صارفین کی تفصیل

جمعہ 15 دسمبر 2006 بوقت 2:30 ہماری اردو پر کل 314 مندرج صارفین ہیں اور انکی تفصیل کچھ یوں ہے
اول نمبر پر عبدالجبار ہیں 3668 پیغامات کے ساتھ
دوم نمبر پر نعیم ہیں 2072 پیغامات کے ساتھ
سوئم نمبر پر ع س ق ہیں 1128 پیغامات کے ساتھ
1000 سے زائد پیغامات - 4 صارفین
500-999 پیغامات - 7 صارفین
300-499 پیغامات - 4 صارفین
100-299 پیغامات - 16 صارفین
50-99 پیغامات - 12 صارفین
10-49 پیغامات - 38 صارفین
5-9 پیغامات - 16 صارفین
2-4 پیغامات - 29 صارفین
صرف 1 پیغام - 32 صارفین
کوئی پیغام نہیں - 156 صارفین

اس بنا پر منتظمین سے گزارش ہے کہ جن صارفین کے پیغامات 10 سے کم ہیں اور 3 ماہ سے کوئی نیا پیغام نہیں آیا انہیں ختم کر دیا جائے تاکہ ہم اپنے آپ کو جھوٹی تسلیاں نہ دیں کہ صارفین تیزی سے بڑھ رہے ہیں۔

 

السلام و علیکم!

سب سے پہلے تو واصف بھائی کا بہت بہت شکریہ۔ میں اُن مشکور و ممنون ہوں جو اُنہوں نے صارفین کی تفصیل درج کی۔

دوسری بات:

واصف بھائی! ابھی ہمیں وقت ہی کتنا ہُوا ہے۔ جو صارفین ابھی نہیں لکھ رہے، وہ کبھی بھی واپس آ سکتے ہیں، اور ایسا ہُوا بھی ہے۔ آپ عاشی صاحبہ کو لیں لیں کہ اُن کی شمولیت 10 جون 2006ء کو ہُوئی اور اُنہوں نے پہلا پیغام 31 اگست 2006ء کو ارسال کِیا۔ یعنی شمولیت سے 81 دن بعد مطلب تقریباَ 3 ماہ بعد اُن کا پہلا پیغام آیا۔ اسی طرح سعدیہ جی نے شمولیت سے تقریباً ایک ماہ بعد لکھنا شروع کِیا۔ ایسی اور بھی چند مثالیں ہوں گی۔

اور کسی کے نام کا بنا ہُوا اکاؤنٹ ختم کرنا مناسب نہیں۔ کیوں کہ کچھ لوگ صرف اس لئے اپنا اندراج کرواتے ہیں کہ وہ ابھی لکھ نہیں سکتے یا لکھنا نہیں چاہتے، لیکن چاہتے ہیں کہ اُن کے نام سے کوئی اور صارف نہ بن جائے، تاکہ بعدازاں اگر وہ لکھنا چاہیں تو اپنے نام سے ہی لکھ سکیں۔ اور اگر اُن کا اکاؤنٹ ختم کر دیا جائے تو بعدازاں ہم سے شکوہ بھی کر سکتے ہیں۔

کسی بھی فورم پر کوئی بھی بغیر کسی وجہ کے اپنا اکاؤنٹ نہیں بناتا، اُس کی ٹھوڑی بہت دلچسپی ضرور ہوتی ہے۔ اور وہ دلچسپی دوبارہ کبھی بھی جاگ سکتی ہے۔

ہاں جو اشتہاری صارفین ہوتے ہیں اُنہیں بروقت ختم کر دیا جاتا ہے۔‌ کئی بار تو آپ ہی اطلاع کر کے بتاتے ہیں کہ فلاں اشتہاری صارف بنا ہے اُسے ختم کیا جائے۔

تیسری بات:

واصف بھائی! یہاں جو لوگ بھی تسلسل سے لکھ رہے ہیں اور “ہماری اُردو“ کو ہماری اُردو (اپنی ویب سائٹ) سمجھتے ہیں (جیسا کہ ماشاءاللہ آپ ہیں) وہ بخوبی آگاہ ہیں، کہ “ہماری اُردو“ کہاں کھڑی ہے۔ اور سب جانتے ہُوئے خود کو کیسے جھوٹی تسلی دی جا سکتی ہے؟

اکاؤنٹ ختم نہ کرنے کی جو وجوہات میں نے بیان کیں ہیں۔ یہ تو وہ ہیں جو میرے ذہن میں آئیں۔ لیکن اِس کے علاوہ بھی کئی وجوہات ہو سکتیں ہیں، جو میں نہیں جانتا۔ :? سو میں‌ تو اِسی نتیجہ پر پہنچتا ہوں کہ کسی کا اکاؤنٹ بھی ختم کرنا مناسب نہیں سوائے اشتہاری صارفین کے۔۔۔۔۔۔۔

کیا آپ میری بات سے اتفاق کرتے ہیں؟ اپنی رائے سے ضرور آگاہ کیجیئے گا۔

اللہ پاک آپ کو خوش رکھے۔

سلامت رہیں۔

والسلام

 

آپکی بات دل کو لگتی ہے مگر یہ بھی تو دیکھیں کہ 49.68% یعنی تقریبا آدھے صارفین ایسے جنہوں نے آج تک کوئی پیغام نہیں دیا۔ان کا کچھ تو سدباب ہونا چاہیے۔ چلیں 3 ماہ نہ سہی 6 ماہ بعد ختم کیے جا سکتے ہیں

 

واصف بھائی! اکاؤنٹ نہ ختم کرنے کی میں نے تین چار وجوہات بتائیں (یہ صرف وہ ہیں جو میرے ذہن میں آئیں) کسی کا اکاؤنٹ ختم کرنے کی کوئی ایک وجہ؟ اور جو نہیں لکھ رہے آپ کے خیال میں اُن سے ہمیں کیا نقصانات ہو سکتے ہیں؟؟؟ :?

 

السلام و علیکم! آصف بھائی!

آپ نے رائے دی مجھے بہت بھلا لگا۔ آپ کی توجہ کا بہت شکریہ!

میں آپ کی بات کی تائید کرتا ہوں کہ صارفین کے تعارف میں ویب پیج کا لنک ضرور چیک کر لینا چاہیئے، اور کرتے بھی رہتے ہیں۔ ویسے اکثر اشتہاری صارفین کے ویب پیج ہی غیر معیاری ہُوا کرتے ہیں، ایسے صارفین کو ویسے ہی حذف کر دیا جاتا ہے۔

باقی اگر کسی کے تعارف میں آپ کو کوئی غیر معیاری ویب سائٹ کا ربط نظر آئے تو ضرور مطلع کیجیئے گا۔ میں آپ کا مشکور ہوں‌گا۔

اللہ پاک آپ کو سلامت رکھے۔ (آمین)

 

میرے خیال میں‌ اب مجھے بھی اپنی رائے بدلنی پڑے گی۔ یوں کرتے ہیں‌کہ صارفین کو حذف کرنے کا خیال فی الحال ملتوی کرتے ہیں۔

 

میں نے اتنی وجوہات بیان کیں لیکن آپ پھر بھی اپنی بات پر قائم تھے۔ اب آصف بھائی نے کہا تو فوری مان گئے۔ اِس کا مطلب ہے اب آپ سے کچھ منوانا ہو تو آصف بھائی سے سفارش کروائی جا سکتی ہے۔

 

اب تو دونوں احباب میں صلح صفائی بھی ہو چکی ہے۔ تاہم میں ایک بات کا اضافہ کرنا چاہوں گا کہ ڈسکشن فورمز میں صارفین کا معاملہ یونہی چلا کرتا ہے۔ ابھی میرے سامنے اردو کی ایک اور چوپال کھلی ہے، جس کی عمر ڈیڑھ سال ہے اور جہاں کل مندرج صارفین تو 877 ہیں مگر 10 سے زیادہ پیغامات دینے والے صارفین محض 147 ہیں۔ گویا 730 صارفین 10 یا اس سے کم پیغامات والے ہیں۔ کم از کم ایک پیغام ارسال کرنے والے صارفین کی تعداد صرف 328 یعنی 37.40 فیصد، ہے ناں حیران کن!!! ہماری حالت تو ان سے بہتر ہے یعنی 49.68 فیصد

صارفین یا پیغامات کی کثرت سے کسی چوپال کی فعالیت کا اندازہ لگانا درست نہیں۔ کسی چوپال کا معیار پیغامات کے معیار پر منحصر ہوتا ہے۔ دیکھنا یہ ہوتا ہے کہ کسی چوپال میں مذہبی، سیاسی یا لسانی بنیادوں پر تفرقہ پروری کو فروغ دیا جاتا ہے یا بھائی چارے کی فضا قائم کرتے ہوئے ہر ذہن کے لوگوں کو خوش آمدید کیا جاتا ہے۔ زندگی کے مثبت اور قابلِ اصلاح پہلوؤں کو زیرِبحث لاتے ہوئے معاشرے کے رجحانات کو مثبت رنگ دینے کی کوشش کی جاتی ہے یا تنقیدِ محض اور اپنے سوا ہر دوسرے گروہ کو ملک دشمن اور کافر و مشرک قرار دے کر نفرتوں کے بیج بوئے جاتے ہیں۔ یہ اور اسی طرح کی دوسری خصوصیات کسی چوپال کو دوسروں سے ممتاز کرتی ہیں۔

اس وضاحت کے بعد خود کو جھوٹی تسلیاں دینے والی بات ان شاء اللہ اب نہیں رہے گی۔ ہاں البتہ اب ہمیں یہ سوچنا ہو گا کہ غیرمتحرک صارفین کو کیسے متحرک کیا جائے اور صارفین میں مزید اضافہ کیسے کیا جائے۔ انقلاب آفریں مثبت موضوعات پر بحث و مباحثہ کے لئے لوگوں کو کیسے آمادہ کیا جائے اور معاشرے کے مختلف گروہوں میں حائل نفرتوں کی خلیج کو کیسے پاٹا جائے۔

یہ سوالات نعیم رضا، عبدالجبار اور واصف حسین جیسے سنجیدہ فکر صارفین کو دعوت دیتے ہیں کہ محض اردو کی ترویج سے آگے بڑھتے ہوئے پیارے وطن پاکستان میں محبت و آشتی کے فروغ میں اپنا کردار ادا کریں۔

 

آج ایک بڑی تبدیلی اسی ضمن میں لائی گئی ہے تاکہ اس طرح کی تجاویز پر عمل کیا جا سکے آپ جیسے مخلص دوستوں کی رہنمائی جاری رہی تو ان شاء اللہ ہماری اردو دن دگنی رات چگنی ترقی کرے گی

 

ویسے میں تو اب بھی انکی حمایت کرتا ہوں اگر چیک کریں تو کچھ ممبر آتے ہیں اور بغیر کچھ پوسٹ کیے چلے جاتے ہیں ۔

 

یہ گڑے مردے کیوں اکھاڑ رہے ہیں

 

یہ مسلہ آج بھی موجود ہے

 

مجلس مشاورت میں حل بتائیں

 

سوچنے دیں

 

مسلہ تو وہی پرانا ہے ۔اس بارے میں کہنا آسان تھا ۔ اس کا حل کیا ہے ؟ یہ کہنا مشکل ہے۔ایک حل واصف بھائی صاحب نے بھی دیا ہے ۔

 

مجھے نہیں پتہ کہ اشتہاری ممبر کون ہیں سچ کہہ رہا ہوں۔اگر کسی کو پتہ ہے تو برائے مہربانی شئیر کریں