اردو میں اردو شاعری

ذہن پر بوجھ رہا ، دل بھی پریشان ہوا
ان بڑے لوگوں سے مل کر بڑا نقصان ہوا

 

نہ غرض مجھ کو ہے کافر سے نہ دیں دار سے کام
روز و شب ہے مجھے اس کاکل خم دار سے کام

 

جب بهی نزدیک سے محسوس کیا ہے خود کو
میں نے دیکها ہے کوئی مجھ سے خفا رہتا ہے

 

ﯾﮧ ﺭﺍﺯ ﺑﮩﺎﺭِ ﮔﻠﺸﻦ ﮨﮯ ﺍﺱ
ﺭﺍﺯ ﮐﻮ ﮐﯿﺎ ﺳﻤﺠﮭﮯ ﮐﻮﺋﯽ
ﺷﺒﻨﻢ ﮐﻮ ﺭُﻻﯾﺎ ﭘﮭﻮﻟﻮﮞ ﻧﮯ
ﯾﺎ ﺭﺍﺕ ﮐﻮ ﺷﺒﻨﻢ ﺧﻮﺩ
ﺭﻭﺋﯽ

 

ان کے رخسار پہ ڈھلکے ہوئے آنسو توبہ
میں نے شبنم کو بھی شعلوں پہ مچلتے دیکھا

 

ﮐﺎﻧﭩﻮﮞ ﺳﮯ ﺑﮭﺮﺍ ﮨﮯ ﺩﺍﻣﻦِ ﺩِﻝ ﺷﺒﻨﻢ ﺳﮯ
ﺳُﻠﮕﺘﯽ ﮨﯿﮟ ﭘﻠﮑﯿﮟ
ﭘﮭﻮﻟﻮﮞ ﮐﯽ ﺳﺨﺎﻭﺕ ﮐﯿﺎ ﮐﮩﯿﮯ ﮐﭽﮫ ﯾﺎﺩ ﺭﮨﯽ
ﮐﭽﮫ ﺑﮭﻮﻝ ﮔﺌﮯ
‏ﺳﺎﻏﺮ ﺻﺪﯾﻘﯽ

 

لے لو بوسہ اپنا واپس ، کس لیے تکرار کی
کیا کوئی جاگیر ہم نے ، چھین لی سرکار کی

 

مجھ سا کوئی جہاں میں نادان بھی نہ ہو
کر کے جو عشق کہتا ہے نقصان بھی نہ ہو

 

ﺑﮩﺖ ﭘﺮﮐﯿﻒ ﺗﮭﺎ ﺍﺱ ﮐﺎ ﺗﺼﻮﺭ ﺷﺎﻡ ﺗﻨﮩﺎﺋﯽ
ﻧﮕﺎﮦ ﺷﻮﻕ ﮨﮯ ﺍﺏ ﻣﻀﻄﺮﺏ ﻧﺎﺩﯾﺪﮦ ﻧﺎﺩﯾﺪﮦ

 

بے پردہ سوئے وادی مجنوں کزر نہ کر
ہر ذرہ کے نقاب میں دل بے قرار ہے

 

زندگی تیرے لیے سب کو خفا ہم نے کیا
اپنی قسمت ہے کہ اب تو بھی خفا ہم سے ہوئی

 

ﻟﭩﺎ ﮐﮯ ﭘﯿﺎﺭ ﮐﯽ ﺩﻭﻟﺖ ﺧﺮﯾﺪﮮ ﺧﻮﻥ ﮐﮯ
ﺁﻧﺴﻮ
ﻣﻠﯽ ﺟﻮ ﻋﺸﻖ ﻣﯿﮟ ﮨﻤﮑﻮ ﺫﺭﺍ ﺟﺎﮔﯿﺮ ﺗﻮ
ﺩﯾﮑﮭﻮ

 

زندگی تجھ کو بھلایا ہے بہت دن ہم نے
وقت خوابوں میں گنوایا ہے بہت دن ہم نے

 

ہمیں دے کے آنسو جو تم ہنس رہے ہو
ذرا یہ کہو مسکراؤگے کب تک ۔ ۔ ۔

 

مجھ سے بچھڑ کے شہر میں گھل مل گیا وہ شخص
حالانکہ شہر بھر سے رقابت اسے بھی تھی ۔۔۔

 

اور کچھ دیر نہ گزرے شب فرقت سے کہو
دل بھی کم دکھتا ہے وہ یاد بھی کم آتے ہیں

 

ایک حشر سا اٹھا رہتا ہے میرے اندر
کہنے کو وہ میری خاموش محبت ہے

 

ترک تعلقات پہ رویا ، نہ تو ، نہ میں
لیکن یہ کیا کہ چین سے سویا ، نہ تو ، نہ میں

 

آپ نےرنگ محبت میں ملادی بھنگ
جب ہی تو کر رہے ہیں کھٹمل تنگ

 

ہماری زندگی تو مختصر سی ایک کہانی تھی
بھلا ہو موت کا جس نے بنا رکھا ہے افسانہ

 

بستی میں اپنی ہندو مسلماں جو بس گئے
انساں کی شکل دیکھنے کو ہم ترس گئے

 

طوفان کر رہا تھا میرے عزم کا طواف
دنیا سمجھ رہی تھی کہ کشتی بھنور میں ہے
۔۔۔۔۔۔۔۔۔۔۔

 

ثبوت یہ ہے محبت کی سادہ لوحی کا
جب اس نے وعدہ کیا ہم نے اعتبار کیا

 

اور وہ شخص بھی محروم سماعت نکلا
ہم نے رو رو کے جسے درد سنائے اپنے

 

سانس لینا بھی سزا لگتا ہے
اب تو مرنا ہی روا لگتا ہے
اتنا مانوس ہوں سناٹے سے
کوئی بولے تو برا لگتا ہے