ایسی شب بھی کبھی تو پاؤں میں۔وہ نظر آئیں جو سو جاؤں میں۔ تازہ ہدیہ عقیدت

اللھم صل علی سیدنا ومولانا محمد وعلی آلہ وصحبہ وبارک وسلم

ایسی شب بھی کبھی تو پاؤں میں
وہ نظر آئیں جو سو جاؤں میں

جو کبھی خواب میں وہ آ جائیں
پھر کبھی جاگنا نہ چاہوں میں

حُسنِ ماہتاب ماند پڑجائے
حُسن اُن کا اگر بتاؤں میں ​

ڈُ بڈ با تا ہوا یہ دل پوچھے
اُنکی آنکھوں میں ڈوب جاؤں میں؟

غنچہء دل پہ اَوس سی برسے
شبِ ہجراں کو جب رُلاؤں میں​

وہ جو آ جائیں حال پُرسی کو
مارے فرحت کے مرنہ جاؤں میں​

وصل کی شادمانی کیا ہوگی؟
لذتِ غم سے مسکراؤں میں

بھول جائے جو تو انہیں اے دل !
اس سے بہتر ہے جی نہ پاؤں میں

دل جھکا جائے جانبِ طیبہ
سوئے کعبہ جو سر جھکاؤں میں

اُنکے دربار سے ہو وہ نسبت
حشر میں اُن کا کہلواؤں میں

آپ کا ہوں میں دو جہانوں میں
تھام لینا جو ڈگمگاؤں میں

نعت ایسی کوئی کہوں اے رضا
روبرو اُن کے جو سناؤں میں

ہدیہ کلام : محمد نعیم رضا قادری۔ جمعہ 27مئی 2016۔ ویانا
​

 

جذاک اللہ خیرا

 

شکریہ عبدالمطلب بھائی۔

 

بہت شکریہ پاکستانی بھائی۔ سلامت رہیئے

 

جذاک اللہ خیر

 

شکرا کثیرا

 

سبحان اللہ ۔ اللہ تعالیٰ جزائے خیر عطا کرے آمین