگوں کا انتظام کرنا پڑا۔
خیر اصل بات کی طرف آتے ہیں۔
ہوا یہ کہ بڑے بھائی گوجرانوالہ کی طرف رواں دواں ہوئے۔ بس سے اترتے ہوئے پائیدان سے پاؤں پھسلا اور بڑے بھائی دھڑام نیچے زمین میں دھنس گئے۔ بلکہ صحیح جملہ یہ ہوگا کہ زمین ہی نیچے دھنس گئی۔
بڑے بھائی کی قمیض کی جیب میں iphone7تھا۔ زمین پر گرتے ہوئےکڑک ہوئی اور کچھ ٹوٹنے کی آواز آئی
بڑے بھائی کی زبان سے بے اختیار نکلا ۔
"اللہ کرے آواز ہڈی ٹوٹنے ہی کی ہو"

 

بڑے بھائی ھارون رشید صاحب ٹی وی کے سامنے بیٹھے بادام کھائے جا رہے تھے۔
پاس بیٹھے بھتیجے آصف احمد بھٹی نے بھی بادام مانگ لیے ۔ بڑے بھائی نے کمال سخاوت سے ایک بادام عنائیت فرما دیا
بھتیجے صاحب جزبز ہوئے لیکن تھوڑی دیر بعد دوبارہ بادام مانگا تو بڑے بھائی نے نے بےاعتنائی سے جواب دیا
" اوئے پتر باقی باداموں کا ذائقہ بھی ایسا ہی ہے۔ "

 

اسی دکھ سے بھتیجے بھائی آصف احمد بھٹی نے یہاں آنا ہی چھوڑ دیا ہے

 

بھتیجے صاحب یعنی آصف احمد بھٹی نے عرب ملک سے چاچا ھارون رشید عرف بڑے بھائی کو فون کر کے حال احوال پوچھتے ہوئے کہا
چاچا جی کیا ہورہا ہے ؟
چاچا جی انگریزی میں بولے : I am right now working on a AQUA THERMAL TREATMENT OF CERAMICS, ALUMINIUM & STEEL under a Constrained environment.
بھتیجے صاحب چاچا کے ریسرچ ورک پر حیران و پریشان ہوگئے ۔ پھر پوچھا
چاچا جی ۔ کیا پی ایچ ڈی کررہے ہو ؟
چاچا جی بولے۔ اوہ نہیں پتر ۔ برتن دھو رہا ہوں ۔ گرم پانی سے۔ تمھاری چاچی کی نگرانی میں ۔ اسی کو انگریزی میں بتایا تھا۔

 

بڑے بھائی ھارون رشید صاحب حسبِ کرتوت چند دوستوں کے ساتھ بیٹھ کر جوا کھیل رہے تھے اچانک پولیس نے چھاپہ مارا
بڑے بھائی دوڑ کر سب سے پہلے پولیس وین میں بیٹھ گئے ۔ جبکہ باقیوں کے پیچھے بھاگ بھاگ کر پولیس کو پکڑنا پڑا ۔
بڑے بھائی کے خود بخود سب سے پہلے وین میں بیٹھنے پر پولیس حیران رہ گئی ۔ انسپکٹر نے وجہ پوچھی تو بڑے بھائی بولے
" اوئے افسرو ! پچھلی بار میں سب سے آخر میں وین میں بیٹھا تھا تو سیٹ نہیں ملی تھی ۔ تھانے تک وین سے لٹک کر جانا پڑا تھا۔ بس اسی لیے پہلے بیٹھ گیا"

 

ہاہاہاہا اوہ مائی گاڈ

 

بھائی میں نے لطیفہ پڑھ کر کہا میں کہنے کی جرات نہیں کر سکتی

 

بڑے بھائی ھارون رشید صاحب موٹرسائیکل پر جا رہے تھے ۔ ایک ٹریفک اشارے پر خستہ حال فقیر پاس آکر بولا ۔
" پچاس روپے کا سوال ہے جناب ؟ "
بڑے بھائی نے موٹرسائیکل سائیڈ پر لگائی ۔۔۔ اور بڑی فیاضی سے فرمایا
"چلو پوچھو ۔۔ لیکن وعدہ کرو اگر میں نے جواب ٹھیک دے دیا تو تم پچاس روپے پورے دوگے"