لفظِ “عشق“ پر شعر کہیں

یہاں ایک نیا سلسلہ شروع کیا جا رہا ہے۔ یہاں آپ ایسے اشعار دیں گے جس میں لفظِ عشق استعمال ہو۔

پہلا شعر حاضر ہے۔

ہم عشق میں یوں بے باک ہوئے، سو بار گریباں چاک ہوئے
اب راہِ طلب میں خاک ہوئے، اس خاک کو تو برباد نہ کر​

 

پختہ ہوتی ہے اگر مصلحت اندیش ہو عقل
عشق ہو مصلحت اندیش تو ہے خام ابھی

بے خطر کود پڑا آتش نمرود میں عشق
عقل ہے محو تماشائے لب بام ابھی

 

تِرے عشق کی انتہا چانتا ہوں
مِری سادگی دیکھ کیا چاہتا ہوں
بھری بزم میں راز کی بات کہہ دی
بڑا بے ادب ہوں سزا چاہتا ہوں​

 

کی محبت تو سیاست کا چلن چھوڑ دیا
ہم اگر عشق نہ کرتے تو حکومت کرتے​

 

وفا کیسی کہاں کا عشق گر سر پھوڑنا ٹھہرا
تو پھر اے سنگدل تیرا ہی سنگ آستاں کیوں ہو

 

آنکھ ہو عشق سے روشن یہی بینائی ہے
چشمِ یعقوب کو تھے یوسفِ کنعاں کافی​

 

عشق ہے عشق ، نصیر اُن سے شکایت کیسی
وہ جو تڑپانے پہ آمادہ ہیں ، تڑپانے دے​

 

عشق کو شرک کی حد تک نہ بڑھا
یوں نہ مل مجھ سے خُدا ہو جیسے​

 

مجھے حُسن نے ستایا مجھے عشق نے مٹایا
کسی اور کی یہ حالت کبھی تھی نہ ہے نہ ہوگی

تِرے دَر سے بھی نبھاہے ، دَرِ غیر کو بھی چاہے
مِرے سَر کو یہ اجازت کبھی تھی نہ ہے نہ ہو گی​

 

نہ عشق میں رہیں گرمیاں، نہ وہ حسن میں رہیں شوخیاں
نہ وہ غزنوی میں تڑپ رہی، نہ وہ خم ہے زلفِ ایاز میں​

 

داغ فراق، زخم وفا، اشک خوں فشاں
روز ازل سے ہیں یہی جاگیریں عشق کی

 

ذرا سا عشق کا بھی اس میں دخل ہے ورنہ
کوئی حسین ، مکمل حسیں نہیں ہوتا​

 

منزلِ عشق تھی کٹھن ایسی، کوئی بھی میرا ہمسفر نہ ہُوا
جس طرف انتظار میں ہم تھے، اُس طرف آپ کا گزر نہ ہُوا​

 

عشق کی چوٹ تو پڑتی ہے دلوں پہ یکساں
ظرف کے فرق سے آواز بدل جاتی ہے

 

احساسِ برتری میں گرفتار ہو گئے
ہم سے ملے تو لوگ بھی فنکار ہو گئے

اس نے جو عشق لازم و ملزوم کر دیا
لمحاتِ وصل اور بھی دشوار ہو گئے​

 

ایک ایسی بھی گھڑی عشق میں آئی تھی کہ ہم
خاک کو ہاتھ لگاتے تو ستارہ کرتے ۔ ۔ ۔ ۔ ۔ ۔​

 

عمر ساری تو کٹی عشق بتاں میں‌مومن
آخری وقت میں‌کیا خاک مسلماں ہوں گے