ہماری اردو - انٹرنیٹ سے آگے(سلسلے ملاقاتوں کے)

ذرا صحت ٹھیک ہو لینے دیں ان شاء اللہ لکھ دوں گا ۔

 

بہت خوب نعیم بھائی اور پرویز بھائی کی ملاقات۔ بہت ہی خوب۔۔۔۔۔روداد مفصل یا مختصر مگر انتظار رہے گا۔

 

اللہ سلامت رکھے اور صحت کاملہ سے نوازے

جلد کی امید ہے

 

ان شاء اللہ ایک یا دو دن میں پوری تفصیل آپ تک پہنچاؤں گا ۔ نعیم بھائی کل ان شاء اللہ لندن چلے جائیں گے اور پھر وہاں سے ہی واپس چلے جائیں گے ۔

 

اسلام علیکم

21 اگست سوموار کے دن میں دوپہرتین بجے اسپتال سے فزیو تھراپی کے بعد تھکن سے چورگھر واپس آیا اور آتے ہی تھوڑے دیر آرام کرنے کے لئے لیٹ گیا دس یا پندرہ منٹ کے بعد ھارون بھائی نے وٹزاپ پر میسج کیا کہ نعیم بھائی شام سات بج کر چالیس منٹ پر مانچسٹر ائیر پورٹ پر جہاز سے اتر رہے ہیں ۔میں نے ان سے کہا کہ مجھے نعیم بھائی کا فون نمبر وٹزاپ کر دیں ۔ نعیم بھائی سے رابطہ ہوا تو انھوں نے بتایا کہ وہ جرمنی کے شہر کلون سے مانچسٹر آ رہے ہیں ۔نیٹ سے چیک کیا پتہ چلا ٹرمینل ایک پر جہاز آئے گا۔بہت کوشش کے باوجود مجھے کوئی کار والا نہ مل سکا جو مجھے مانچسٹر ائیرپورٹ لے جا سکے کیونکہ جب سے اپریشن ہوا ہے میں کار نہیں چلا سکتا ۔بولٹن سے ٹرین مانچسٹر ائیرپورٹ جاتی ہے لیکن ان دنوں پٹریوں کی مرمت شروع ہے اس لئے ریلوے والے بولٹن سے بسوں پر مسافروں کو بھیجتے ہیں ۔بس کی انکوائیری کی تو پتہ چلا کہ یہاں سے مانچسٹر اور مانچسٹر سے دوسری بس پکڑ کر ائیرپورٹ پہنچنا پڑے گا اور وہاں نو بجے کے بعد پہنچ سکوں گا ۔سوچا کہ نو بجےسے پہلے نعیم بھائی تو چلے جائیں گے ۔نعیم بھائی سے دوبار رابطہ کیا انھوں نے بتایا کہ وہ مانچسٹر ہوٹل میں قیام کریں گے ۔میں نے اپنے ایک دوست جو مانچسٹر میں رہتے ہیں ان کو فون کیا کہ کل میں مانچسٹر آ رہا ہوں اور آپ نے مجھے ہالیڈے ہوٹل(جس ہوٹل میں نعیم بھائی نے قیام کرنا ہے کا نام) پہنچانا ہے ۔انھوں نے کہا یہاں پہنچ کر فون کر دینا میں آ جاوں گا ۔
صبح سویرے اٹھ کر ناشتہ کیا اور بس میں سوار ہو کر مانچسٹر پہنچ گیا ۔مانچسٹر پہنچ کر خان صاحب (میرے دوست) کو فون کیا انھوں نے بتایا کہ وہ چند منٹ میں پہنچ رہے ہیں ۔(یہ میرے دوست ان دنوں بہت مصروف ہیں ان کا گیراج ہے ان کا لڑکا گیراج چلاتا ہے اور چار ملازم بھی رکھے ہوئے ہیں اس نے۔ لیکن ان دنوں وہ پاکستان میں ہے اس لئے خان صاحب گیراج پر ہوتے ہیں ) خان صاحب پہنچ گے میں نے ہوٹل کا نام بتایا تو انھوں نے ایک آدمی کو فون کر کے پوچھا اور مجھے لے کر ہوٹل کی طرف روانہ ہو گے ۔تھوڑی دیر بعد ہم ہوٹل پہنچ گے

 

میں نے نعیم بھائی کو وٹزاپ میسج کیا ہوا تھا کہ میں کچھ دیر بعد پہنچ جاوں گا ۔ہوٹل کے باہر صحن میں ایک لکڑی کا بینچ ہے اس پر ایک آدمی شلوار قمیص پہنے بیٹھا ہوا تھا اور یقین مانیں اس کی شکل بھی نعیم بھائی سے ملتی تھی میں سمجھا کہ نعیم بھائی ہیں میں اس کی طرف گیا تو وہ بھی کھڑا ہو گیا ہم بغل گیر ہو گے لیکن بعد میں پتہ چلا کہ وہ نعیم بھائی نہیں ہے ۔نعیم بھائی پاس ہی ایک سپر سٹور ٹیسکو میں تھے ۔ ہم ٹیسکو میں پہنچ گے ۔میں سٹور کے اندر نعیم بھائی کو تلاش کرنے کے لئے گیا ۔ کافی بھاگ دوڑ کے بعد نعیم بھائی نظر آگے میں تیزی سے گیا اور پیچھے سے آواز دی کہ بھاگ لیں جتنا بھاگنا ہے وہ رک گے ۔بغل گیر ہوئے ۔ایسا لگتا تھا کہ ہم ایک دوسرے کو پہلے سے جانتے ہیں ۔ نعیم بھائی کے دونوں بچوں سے بھی ملا بہت پیارے بچے ہیں

 

وہاں سے خان صاحب نے ہمیں ایک ہوٹل میں اتارا اور کہا کہ جب فون کرو گے میں آ جاوں گا ۔میں نعیم بھائی کے ساتھ تقریبا ڈیڑھ یا دو گھنٹے رہا ہوں گا ۔ وہ بہت اعلی اور عمدہ انسان ہیں اور بہت علم رکھتے ہیں ۔یہ ملاقات ایک یادگار ملاقات تھی ۔نعیم بھائی سے گفتگو اور وہ لمے ہمیشہ یاد رہیں گے ۔بچوں کی پیاری پیاری شکلیں اور ان کی پیاری پیاری گفتگو ہمیشہ یار رہے گی ۔اس ملاقات کا سہرا ھارون بھائی کے سر ہے اور ملاقات کے دوران محسوس ہوتا تھا کہ وہ بھی یہی کہیں آس پاس موجود ہیں ۔اور دوسرا سہرا خان صاحب کے سر ہے جو اپنا کام چھوڑ کر مجھے نعیم بھائی کے پاس لائے ۔خان صاحب نے فون کر کے بتایا کہ وہ ظہر کی نماز پڑھ کر ایک سپر سٹور کے پاس آ جائیں گے ۔جو کہ وہاں سے چند منٹ کے فاصلے پر ہے ۔ہم لوگ وہاں سے اس سپر سٹور کے کار پارک میں پہنچ گے ۔تھوڑی دیر بعد خان صاحب بھی پہنچ گے اور نعیم بھائی اور بچوں سے الوداعی ملاقات ہوٹل پہنچ کر کرنے کے بعد میں خان صاحب کے ساتھ سٹی سنٹر کی طرف روانہ ہو گیا بولٹن کے بس اسٹاپ کی طرف اس امید کے ساتھ کہ ان شاء اللہ نعیم بھائی سے دوبار بھی ملاقات ہو گی ۔

ہوٹل ہالیڈے

ٹیسکو سپر سٹور

 

میرے دوست خان صاحب

 

اللہ پاک یہ محبتیں اسی طرح قائم دائم رکھے آمین

 

آمین

 

یورپ برطانیہ میں ہماری اردو کے صارفین کی باہم ملاقاتوں کے احوال پڑھ کر بہت اچھا لگا۔ سلامت رہیں
پاکستانی55 تو میرے اندازے سے بہت مختلف دکھائی دے رہے ہیں۔
نعیم صاحب کے بچے بہت کیوٹ ہیں ماشاءاللہ

 

بلکل تا یا جی کی طرح

 

اپنے بارے میں کہہ رہے ہیں

 

آپ کے اندازے کے مطابق مجھے کیسے ہونا چاھیے تھا
اس دن میری حالت اتنی خراب تھی کہ دعائیں کر کر کہ اللہ پاک ہمت دینا۔اور اس نے ہمت دئیے رکھی ۔گردن میں اتنی طاقت نہیں تھی کہ سر کا بوجھ اٹھا سکتی
ورنہ میرا تو پروگرام تھا کہ کچھ اس طرح سے بن کر جاتا تاکہ بچوں کی تفریح بھی ہو جاتی

 

ایسااااااااااااااااااااا

 

بڑی ہمت ہے موٹر سائیکل میں ۔

 

نعیم بھائی بھائی صاحب کا چھکا اور موٹر سائیکل کا بھی چھکا یعنی دو چھکے