کیا غم مجھے جہاں کا۔ اگر غوثِ پاک ہیں

ہدیہ عقیدت بحضور غوث الثقلین سیدنا شیخ عبدالقادرجیلانی

کیا غم مجھے جہاں کا، اگر غوثِ پاک ہیں
رحمت اُدھر خدا کی جدھر غوثِ پاک ہیں

سایہ ہے میرے سرپہ یوں آلِ رسول کا
مُرشد میرے علی کے پِسر غوثِ پاک ہیں

بخشی ہیں اُن کو قادرِ مطلق نے قدرتیں
کہ صاحبِ مقامِ قدر غوثِ پاک ہیں

آقا تو انبیاء میں سِراجُ مُّنیر ہیں
سب اولیاء میں مثلِ قمرغوثِ پاک ہیں

دینِ خدا کا بیج جو بویا حضور نے
اُس شجرِ دیں کا خوب ثمر غوثِ پاک ہیں

ہوتا گماں ہے مُرشدِ کامل کو دیکھ کر
گویا کہ میرے پیشِ نظر غوثِ پاک ہیں

سب اولیاء کی عظمتیں تسلیم دوستو !
اس سلطنت کے شاہ مگر غوثِ پاک ہیں

موجِ بلا کا ڈر ہو سفینے کو کیوں بھلا ؟
جب میرے ناخدا اے بھنور! غوثِ پاک ہیں

مژدہء "لاتخف" ہے مریدوں کو اے رضا
میرے شفیع بھی روزِ حشر غوثِ پاک ہیں

کلام : محمد نعیم رضا ۔ 2015-02-07 بروز ہفتہ

 

آپکی محبت و حوصلہ افزائی کا شکریہ۔

 

شکریہ ملک بلال بھائی۔
حوصلہ افزائی کے لیے ممنون ہوں

 

سبحان اللہ ۔
المدد یا غوث اعظم المدد یا دستگیر

 

شکریہ برادر۔ دعا فرمایا کریں مولا کریم یہ نسبتیں قائم رکھے آمین

 

آمین ۔ پیارے بھائی دعاؤں کی التماس کے ساتھ شکریہ۔ سلامت رہیں

 

شکریہ میڈم جی ۔ جزاک اللہ